Archive for the ‘අභිසම්භිදාන පිරිත’ Category
සම්බුදු සසුනේ තානාන්තරලාභී බුදු පුතුන්ට නමස්කාර කර ඊළම් වාදයෙන්, ඉස්ලාම්කරණයෙන් රට බේරා ගැනීමට අභිසම්භිදාන පිරිත යොදා ගනිමු!
Posted on: අප්‍රේල් 6, 2015
සර්වඥ වූ, අමාමෑණී ලොව්තුරා බුදු පියාණන් වහන්සේ නොයෙක්වර සිය ශ්‍රී මුඛ දේශනා වලින්ම පෙන්වා දුන් සේ තාරකා වලට අප මත පෑ හැකි බලයක් ඇතැයි අප විශ්වාස කිරීම සම්බුද්ධ දේශණයට පිටුපෑමක් සේ අපි දකිමු. අප හට හානි කල හැකි යමක් ඇත්නම් එය ඇත්තේ අප තුලම පමණි. රෝගයකට, කුමණ හෝ දෝෂයක් යයි විශ්වාසකරන දෙයකට, අනතුරකට අප පත්වේනම් එය ඒකාන්තයෙන්ම, අතීත වර්ථමාන අනාගත කාල තුල අපගේ සිත කය වචනය යන තුන් දොර අප පවත්වාගන්නා ආකාරය මතම පමණක් රඳා පවතින බව තේරුම් ගත යුතුය. මේ අනුව නවග්‍රග දෝෂ, අපල යන ව්‍යවහාරික නම් වලින් හැඳින්වෙන සියල්ලේ සැබෑ අරුත අපගේම කර්මය මිස අන් යමක් නොවන බවද විචාර බුද්ධිය ඇති ඕනෑම අයෙක්ට තේරුම් යා යුතුය.
මිථ්‍යා දහම වෙළඳාම් කරමින් අඳුරේ ගල් ගසන සටකපට කපුවන්ගේ ගොදුරු බවට අධික මිළ ගෙවා උපාසකයන්/උපාසිකාවන් පත්වන්නේ මේවා සිහි නුවණින් තේරුම් කර නොගන්නා නිසාය. මෙය සඳහා ඔබ 10,000/= 15,000/= 20,000/= 60,000/= ආදී වශයෙන් කපුවාගේ ඒ මොහොතේ දිවගට එන අහඹු ගානක් ගෙවිය යුතු නොවේ. කෝටියක් ගෙවාවත් කරගත නොහැකි ප්‍රතිකර්ම තමාටම සදහම් බලයෙන් නොමිළේම කරගත හැක.
අපගේ උතුම්ම ලාභය වන නීරෝගී සම්පත අපට උදාකරගත හැක්කේ අපගේ කර්මයේ අඩුපාඩු ඇත්නම් ඒවාට ප්‍රතිකාර කර ගැනීමෙන් පමණි. යාග හෝම බලි තොවිල්, නක්ෂශ්ත්‍ර කිසිවක් නොව, ප්‍රයෝග සම්පත්තිය හෙවත් වැඩි වැඩියෙන් දස කුශල ධර්මයේ තුන් දොර යෙදවීමෙනි.
එවිට අපගේ දුෂ්ඨ විපාක ඇති පෙර කර්ම වල විපාක බලය කුසල කර්ම වල විපාක බලයෙන් අවම කර ගැනීමේ හැකියාව අපට ලැබේ. මේ අංශයෙන් නිවන් දොරටු සේ සැලකෙන ධර්ම සජ්ඣායනා හා ධර්ම ශ්‍රවණ දෙකටම අයත් පිරිත් ධර්මය භාවිතය තුලින් ඔබට ලබාගත හැකි පිහිට අනන්තය, අප්‍රමාණය.
අභිසම්භිදාන පිරිත අප දන්නා පිරිත් ධර්මය පත්‍රිකාවේ පවා සඳහන් නොවන පසු කාලීනව සොයාගන්නා ලද පිරිතක් බව පැහැදිළිය. මෙහි විවිධාකාර සංස්කරණ අන්තර්ජාලයේ විසිරී ඇතත් වචනයෙන් වචනය හෙළ බසින් තේරුම් සහිතව පැහැදිළිකිරීමක්ද සොයා ගැනීමට නොමැත.
කෙසේ නමුත් වසර 2500ක් පුරා රැකුණු අපගේ දහමේ වටිනාකම වැඩිකල යමක් වේ නම් එය අප රැක ගැනීමේ වරදක් නැත. නීරෝගී සම්පත ලබා ගැනීමට සත්‍යක්‍රියා නිවැරදි විය යුතුය. ඒ අනුව බුදුසසුනේ තානාන්තර ලාභීත්වය නිවැරදිව සඳහන් කරමින් අභිසම්භිදාන පිරිත සංස්කරණය කිරීමට අපට සිදුවිය. පහත සඳහන් වන්නේ එසේ අප දන්නා තරමින් නිවැරදි කල පිරිතයි. එයට පහත තානාන්තරලාභී බුද්ධ පුත්‍ර උත්තමයන්ගේ තානාන්තර ඇතුලත් කර ඇත.
ධාරණ-ස්මෘතීන්ගෙන්/වීර්‍යවතුන්ගෙන් අග්‍ර – ආනන්ද තෙරණුවෝ
මහා ප්‍රාඥයන්ගෙන් අග්‍ර සාරිපුත්ත තෙරණුවෝ, ඍධිමතුන්ගෙන් අග්‍ර මොග්ගල්ලාන තෙරණුවෝ,
නීරෝගීයන්ගෙන් අග්‍ර බක්කුල තෙරණුවෝ,
ලාභීන් අතරින් අග්‍ර සීවලී තෙරණුවෝ,
අධික ශ්‍රද්ධා ඇත්තවුන්ගෙන් අග්‍ර වක්කලී තෙරණුවෝ,
ඉංද්‍රිය සංවරයන්ගෙන් අග්‍ර නන්ද තෙරණුවෝ,
ශික්ෂාකාමීන්ගෙන් අග්‍ර රාහුල තෙරණුවෝ
මෙය සජ්ඣායනා කිරීමෙන් එම තානාන්තර මතක තබාගැනීමේ පහසුව සැලසෙනවා පමණක් නොව සත්‍යක්‍රියා නිවැරදි බැවින් නොවරදින ප්‍රතිඵලද අත්හදා බැලිය හැකි වෙනවා ඇත.
අපගේ සංස්කරණයම නොවුනත් අති රමණීය ලෙස මෙම පිරිත සජ්ඣායනා කරන අයුරු ඔබට පහතයොමුවෙන් ශ්‍රවනය කල හැක. එම උතුම් සවාමීන් වහන්සේට හා විකාශය කල ලක් හඬ නාලිකාවට අපගේ ගෞරවණීය නමස්කාර පූර්වක ප්‍රණාමය!
අපගේ ප්‍රාර්ථනාව නම් ශ්‍රී ලක් මාතාවගේ පාලනය මෙවකට අරක්ගත් කොටස් අපගේ මව් රට, ජාතිය හා ආගම, ඊළම් වාදයෙ/ ඉස්ලාම්කරණයෙ සිතැඟි පරිදි රාජ්‍ය පාලන අංශයෙන් මරණීය ලෙස රෝගී කරන කුමණ්ත්‍රණය මේ පිරිතේ බලයෙනුත් වහා දුරු වේවා යන්නයි! ඒ අනුව පිරිත ලක් මාතාවට සෙත් පතා මෙසේ ලිපියට අතුලත් කලෙමු. රට දැය සමයට හිතැති ඔබ රට වෙනුවෙන් මේ ආකාරයෙන් හිතින් සජ්ඣායනා කරන්න.
- නමෝ අභිසම්භිදානේ යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ සම්මා සම්බුද්ධේ යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ පච්චේක සම්බුද්ධේ යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ ආනන්ද මහා ථෙරෝ මහා ධාරණෝ මහා වීරෝ, යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ සාරිපුත්ත මොග්ගල්ලානේ මහා ප්‍රාඥෝ, මහා ඍධිමතෝ, යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ බක්කුල මහා ථෙරෝ මහා නීරෝගෝ යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ සීවලී මහා ථෙරෝ මහා ලාභී යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ වක්කලී මහා ථෙරෝ මහා ශ්‍රද්ධා යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ නන්ද මහා ථෙරෝ මහා ඉංද්‍රිය සංවරෝ යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ රාහුල මහා ථෙරෝ මහා ශික්ෂාකාමී යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
- නමෝ සප්තතිංස බෝධි පක්ඛියා ධම්මා, චත්තාරෝ සතිපට්ඨානා, චත්තාරෝ ඉද්ධි පාදා, චත්තාරෝ සම්මප්පදානා, චත්තාරි අරිය සච්චානි, පංචීන්ද්‍රියානි / පංචබලානි, සප්ත බොජ්ජංගානි, අරිය අට්ඨංගිකෝ මග්ගො බුද්ධ මන්තංච මන්තං, ධම්ම මන්තංච මන්තං, සංඝ මන්තංච මන්තං,
- ශ්‍රී ලංකා මාතා නාමිකාය
සබ්බ රෝග/සබ්බ දෝෂ/සබ්බන්තරායා විනස්සන්තු යුත්තේ යුත්තේ පජ්ජලති පජ්ජලති තීහුම් තීහුම් ලුහු ලුහු පරමේස්වාහ:
එතෙන සච්ච වච්චෙන සොත්ති තේ හෝතු සබ්බදා!
එතෙන සච්ච වච්චෙන සොත්ති තේ හෝතු සබ්බදා!
එතෙන සච්ච වච්චෙන සොත්ති තේ හෝතු සබ්බදා!
කෙසේ නමුත් අපගේ පිරිත් පිටුවේ ඇති පත්‍රිකාව ඕනෑම අයෙකුට භාවිතාකල හැකි වනසේ අතුලත් කලෙමු.
ලක් මව සම්බන්ධයෙන් පූජණීය ආචාර්ය මැදගොඩ අභය තිස්‌ස හිමි දකිනා ඒ කණගාටුදායක සත්‍ය කියවන්න මේ ප්‍රවෘත්තිය තුලින්:
ජනවරමක්‌ නැති කොටස් ඒකරාශී වී සියලු දේ අහිමි කර
රට දෙකඩ කිරීමේ කරුණු සම්පාදනය කරමින් සිටිනවා
පැපිලියාන සුනේත්‍රාදේවි පිරිවෙන් විහාරස්‌ථානාධිපති ආචාර්ය මැදගොඩ අභය තිස්‌ස හිමි
බොරලැස්‌ගමුව – ඥානතිස්‌ස ජයවර්ධන
අපේ රටේ සමහර ජාතික බලවේගවල සෘජු හා වක්‍ර සම්බන්ධතා ඇතිව සුළු ජාතීන් ප්‍රකෝපකර ඔවුන්ට වෙනම රාජ්‍යයක්‌ නිර්මාණය කර දීමට විජාතික ඔත්තු සේවා ක්‍රියාකරන බවත් නියමිත ජනවරමක්‌ නැති කොටස් ඒකරාශී වී ජාතික වටිනාකමක්‌ ඇති සියලු දේ අහිමිකර රට දෙකඩ කිරීමේ කරුණු සම්පාදනය කරමින් සිටින බවත් පැපිලියාන සුනේත්‍රාදේවි පිරිවෙන් විහාරස්‌ථානාධිපති ආචාර්ය මැදගොඩ අභය තිස්‌ස හිමියෝ පැවසූහ.
වර්තමානයේ පවතින අවිනිශ්චිත දේශපාලන තත්ත්වය පිළිබඳ කරුණු පැහැදිලි කිරීම සඳහා ඉකුත් 31 වැනිදා එම විහාරස්‌ථානයේ පැවැති මාධ්‍ය හමුවේදී උන්වහන්සේ මේ බව අනාවරණය කළේය.
එහිදී උන්වහන්සේ මෙසේද සඳහන් කළහ.
ජාතික ගීය දෙමළෙන් ගායනා කිරීම උතුරේ අධි ආරක්‌ෂිත කලාප හා ජාතික වීර ස්‌මාරක ඉවත් කිරීම ජනතාව නොඉල්ලූ ව්යවස්ථා සංශෝධනය යනාදී ඉල්ලීම්වලින් පැහැදිලි වන්නේ බෙදීමක්‌ අපේක්‌ෂා කරන බවයි.
මේ වන විට සුළු ජන කොටසක්‌ තේරුම් ගෙන තිබෙනවා තම බෙදුම්වාදී අදහස්‌ ඉටුකරගන්නා හොඳම වෙලාව මෙය තමයි කියලා. ඒ නිසා ඒ අය සැඟවුණු ක්‍රමවලින් මේ බෙදුම්වාදයට ප්‍රවිෂ්ට වී තිබෙනවා.
1948 සිට පැවති සියලු ආණ්‌ඩු දෙමළ ජනතාවට හිරිහැර කළාකීම බරපතළ කාරණයක්‌, අපි දෙමළ ජනතාවට හිරිහැර කළා නම් ඔවුන් කොළඹ ජීවත් වුණේ ඉගෙන ගත්තේ රැකියා කළේ කොහොමද? ඒ අය දැන් උතුරට ගිහිල්ලා බෙදුම්වාදයට අවශ්‍ය කරුණු කාරණා සකස්‌ කරමින් සිටිනවා.
ජාතික ගීය දෙමළෙන් ගායනා කිරීමට ඉඩ දුන්නොත් ඊට පස්‌සේ ජාතික කොඩියත් වෙනස්‌ කරාවි. සාම්පූර් හමුදා කඳවුර ඉවත් කළොත් පලාලි ගුවන් පථය සිවිල් ගුවන් පථයක්‌ බවට පත් කළොත් එය ආරක්‌ෂාවට තර්ජනයක්‌, ගාමිණී කුලරත්න හසලක වීරයාගේ ස්‌මාරකය ඉවත් කරන්න භික්‌ෂුන් වහන්සේ නමක් වුවත් කියනවා නම් එය කොටින්ගේ වුවමනාවන් පිරිමැසීමක්‌, අපේ රටේ ප්‍රශ්නවලට පිළිතුරු සොයන්න හදිසි ව්යවස්ථා සංශෝධනයක්‌ ඇවිත් තිබෙනවා. ඉන් පහර වදින්නේ මේ රටේ පරමාධිපත්‍යයටයි. ව්යවස්ථා සංශෝධනයක්‌ අවශ්‍ය නම් එය අනුමත කළ යුත්තේ ජනමත විචාරණයක්‌ තුළිනුයි. ධීවර සමාගම් එකතුවෙලා මුහුද බෙදාගන්න යන බවත් කියනවා. මෙම කරුණු මෝදිගේ කතාව අනුව රට බෙදීමේ අදහසක්‌ තිබෙන බව පැහැදිලිවම පෙනෙනවා.
ඒවාට අනුබල දෙන මොල්ලිගොඩ එක්‌නැලිගොඩ පරපුරේ අය කරන පාවාදීම් හරහා 1915 අපේ රටට වෙච්ච නස්‌පැත්තිය ඉදිරියටත් වෙන්න පුළුවන්.
උතුරු නැගෙනහිරට අවශ්‍ය පාසල් අධිවේගී මාර්ග හැදෙන විට උසස්‌ පෙළ වැඩිම ලකුණු යාපනේ ළමයි ගන්න කොට ඒවා හරියට ලෝකෙට වාර්තා කළේ නැහැ. ඒ වෙනුවට අපේ අය වෙන වෙන විකාර දේවල් කර කර හිටපු නිසා හොරුන්ගේ වංචාකාරයන්ගේ අදහස්‌වලට ඉඩ ලැබුණා. එයින් සිද්ධ වුණේ අපේ රට බෙදුම්වාදයට තල්ලු වීමයි. ඒ නිසා එදා මහ සඟරුවන රටට එරෙහිව බලවේගවලදී ජනතාව දැනුම් වත් කළ ආකාරයටම වර්තමානයේදී නිවැරදි අවබෝධයක්‌ ලබා දෙන්න අපි තීරණය කළා.
අස්‌ගිරි පාර්ශ්වයේ සංඝ සභික මැදගම ධම්මානන්ද හිමි, මහාචාර්ය මාගම්මන පඤ්Æනන්ද හිමි, දොඩම්පහල රාහුල හිමි, මහාචාර්ය ඉඳුරාගල්ලේ ධම්මරතන හිමි, මහාචාර්ය මල්වානේ චන්ද්‍රරතන හිමි, ශාස්‌ත්‍රපති ගොම්බද්දල දමිත හිමි, සහ වෛද්‍ය ගුණදාස අමරසේකර මහතාද මෙහිදී අදහස්‌ දැක්‌වූහ.
http://www.divaina.com/2015/04/04/news38.html
කුරගලදී අසරණ වූ හෙළ බොදුනුවා අපට පෙන්වා දෙන්නේ මේ යථාර්ථයම නොවේද?
කූරගල ගිය සිහළ රාවයට ජල ප්‍රහාර
චමින්ද සිල්වා
පොලිස්‌ අණ නොතකා කූරගල ඓතිහාසික භූමියට ඇතුළුවීමට උත්සාහ කිරීම නිසා සිහළ රාවය සංවිධානයට ජල ප්‍රහාරයක්‌ එල්ල කර විසුරුවා හැරීමට පොලිසිය පෙරේදා (04 වැනිදා) පියවර ගෙන ඇත.
කූරගල ඓතිහාසික භූමියේ ඉදිකර තිබෙන අනවසර ඉදිකිරීම් ඉවත් කරන ලෙස බලකරමින් පෙරේදා පෙරවරුවේ සිට කූරගලට ගමන් ගන්නා මාර්ගය හරස්‌ කරමින් සිහළ රාවය සංවිධානයේ නායක අක්‌මීමන දයාරතන හිමියන් ප්‍රමුඛ මහා සංඝරත්නය සහ දෙසීයක පමණ ගිහි පිරිසක්‌ එක්‌ව විරෝධතාවක නිරත වී ඇත.
ඉන් අනතුරුව උද්ඝෝෂණයේ නිරත පිරිස කූරගල ඓතිහාසික භූමියට යකඩ උල්, උදලු ආදිය රැගෙන ඇතුළුවීමට උත්සාහ කළ අවස්‌ථාවේ කල්තොට පොලිසිය බලංගොඩ අධිකරණයෙන් ලබාගත් නියෝගයක්‌ පෙන්වමින් එහි ඇතුළු නොවන ලෙස කළ ඉල්ලීම ඉවත දමා ඔවුන් ඇතුළුවීමට උත්සාහ දරා ඇත. මේ නිසා ජල ප්‍රහාර එල්ල කර ඔවුන් විසුරුවාහැරිය බව උසස්‌ පොලිස්‌ නිලධාරියෙක්‌ “දිවයින” ට පැවසීය.
සිද්ධියෙන් කිසිවකුටත් තුවාල සිදු වී හෝ අත්අඩංගුවට ගැනීමක්‌ සිදු නොවූ බව ද එම නිලධාරියා වැඩිදුරටත් පැවසීය.
ධර්ම නිධාන 
නවතම ප්‍රතිචාර