ධර්ම නිධාන

පිවිසෙන්න මේ video යොමුවට, බලන්න කරන ධර්ම සංහාරයේ තරම

https://www.facebook.com/photo.php?v=10201076300896233

මෙම ප්‍රබන්ධ ධර්ම දේශණය දෙසන පිරිස් දූෂකයන් වහන්සේ දහම ඇතුලතින් කිළිටි කිරීමේ පුරෝගාමීන් වන කුප්‍රකට මහමෙව්නා කල්ලියේ අළුදෙනියේ සුබෝධි නම් අයෙක් බව ප්‍රතිචාර වලින් හෙළිවේ. ධර්ම දේශණය ආරම්භයේදීම මහමෙව්නා ධර්ම සංහාර ගැන පොඩි ඉඟියක් දීමට එම වහන්සේට සිදුවී තිබීම යහපතකි.

බළලා මල්ලෙන් එලියට පැන්නේ : “ඉතින් ඒ ස්වාමීන් වහන්සේ පවසන ධර්ම කාරණා පිළිබඳ යම් යම් මතබේද තිබුණත්…”යන ප්‍රකාශයෙනි. ඉන්පසු කිසිම පිළිකුලක් නොමැතිව කිසිසේත් සත්‍ය විය නොහැකි ප්‍රබන්ධය දෙසීමට පටන් ගන්නේ වසර තිස් දහසක් අතීතය දැකීමට තරම් තමාට හමුවූවා වූ අර මන:කල්පිත භික්ෂුවට හැකියාව ඇති බව කියා පාමිනි. ආර්‍ය මාර්ගයෙහි ගමන් ගන්නා උතුමන් කිසිසේත් තමා ලබන ලෞකික ධ්‍යාන දකින දකින අයට කියමින් ප්‍රමාද වන්නේ නැත. සම සතලිස් කර්මස්ථාන නියම අයුරින් පිළිපදින්නාට ලෞකික ධ්‍යාන වලට වෙහෙසීමට පෙර එය මග හරිමින් චතු සත්‍ය අවබෝධය පිණිස කල යුතු බොහෝ දේ තිබේ. ඒවා යන්තමින් හෝ ලඟා වූවෙක් නොදෙසන මුසාවාද මේ මන:කල්පිත ධ්‍යාන ලාභී භික්ෂුව විසින් දෙසීම හාස්‍යජනකය.

වසර තිස් දහසක් අතීතයෙන් මේ භික්ෂුව ඉතා සවිස්තරව පෙන්වා දෙන්නේ වසර 2550 “ගණනකට” පෙර සත් හැවිරිදි වියේ දරුවෙක් දකිනා ලද සිද්ධියකි. ඔතරම් විස්තර කියන එතුමාට වසර ගැන නිෂ්චිත විය නොහැක්කේ මන්ද? හුදු ප්‍රබන්ධයක් නිසාම පමණි. අතීතය දැකීමට නම් මේ මොහොතින් පටන්ගෙන චිත්තක්ෂණයෙන් චිත්තක්ෂණයට සිය නාම පරම්පරාව පසුපසට බලමින් යා යුතුය. මේ භවයේ ප්‍රතිසන්ධි සිත ආ විට පෙර භවයේ චුති සිතට පිවිසෙමින් භවයෙන් භවය පසු පසට ගමන් කල යුතුය.එසේ යන කල වසර ගැන අවිනිෂ්චිත භාවයක් නොපැමිණේ. මේ මනෝ භික්ෂුව එය නොදත් බැවින් 2550 “ගණනක්” වී ඇත. සිය ප්‍රලාපයට පසුබිම සකසාගැනීම එහි එකම අරමුණ බව මෙයින් තහවුරු වේ.

එම ස්වාමීන් වහන්සේ බොදු ඉතිහාසයේ වැනසීමට කුරුමානම් අල්ලන යුගයේ කිසිම යුද්ධයක් සිරිලක තිබුනේ නැත. නාග ගෝත්‍රිකයන් සිටි බවට සඳහනක් නැත. කියන වර්ගයේ ජනගහන, ඉඩකඩ ප්‍රශ්නයක් තිබුනේද නැත. අප ලොව්තුරු බුදු පියාණන්ගේ ප්‍රථම ලංකාගමනය වූ මොහොතේ මුළු සිරිලකම අරක්ගෙන සිටියේ යක්ෂයන් පමණි. යක්ෂ ගෝත්‍රිකයන් නොවේ.

කෙසේ නමුත් දිවයිනේ මධ්‍ය භාගයේ මහවැ‍ලි ගං ඉවුරෙයි තුන් යොදුනක් දිග හා තුන් යෙදුනක් පළල ඇති “මහානාග” වන නම් උයනෙහි සමිති භූමියෙහි පැවැ‍ත්වෙන මහානිසාචර සමාගමයෙක් විය. යක්ෂයන් ගෝත්‍රිකයන් වීමටත් උයනේ නම යොදා නාග ගෝත්‍රියන් මැවීමටත් මේ පිරිස් දූෂකයන් වහන්සේ නිර්ලජ්ජී වී ඇති තරම කෙතරම් ඛේදජනකද?

නැනපහන් බ්ලොග් අඩවිය බොහෝ දුරට විස්තර සහිතව පෙන්වා ඇති පරිදි සැබෑ පුවත ඔබට බලාගත හැක.

එයද කියවා මේ ප්‍රලාප දේශණයේ ඇති අනෙක් නිර්ලජ්ජී බොරු විචාර නුවනින් සැලකීමට සත් හැවිරිදි දරුවෙකුට වුව අපහසු නොවන බව අපගේ අදහසයි.

මෙහි යුධ භූමිය ගැන ප්‍රලාපය ඉතාම විහිළු සහගතය. උන් වහන්සේට අනුව සිරිලක සිටියේ යක්ෂ හා නාග ගෝත්‍රිකයන්ය නමුත් ඔවුන් අතර යුද්ධය නැරඹීමට තුන්වන පාර්ශවයක්ද නොපෙනෙන තරම් උස මහා කන්දක් උඩ බලා සිටින බව කියවේ. ඔවුන්ට යක්ෂ හෝ නාග කියන්නේ නැත. ඔවුන් “සාමාන්‍ය ජනතාවය”. දෙසන තරම් උස හෙළක් පහල සිදුවන යුද්ධයක් තබා අඩු තරමින් විසාල වස්තුවක් වත් පැහැදිළිව දැකීමට මේ “සාමාන්‍ය ජනතාවට” හැකි වූයේ කෙසේද? එවන් නරඹුම් ස්ථානයක් තොරා ගත්තේ බොරු ධ්‍යානලාභී උන්මත්තක වහන්සේ විසිනි. කිසිවිට ප්‍රායෝගික ජනතාවක් එවන් බොරු වැඩ නොකරයි. මහා හෙළක් උනබම්බු අට්ටාල වලින් ආවරණය කිරීම කොතරම් ප්‍රායෝගිකද? උණ බම්බු සෝපාන මහා විශාල ප්‍රවාහන පද්ධති , හුදු යුද්ධයක් වෙනුවෙන්ම කොතරම් ප්‍රායෝගිකද? යුද්ධය පසෙක තබා කොපමණ කාලයක් කොතරම් ජනතාවක් මෙය කල යුතුද? එය කලේ යක්ෂ ගෝත්‍රිකයෝද?, නාග ගෝත්‍රිකයෝද? “සාමාන්‍ය ජනතාවද”? එවා කිසිවක් නොදෙසයි.

යක්ෂ ගෝත්‍රික වේවා, නාග ගෝත්‍රික වේවා තුවාල කරුවන් වෙනසක් නැතිව බලා ගැනීමට මේ කන්ද උඩ “සාමාන්‍ය ජනතාව” සැදී පැහැදී සිටින්නේ කුමණ හේතුවක් නිසාදැයි දෙසන්නේ නැත. තුවාල කරුවන් ඉහලට ගැනීමේ මහන්සිය දරන්නේ කවුරුන්දැයි දෙසන්නේ නැත.

සාමාන්‍ය ජනතාව අතර යක්ෂ ගෝත්‍රික දරුවා හා මව බලා සිටිනබව දෙසයි. කන්ද උඩ නාග ගෝත්‍රික මව්වරු හා දරුවෝ ගැන කිසිවක් නොදෙසයි. එසේත් නැතිනම් ඉතා සහයෝගයෙන් ක්‍රීඩා උත්සවයක් නරඹීමට මෙන් යුද්ධය නැරඹීමට එක් වී ඇති බව මේ වහන්සේ ඉඟි කරයි.ඒ අය “සාමාන්‍ය ජනතාව” බව මෙයින් තේරුම් යයි. අනික් විහිළුව නම් යුද්ධය ඇරඹීමට මොහොතකට පෙර දරුවාගේ අයියල දෙන්නා සෙන්පතියන් වීත් ඉතා දුර බැහැරක සේනාව අහුලා ගැනීමට ගොස් සිටීමය. යුද්ධ අවසන් වූ පසු මල කඳන් ඇහිඳීමට සේනාව සොයන්නේදැයි පැහැදිළි නැත. ප්‍රලාපයේ සීමා මායිම් නැති තරම්ය. යුද්දෙට නැති කඩුව මෙන් මේ සෙන්පතියන් 2 සේනාවට ඉතාම අවශ්‍ය මොහොතේ මිහින්තලේ ගොස් සිටි බව මොනතරම් විහිළුවක්ද?

එතනින් එහාට ඇති ප්‍රලාප සඳහන් කිරීම පවා පිළිකුල් සහගතය.

තවද සමන්තකූට පර්වත වාසී මහාසුමන දිව්‍යරාජයා සුමන ගොකැස් නම් රජෙක් බවට මේ දූෂකයන් වහන්සේ පත්කර තිබේ. මේ කියන සුමන ගොකැස් නායක වූයේ යක්ෂයන්ටද? නාගයන්ටද? දෙගොල්ලොටමද? සටන පටන්ගැනීමට පෙර නොසිටි රජෙක් එක්වරම බුදුන් වහන්සේ වැඩි පසු පහල වූයේ කෙසේද? තමාගේ ප්‍රදේශයේ තමා නොදැන කොහෙවත් ඉන්නා ගෝත්‍රිකයන් සටන් කරන විට රජෙක් බලා සිටීද? රජාගේ සේනාව කොහේද? කිසිවක් නොදෙසයි.

සත්‍ය අමු අමුවේ වැනසූ මහමෙව්නා සුනාමියේ බියකරු බව තේරුම් ගන්න. මහමෙව්නාව සහමුලින් ප්‍රතික්ෂේප කරන්න.