ධර්ම නිධාන

Archive for ජනවාරි 2011

Click here to Read Full screen or Download this Sinhala article in PDF format

 

කලින් ලිපියේදී ප්‍රාර්ථනා වාක්‍ය අපි ඔබට ඉදිරිපත් කලෙමු. තුන්වන පියවර ඉදිරිපත් කිරීමට පෙර, ප්‍රාර්ථනා වාක්‍ය හි සඳහන් සියල්ල අපි තෙරුම් ගැනීමට උත්සාහ කරමු. එහිදී අපි, කුසල බලයෙන් මග හැර ගැනීමට ප්‍රර්ථනා කරන්නා වූ අනාගත සසරේ අති බියකරු කාරණා පහත පරිදි වේ.

1. ත්‍රිවිධ සත්ත්ව විනාශය: සත්ත්ව විනාශය සිදුවන ආකාර තුනක් ධර්මයේ සඳහන් වේ
i. අවි ආයුධ වලින් – මිනිස් ප්‍රජාවගේ ද්වේෂය පුපුරා හැලෙන තත්වයට උත්සන්න වීමෙන් මෙම විනාශය සිදුවේ. මිය යන මොහොතේ ඇතිවන ද්වේෂ කෙළෙස් මූල චිත්තය මිය යන බොහෝමයකට නැවත දුගති උප්පත්තිම ලබා දේ
ii. දුර්භික්ෂ වලින් – ආහාර පාන දුර්ලභ වීමෙන් සත්වයෝ බඩගින්නෙන්ම විශාල ලෙස මියයයි. මිය යන මොහොතේ කෑම කෙරෙහි ලෝබ සිතින් මියයාම නිසා බොහෝ දෙනෙක්ට නැවත ප්‍රේත උප්පතිම ලැබේ
iii. රෝග වලින් – විවිධ ලෙඩ රෝග , වසංගත පැතිරීමෙන් සත්ත්ව විනාශය සිදුවේ. මිය යන මොහොතේ සමහරෙක් “වෙන කිසි සතෙක් මෙසේ දුක් නොවිදීවා” යනුවෙන් පතමින් කරුණා විහරණයෙන් මිය ගොස් සුගති ගාමී වේ.

2. නරකාදී සතර අපා උප්පත්තීන්: එක් ලෝක ධාතුවකට අයත් භූමි තල 31 ඇත. මෙයින් භූමි තල  4ක් දුක් අධික බැවින් සතර අපා හෙවත් දුගති ලෝක ලෙස හැඳින්වේ. එවා පහත පරිදි වේ.
i. ප්‍රේත අපාය – මුලු ආත්ම භාවයම බඩගින්නේ සිටිය යුතු බැවින් මෙසේ හැඳින්වේ
ii. අසුර අපාය – මුලු විපාක කාලයම එකිනෙකා නැවත නැවත කපා කොටා ගනිමින් වැනසෙන ලොවකි
iii. තිරිසන් අපාය – අප කාටත් දැක ගැනීමට ඇති තිරිසන් ගත ජීවීන් මෙම අපායේ විපාක ගෙවන්නවුන් වේ.
iv. නරකාදිය (නිරය) – අති බියකරුම දුගතියයි. අට මහා නරකය නමින් තට්ටු අටකට ප්‍රධාන නරකාදීන්ද, එම සෑම ප්‍රධාන නරකයක්ම වටා පරිවාර ඔසුපත් නරක 16 බැගින්ද සිටින සේ, මුලු සංඛ්‍යාව 136 ක් වූ සියලුම නරකයන් මෙයට අයත් වේ.

ඉහත 31 භූමි තලයම ඔබට මෙතැනින් වර්ණ නිරූපණයක් ලෙස දැක ගත හැක.

3. පංච විධ අන්තරාව: අපගේ කලින් ලිපිය බලන්න.

4. අෂ්ට දුෂ්ඨක්ෂණය:
i. නරකාදිය (නිරය) – ඉහත අංක 2 බලන්න
ii. තිරිසන් අපාය – ඉහත අංක 2 බලන්න
iii.  ප්‍රේත අපාය – ඉහත අංක 2 බලන්න
iv. අසඤ්ඤසත්තය /අරූප තලය : අසඤ්ඤසත්තය  31 භූමි තල  නිරූපණයේ 22 වන තලයයි. කය මිස හිත නැති රූප ශරීරය පමණක් විපාක කාලය අවසන් වනතෙක් මෙහි පහළ වී පවතී. නිර්වාණය අරමුණු කිරීමට සිතක් නැති බැවින් මෙහිදී නිවන් දැකිය හැකි නොවේ. අරූප තලය යනු එම නිරූපණයේම 28 සිට 31 දක්වා භූමි තලයි. මේවායේ රූප ශරීරයක් නොපවතී. ඇත්තේ සිත පමණි. මාර්ග ඵලයක් නොලැබූවෙක් මෙම තලයක ලෞකික ධ්‍යාන වල උපකාරයෙන් ප්‍රතිසන්ධි ගතහොත්, මනු ලොව වරින් වර බුදුන් දහසක් පහල වුවත් දැන ගැනීමට ක්‍රමයක් නැත. මහා කල්ප 20 දහසේ සිට 84 දහස් කල් සසරේ සිර වීමට සිදුවනු ඇත.
v. ප්‍රත්‍යන්ත දේශ: ත්‍රිවිධ රත්නය නොමැති දේශ මේ නමින් හැඳින්වේ. කොතරම් ලෞකික සම්පත් ඇතුව ඉපදුනත් නිවන් යන වචන මාත්‍රයවත් අසන්නට නැති මහා අවාසනාවන්තයෝ වෙති.
vi. අහේතුක/ද්වීහේතුක උප්පත්ති: මේවා මොනවාදැයි, පංච විධ අන්තරාව හි විපාක අන්තරාය යටතේ විස්තර කර ඇත. ඉහත අංක 3 ඔස්සේ සොයා ගන්න
vii.මිථ්‍යාදෘෂ්ටිය: පංච විධ අන්තරාව හි ක්ලේශාන්තරාය යටතේ විස්තර කර ඇත. ඉහත අංක 3 ඔස්සේ සොයා ගන්න
viii. අබුද්ධෝත්පාද කාල: බුදු වරුන් ලොව සෑම කල්හීම පහළ නොවේ. පහළ වීම ඉතාම දුර්ලබ මංගල කරුණකි. බුදු වරුන් පහළ නොවන ශුන්‍ය කල්ප වලදී නිවන් යන වචන මාත්‍රයවත් අසන්නට නොලැබේ.

ඉහත තේරුම සහිත ප්‍රාර්ථනා වාක්‍ය කීමෙන් පසු, අප කෙරෙහි අනන්ත කරුණාවෙන් 28 බුදුවරුන්ගෙන් අඩුම මනුලොව ආයු පිළිගනිමින් ලොව පහළ වී සූ විසි අසංඛ්‍ය නව කෝටි හැට ලක්ෂයක් දෙනා සිය ජීවිත කාලයේදී පමණක් සසරෙන් මුදවා අනන්ත ලෙස ප්‍රනීත නිර්වාන ධාතුව ලඟා කර දුන්, ලොව්තුරා බුදු පියාණන් වහන්සේ ගේ ගුණ සිහිකරමින් නමස්කාරය තුන් වාරයක් කියන්න.

නමස්කාරය

ඒ භාග්‍යවත් වූ, අරහත් වූ, සම්මා සම්බුදු රජාණන් වහන්සේට මාගේ නමස්කාරය වේවා!
දෙවනුවද තුන්වනුවද,  මාගේ නමස්කාරය වේවා!

නමෝ තස්ස භගවතෝ අරහතෝ සම්මා සම්බුද්දස්ස!
නමෝ තස්ස භගවතෝ අරහතෝ සම්මා සම්බුද්දස්ස!!
නමෝ තස්ස භගවතෝ අරහතෝ සම්මා සම්බුද්දස්ස!!!

ලොව්තුරා බුදු පියාණන් වහන්සේ කෙරේ ඔබගේ ශ්‍රද්ධාව දියුණු කර ගැනීම පිණිස පහත ධර්ම පත්‍රිකා නොවරදවා කියවන්න.

28 බුදු රජාණන් වහන්සේලා ගැන දැන ගන්න. අප ගෞතම බුදු පියාණන් ගේ ආයු කාලය හා සසඳන්න මෙතැනින්

අප ගෞතම බුදු පියාණන් වහන්සේ බුදු වූ ආකාරය දැන ගන්න මෙතැනින්

තුන් ලෝකයටම හිත සුව පිණිස  අප ගෞතම බුදු පියාණන් වහන්සේ 45 වසරක් වූ බුද්ධ ජීවිතයේදී දිනකට සැතපීම සඳහා වෙන් කලේ පැය 1 කුත් විනාඩි 20ක් (අළුයම 3:20 සිට 4:40 දක්වා) පමණි. විස්තර දැනගන්න මෙතැනින්.

<< 2 පියවර

4 පියවර>>

පංච බුද්ධ කෘත්‍ය

විශාල වීම සඳහා පත්‍රිකාව මත Click කරන්න

 

ගෞතම බුදු පියාණන් වහන්සේ බුදු වූ ආකාරය

විශාල වීම සඳහා පත්‍රිකාව මත Click කරන්න

 

 

අප වෙසෙන භද්‍ර කල්පයේ සියලු බුදු වරුන්

විශාල වීම සඳහා පත්‍රිකාව මත Click කරන්න

දස වැදෑරුම් දුක්ඛයෝ

විශාල වීම සඳහා පත්‍රිකාව මත Click කරන්න

Click here to Read(Full screen)/Download this Sinhala article in PDF format

නිවන් වළකන ධර්ම 5 ක් ධර්මයේ සඳහන් වේ. පංච විධ අන්තරාව ලෙස හදුන්වන එයින් උපවාද අන්තරාව අපගේ කලින් ලිපියේ විස්තර කලෙමු. සියලු දෙනාගේ දැන ගැනීම පිණිස ඉතිරි අන්තරා 4, පරම පූජනීය රේරුකානේ චන්දවිමල මහ නාහිමි සම්පාදිත “විදර්ශනා භාවනා ක්‍රමය” නම් ග්‍රන්ථයේ සඳහන් ආකාරයට මෙසේ සැකෙවින් දක්වන්නෙමු.

1. කර්ම අන්තරාය
පඤ්චානන්තර්ය කර්මය, භික්ෂුණී දූෂක කර්මය මෙයට ඇතුලත් වේ. මෙය පිළියම් කල නොහැකි ඝනයේ එකකි. කොතරම් හේතු සම්පත් ඇතුව සිටියත් මෙයින් යමක් කලේ නම්, එම ජාතියේදී කොතරම් වීර්ය කලද මඟ-ඵල නොලැබේ. අජාසත් රජු පිතෲ ඝාතනයෙන් පසු කලෙක, බුදු පියානණන් හමුවේ බණ ඇසූවද, එවිට සෝවාන් වීමට සියලු හේතු සම්පත් ඇතිව සිටියද එය නොලැබී ගියේ මෙම අන්තරාය නිසාය.

2. ක්ලේශාන්තරාය
මෙය නියත මිථ්‍යාදෘෂ්ටියයි, අත් හැර සම්‍යග්දෘෂ්ටිය ගන්නා තෙක් බල පැවැත්වේ. මේ හේතුව නිසා, පිරිසිඳු බුදු දහමෙන් පිට කිසි විටකත් මඟ-ඵල නොලද හැකිය. මෛත්‍රී බුදුන් තමා යයි කියා ගන්නා, මිථ්‍යාදෘෂ්ටිකයන්ට හා ඔවුන්ගේ සහචරයන්ට අධිගම කිසිවිටෙකත් නොලැබිය හැක්කේ මේ නිසායි. සම්බුද්ධ දේශිත මෛත්‍රී බුදු රජුන් ගැන කියවන්න මෙතැනින්.

3. විපාක අන්තරාය
අහේතුක හෝ ද්වී හේතුක ප්‍රතිසන්ධි මේවායි. අහේතුක ප්‍රතිසන්ධිය යනු අලෝභ, අදෝෂ, අමෝහ යන කුසල හේතු කිසිවක උපකාර නොමැතිව ගන්නා ප්‍රතිසන්ධියයි, අඳ, ගොළු, බිහිරි, උන්මත්තක, මන්ද බුද්ධික උපත් සිදු වන්නේ මේ ආකාරයටයි.  එම ජාතියේදී  මඟ-ඵල නොලද හැකිය. ඉහත කුසල හේතු දෙකක් පමණක් උපතට උපකාරී වූ විට ද්වී හේතුක ප්‍රතිසන්ධි ඇතිවේ. මෙම පුද්ගලයන්ගේ පිටතට පෙනෙන කිසිදු අඩුපාඩුවක් හෝ, විඳිනා සැපෙහි අඩුපාඩුවක් හෝ නොපෙනේ. නමුත් ඔවුන් තුල ඥාන සම්ප්‍රයුක්ත කුසල් සිත් කිසි විට නූපදී. එබැවින් කාමයන්හී මත් වී වාසය කරයි. ගැඹුරු ධර්මය විෂය නොවන බැවින් සසර දික් කර ගනී. එම ජාතියේදී  මඟ-ඵල නොලද හැකිය. කුසල හේතු සියල්ල සහිතව උපන් ත්‍රිහේතුක පුද්ගලයෝ පමණක් මෙම අන්තරායට හසු වූවෝ නොවෙති.

තමා ද්වී හේතුකද නැතිනම් ත්‍රිහේතුකදැයි යමෙක්ට දැන ගත හැකි වන්නේ ක්‍රමානුකූලව කලක් භාවනා කිරීමෙන් පමණි. එබැවින් විදර්ශනාවම එයට උපකාරී වේ.

4. උපවාද අන්තරාය
අපගේ කලින් ලිපිය බලන්න.

5. ආඥාව්‍යාතික්‍රමණාන්තරාය
කෝටියක් සංවර ශීලය උපසම්පදාවට අයත් වේ. සම්බුදු පියාණන් වහන්සේ විසින් අවස්ථානු කූලව, සාශනයේ චිර පැවැත්ම උදෙසා, බුද්ධ ආඥාව ලෙස මේවා පනවා තිබේ. තම තමා ලබා ගත් අධිගමයන් ගැන ස්වාමීන් වහන්සේ උතුමෙකුට කීමට අවසර දී ඇත්තේ, තමාගේ ඉතා සමීපතම උපස්ථායක ස්වාමීන් වහන්සේට, අපවත් වන මොහොතේදී පමණි. මෙය කඩ කිරීමත් මෙම අන්තරායට හසු වීමට ප්‍රමාණවත් වේ. සැබැවින් අධිගම ලාභී නම් කිසිවිට බුද්ධ ආඥාව නොකැඩෙන තරම් තියුණු ප්‍රඥාවක් ඇති හෙයින් මෙය අත් වැරදීමක් ලෙස කිසි විට සිදු විය නොහැක. මෙම අන්තරාය වළකා ගැනීම පිණිස දැන දැනම් ඕනෑකමින් වරද කිරීමෙන් බුද්ධ පුත්‍රයන් වහන්සේලාට සිදුවූ ආපත්තීහූ, ඇවැත් දෙසීම ආදියෙන් ශුද්ධියට පැමිණීමෙන්  කල හැක. එසේ නොමැති නම් උපසම්පදාවෙන් ඉවත් වන තෙක් අන්තරාය බල පවත්වයි.  සම්බුද්ධ දේශිත උපසම්පදා ශීලය හා එය පිරිසිඳු කර ගත හැකි ක්‍රම ගැන සැකෙවින් දැනගන්න මෙතැනින්.

අති උතුම් කම්මට්ඨානාචාර්ය නා උයනේ අරියධම්ම මාහිමි පාණන් ගේ දේශනා වලට අනුව, පෘතග්ජන අයෙක්  අධිගම ලාභී උතුමෙක් වන විට, සක්විති දරු ගැබක් රකින රැජිනක් මෙන් තම අධිගමය කිසිවෙකුටත් හෙළි නොකිරීමේ චිත්තයක් පහළ වන බව දැක්වේ. ඒ අනුව තමා සෝවාන් යයි කියා ගන්නා සැබෑ සෝවාන් ලාභීන්ද සිටිය නොහැක.

සසරේදී අපට මුහුණ දීමට සිදුවන සියලු භයංකාර තත්වයන් ඉහත අන්තරා පමණක් නොවේ. තවත් බොහෝ දේ ඇත. අප විසින් කරනා යම් තාක් කුසල් ප්‍රයෝජනයට ගත යුත්තේ එවායින් මිදී සුවසේ නිවන් අවබෝධ කර ගැනීම පිණිසයි. එබැවින් දවස ආරම්භයේදී සිහි කල යුතු අපගේ උතුම් ප්‍රාර්ථනාවට එම සියළු වලකා ගත යුතු ධර්ම අඩංඟු වනසේ සකස් කල ප්‍රාර්ථනා වාක්‍ය, අති පූජනීය නා උයනේ අරියධම්ම මාහිමිපාණන් විසින් සජ්ඣායනා කරනු ඔබට අසා ගත හැක. බාගත කර සවන්දී පුහුණු වන්න.

Prarthana Waakya chanting by Most Ven. Na Uyane Ariyadhamma Maha Nahimi.mp3

නොවරදවා සෑම දිනකම ආරම්භයේදී  රත්නත්‍රය සමා කර ගැනීමෙන් පසු සිතින් කියවා දවස සුභ කර ගන්න.

මතු සම්බන්ධයි.

<<1 පියවර

3 පියවර >>

රත්නත්‍රයේ අසම සම බලයෙන් ඔබ රැකේවා!

ගිහි-පැවිදි ශීලය

විශාල වීම සඳහා පත්‍රිකාව මත Click කරන්න

මෛත්‍රී බුදු රජුන්

විශාල වීම සඳහා පත්‍රිකාව මත Click කරන්න

Click here to Read(Full screen)/Download this Sinhala article in PDF format

තමා ලබා ගත් අති දුර්ලභ වූ මනුෂ්‍ය භවයෙන් උපරිම ඵල නෙලීමට වාසනාව ඇත්තා ලෙස බෞද්ධයා සඳහන් කල හැක. එනම් නැවත ඉපදීම වැලැක්වීම තුලින් පමණක් ලඟා කර ගත හැකි,   අසංඛත වූ (හේතු ප්‍රත්‍යයන්ගෙන් හට නොගත් ), කිසිදින ගෙවී අවසන් නොවන, අනන්ත ලෙස ප්‍රණීත වූ නිර්වාණයට පිවිසෙන දොරටුව බෞද්ධයාට පමණක් අදාල දෙයක් නිසයි.

දිනයක් සුබ දිනයක් වීමට නම් අනිවාර්යයෙන්ම එම දිනය පින්කමකින් ඇරඹිය යුතුයි. බාහිර ලෝකයේ කිසිදු වස්තුවකට අපගේ දිනය සුබ කල හැකි යයි විශ්වාස කිරීම බෞද්ධයෙක්ට කිසි සේත් තරම් නොවන, ලැජ්ජා විය යුතු මිථ්‍යාදෘෂ්ඨියකි.

නිවනේ අගය වටහා ගත් බෞද්ධයා නම් එම දිනය සුභ කර ගැනීමේ පින්කම නිවන් පතාම කර ගනී. කෙටි දුර පමණක් දකින, ගෙවෙන සැපයට කැමති අයෙක් සිටී නම් එම පින්කම අදාල සැපය ලබා දෙන්නේ හේතු ඵල වාදයට අනුකූලවයි. එබැවින් කුමණ අරමුණකින් කලත් කුසලය තමාට සිටිනවාට වඩා සැපක් මිස කිසිදු පාඩුවක් නොකරයි.

අපි දැන් අපගේ උතුම්ම ලාභය, එනම් නිවන් වෙනුවෙන් කිරීමට සුදුසුම පින්කම කුමක්දැයි බලමු. නිවන් පතන්නා විසින් මුලින්ම දැනගත යුතු වන්නේ නිවන් මග අහුරන යම් තාක් බාධක ඇත්නම් එවායි. එම බාධක වලට පිළියම් නොකර කොතරම් වෙහෙස වූවත් නිවන් නම් ලබා ගත නොහැකි නිසයි.

මෙම නිවන් වළකන ධර්ම 5 ක් ධර්මයේ සඳහන් වේ. පංච විධ අන්තරාව ලෙස හදුන්වන එයින් සමහරක් පිළියම් කළ හැකි ඒවා වේ. තවත් සමහරක් පිළියම් කළ නොහැකි ඒවා වන අතර මෙම දෙවන ඝනයේ ඒවාට හසු වූයේ නම් ඔබට මේ භවයේදී කිසි විට මාර්ග ඵලයක් ලැබිය හැකි නොවේ. එනම් නිවන් දැකිය හැකි නොවේ. මෙම අන්තරා වලින් ඕනෑම අයෙක් පහසුවෙන්ම හසුවන, නමුත් අපගේ වාසනාවට පිළියම් කළ හැකි ඝනයේ එක් අන්තරාවක් නම් උපවාද අන්තරාවයි. මෙය ආර්යෝපවාද කර්මය ලෙසද හැදින්වේ. බුදු වරයෙකුට හෝ පසේ බුදු වරයෙකුට හෝ ආර්ය වූ (එනම් සෝවාන් සිට ඉහළ මාර්ග ඵල ඕනෑම එකකට පත්) ස්වාමීන් වහන්සේ උතුමෙකුට හෝ ගිහි උතුමෙකුට ද්වේෂ සහගත සිතින් ගර්හා කිරීමයි. මෙහිදී මතක තබා ගත යුත්තේ තමාට සෝවාන් හෝ ඉහල ඵලයක් ඇතැයි කියන්නා හෝ පැහැදිලිව අඟවන්නා කිසිවිට කිසිම මාර්ග ඵලයක් ඇත්තෙක් වීමට ධර්මයට අනුව කිසිම ඉඩක් නැති වීමයි (එය ඔබටම අනෙක් අන්තරා හරහා වැටහේවි ). එවන් පුද්ගලයෙක්ට ද්වේෂ සහගත සිතින් ගර්හා කිරීම තුලින් මෙම අන්තරාව සිදු නොවන්නේ ඔවුන් ඇත්තටම ආර්ය නොවන නිසායි. නමුත් ද්වේෂ සහගත ගර්හාව පරුෂ වචන අකුසල කර්ම පථය පමණක් සිදු කරයි.

මෙය අපිට කියන්නට සිදු වී ඇත්තේ අද දින විෂම සමාජයේ පවට බිය නැතිවීම නිසා එවන් ගිහි පැවිදි දෙපක්ෂයම සිටින නිසාත්, ධර්මය ඔවුන්ගෙන් බේරා ගැනීමට උනන්දු වන්නෝ මේ හේතුව නිසා නිකරුනේ බිය විය හැකි නිසාත්, ධර්මය වනසන්නෝ එයම ආයුධයක් කර ගත හැකි නිසාත්ය. මෙම කුමන පුද්ගලයෙක්  සම්බන්ධව හෝ මෙත් සිතින් විවේචනය,  ධර්මය නොදත් අන් අය ඔවුන්ගෙන් බේරා ගැනීමටත්, ධර්මයේ චිර ස්ථිතියත් වෙනුවෙන් කළ හැකි නම් එය ඒකාන්තයෙන්ම කුසලයක් වන්නේ එහිදී බල පැවැත්වෙන කුසළ චේතයනාවම කර්මය වන නිසයි (චේතනා හං භික්ඛවේ කම්මං වදාමි – බුදු පියාණන් වහන්සේ ). මෙත් සිත ද්වේෂයට විරුද්ධව පරුෂ වචනයටද ඉඩ අහුරන බැවින්, කිසිම අකුසල් කර්ම පථයක්ද සිදු නොවේ. පිරිසිඳු තථාගත සද්ධර්මයට අද දින අත්‍යවශ්‍ය ශ්‍රාවක ආරක්ෂාවද ලැබේ. සුවාසු දහසක් (84000) ධර්ම ස්කන්ධයද යම් යම් අයගේ අවශ්‍යතාවන්ට 18000 ක් දක්වා ක්ෂණිකව අඩු නොවී පවතීවි.
බුද්ධ දේශිත දුක නිපාතයේ පහත දේශනය ඇතුලත් වේ.

 දුක නිපාතය

විශාල වීම සඳහා පත්‍රිකාව මත Click කරන්න

ඒ අනුව ත්‍රිපිටකයේ වැදගත්ම කොටස් (අභිධර්මය, විනය ආදී )  ප්‍රතික්ෂේප කරමින්, එතුලින් ශ්‍රාවකයන්ට නොදැනෙන සේ බුදුන්ට ආකෝෂ කරමින් (මෙය ආර්යෝපවාද කර්මය වේ) යම් භික්ෂුවක් හෝ භික්ෂු සමූහයක් ක්‍රියා කරයි නම් ඔවුන් කිසිවිටෙකත් මාර්ග ඵල නොලබන්නෝ වෙති. බෞද්ධයෝ මෙවන් අය ගැන බොහෝ අවධානයෙන් සිටිය යුතු වන්නේ ඔවුන්ගේ අනුශාසනා තමන්ටත් අනර්ථයක්ම කිරීමට විශාල අනතුරක් ඇති හෙයිනි.

දැන් අපි නැවතත් අප දැන හෝ නොදැන අපගෙන් සිදුවූ උපවාද අන්තරාවක් ඇත්නම් එයට කළ යුතු පිළියම කුමක් දැයි බලමු. එම පිළියමෙන්ම අපි දිනය පටන් ගත්තේ නම්, එය අපගේ දිනය සුභ දිනයක් බවට ඉබේම පත් කරන්නේ අපි මාර්ග ඵල වලකන එක් අන්තරාවකට ධර්මානුකූල, පිරිසිඳු පිළියමක් යෙදීම නිසයි. එම දිනය අනන්ත වූ අපගේ අනාගත සංසාරය යටත් පිරිසෙන් භව 7 ක් දක්වා කපා හරින තත්වය වන සෝවාන් මාර්ග ඵලය තෙක් ලඟා වීමට වෙන කිසිම දිනකට වඩා එක් පඩියක් හෝ ඉහලින් සිටින නිසාය.

පහත සුමිහිරි සජ්ඣායනාව ඔබට කිසිවිට අමුතු දෙයක් නොවේ. ගරු පූජනීය තෙලිකඩ ධම්මිස්සර ස්වාමිපාණන් වහන්සේ ගේ සිත් බඳින තාලයට සිංහලතේරුමත් සමග ඇති මෙය, ආයාසයෙන් තොරව ඔබට සිහි තිබේවි!

Rathnathraya Sama kara Ganeema by Ve. Thelikada Dhammissara Nahimi.mp3

නොවරදවා සෑම දිනකම ආරම්භයේදී සිතින් කියවා දවස සුභ කර ගන්න.

අනිකුත් අන්තරා පිළිබඳ විස්තර ඉදිරියේදී.

රත්නත්‍රයේ අසම සම බලයෙන් ඔබ රැකේවා!

 

2 පියවර>>

මහා පෘථිවියට එකම රජ වන සක්විති රජ කමටත් වඩා, දිව්ය ලෝක හයෙ උප්පත්ති වීමටත් වඩා, මුලු ලෝකයටම අධිපතිව බ්‍රහ්ම රාජ වෙනවටත් වඩා සෝවාන් ඵලය ශ්‍රේෂ්ඨයි…..
…..පූර්ව භවය ගැන පෙනීමේ නුවණක් නැති නිසා, අපි ඉතින් සන්තෝසෙන් ඉන්නව, නමුත් පූර්ව භවය ගැන හොන්දින් දැක ගන්න නුවණක් පහල වුනා නම්, හිස ගිනි ගත්තෙකු පමා නොවන්නා වගේ මේ භවයෙන් එතෙර වීමට කටයුතු කර ගැනීමට අප්‍රමාද වෙනව…

නිර්වානය පිළිබඳ උසස්, සවිස්තරාත්මක වර්ණනාවක්ද මෙහි අඩංගු වේ

සම්පූර්ණ ධර්ම දේශනය බාගත කර සවන් දෙන්න…
Sotapatti-pala Vannana .mp3

අති පූජනීය නා උයනේ අරියධම්ම මාහිමි පාණන්ගේ ඝාම්භීර වූද, රසවත් වූද මෙම කාලීන ධර්ම දේශනාවට සියල්ලෝ සවන් දෙත්වා! අසා පිලිපැද, මෙලොව පරලොව දෙකම ජය ගනිත්වා! අති උතුම් නිර්වාන සැප පිණිස උපකාරී කර ගනිත්වා!


lankeeya sithuwili

Install Sinhala Unicode to fully view this site

පරම පූජනීය රේරුකානේ චන්දවිමල ස්වාමීන් වහන්සේ

පරම පූජනීය රේරුකානේ චන්දවිමල ස්වාමීන් වහන්සේ

වඩ වඩා විශාල වීම සඳහා පින්තූරය මත නැවත නැවත Click කරන්න. උපරිම ලෙස විශාල වූ පසු බාගත (Download) කරන්න.

අති පූජනීය නා උයනේ අරියධම්ම ස්වාමීන් වහන්සේ

අති පූජනීය නා උයනේ අරියධම්ම ස්වාමීන් වහන්සේ

වඩ වඩා විශාල වීම සඳහා පින්තූරය මත නැවත නැවත Click කරන්න. උපරිම ලෙස විශාල වූ පසු බාගත (Download) කරන්න.

Join 671 other followers

පටුන

අනුක්‍රමණිකාව

28 බුදු වරුන් Personality Building අංගුත්තර නිකාය චතුස්ස නිපාතය අංගුත්තර නිකායේ ඒකක නිපාතය අංගුත්තර නිකායේ දුක නිපාතය අකප්පිය දස මාංශය අට මහා කුසල් අතීතයේ සුරාපානයෙන් නැසුනෝ අදහාගැනීමටත් නොහැකි මහා ධර්ම සංහාර අන්තරාභව මිථ්‍යාව අභිධර්මය අභිධර්මය ඉගෙනීමේ හා නැතිවීමේ වෙනස අෂ්ට දුෂ්ඨක්ෂණය ආදීනව 6 ක් ඇති මද්‍ය පානය ආහාර ප්‍රත්‍යවේක්ෂා වාක්‍ය ආහාර වර්ග 4 උතුරු සළුව භාවිතාව උපාසකයන් විසින් වර්ජනය කළ යුතු භික්ෂූන් වහන්සේලා එකොළොස් මෙත්තානිසංස එදිනෙදා ජීවිතයේ උපරිම ධර්මයක් උකහා ගැනීමෙ පහසු ක්‍රම කුමන්ත්‍රණ කොසොල් රජු දුටු සිහින 16 කෝලම්කාර භික්ෂූන් වහන්සේලා ගිහි-පැවිදි ශීලය ජවන් සිත් 7 හි විපාක බලය ත්‍රිකෝටික පාරිශුද්ධ මාංශය ත්‍රිවිධ සත්ත්ව විනාශය තිසරණය තෙමගුලේ සිංහ නාද ථේරවාද සම්ප්‍රදාය අනතුරේ දස අකුසල් කර්ම පථ දස වැදෑරුම් දුක්ඛයෝ ද්වේෂ මූල සිත් වල චෛතසික සම්ප්‍රයෝග දිවා රෑ පිං වැඩෙන පිංකම් දුක නිපාතය ධනය පිරිහෙන කරුණු 6 ධාතුමනසිකාර භාවනා විද්‍යුත් පොත නමස්කාරය නරකාදී සතර අපා නව අරහාදී බුදුගුණ නිර්වාන වර්ණනාව පංච බුද්ධ කෘත්‍ය ප්‍රාර්ථනා වාක්‍ය පාප මිත්‍ර ආශ්‍රයේ ආදීනව පුත්‍ර මාංශ උපමාව පූජ්‍ය කිරිබත්ගොඩ ඤානානන්ද ස්වාමීන් වහන්සේ පූජ්‍ය පිටිදූවේ සිරිධම්ම හිමිපාණන් පෞර්ෂ වර්ධනය බැලිය යුතුම පොත් වහන්සේලා බුද්ධ නීති බුදුන්ගේ බල ක්ෂේත්‍ර බුදු වීම බෝධි සත්වයන්ගේ අධිෂ්ඨාන බලයෙන් මෙම කප පුරා පවතින ප්‍රාතිහාර්ය සතර බෞද්ධයෙක් සංවේගය පහළ කර ගත යුතු ස්ථාන සතර භික්ෂුවකගේ සතරවිධ පරිභෝග මහමෙව්නා බෝධි ඥාන සභා ව්‍යවස්ථා මාලාව මහමෙව්නා සුනාමිය මහා සුපින ජාතක නිරූපනය මෛත්‍රී බුදු රජුන් යහපත් නොවන සතර දෙනා රතන සූත්‍ර දේශනාවෙ අනුහස් රත්නත්‍රය සමා කර ගැනීම ලස්සන වීමේ රහස ලොවට සුරාව පහල වූ හැටි ව්‍යාපාද කර්ම පථය විචිකිච්ඡා චෛතිසිකය හා එහි සම්ප්‍රයෝග සතර පොහොය සතර සංග්‍රහ වස්තු සත්පුරුෂයා හඳුනාගත හැකි ලක්ෂණ සප්ත ව්‍රත පද සැට නමක් සිවුරු හැර ගිය අග්ගික්ඛන්ධොපම දේශනාව සිව් පස ප්‍රත්‍යවේක්ෂාව සිව් බඹ විහරණ සුඛ-දුක විඳීම අනුව ස්ථාන සතර සුවාසූ දහසක් ධර්ම ස්කන්ධය හෙවත් බුදුවරු 84000

පසුගිය ධර්ම දාන

නවතම ප්‍රතිචාර

ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
Ramalie දිගටම වඳ වෙමුද? එකම විසඳුමට සහ… පිළිබඳ
kalum දිගටම වඳ වෙමුද? එකම විසඳුමට සහ… පිළිබඳ
Dinuka Jayasinghe Ar… දිගටම වඳ වෙමුද? එකම විසඳුමට සහ… පිළිබඳ
Ramalie මේ අර්ථයෙන් බැලූ කල, වැළිකෙළිය… පිළිබඳ
Amila Chathuranga (@… මේ අර්ථයෙන් බැලූ කල, වැළිකෙළිය… පිළිබඳ
nawadakmakapelahara සිවුරක් තුල සැඟවුණ අළුගෝසුවා… පිළිබඳ
ජයන්ත චන්ද්‍රසිරි කල… බුදු සසුනේ පිහිටක් අවැසි නම්,… පිළිබඳ
ජයන්ත චන්ද්‍රසිරි කල… සකස්කොට දන්දීමේ පිනෙන් උපන්, ජ… පිළිබඳ
ධර්මචාරී පිරිස බොදුනුවාගේ මුදුන්මල්කඩ වන දළදා… පිළිබඳ
Samantha බොදුනුවාගේ මුදුන්මල්කඩ වන දළදා… පිළිබඳ
බොදුනුවාගේ මුදුන්මල්… දුර්දාන්ත ඉස්ලාම් යක්ෂයා විසින… පිළිබඳ
Niranjan Karunathila… අනේ අපෙ හාමුදුරුවනේ මේ ටික ලෝක… පිළිබඳ

ප්‍රවර්ග වලාව

MP3 ධර්ම දේශනා (බෙදා හරින්න) අස්‌ගිරි මහ නාහිමි පූජ්‍ය උඩුගම ශ්‍රී බුද්ධරක්‌ත අසිරිමත් බුද්ධ චරිතය ඉස්ලාමිකයා හෙවත් අද බෞද්ධයාගේ පරම සතුරා කාලීන ලිපි ගාථා රත්නයෝ දැඩිසේ ප්‍රතික්ෂේප කලයුතු පිරිස් දූෂකයන් වහන්සේලා දි. මු. ජයරත්න දිවි හිමියෙන් ප්‍රතික්ෂේප කලයුතු පාපී අබෞද්ධයෝ ධර්ම පත්‍රිකා (බෙදා හරින්න) ධර්මසංවේගයෙන් යුතුව නුසුදුසු භික්ෂූන් ප්‍රතික්ෂේපය නම් නොකල ජාතික වීරවරයෝ නිරූපන නොකල යුතු පව්කම් පින්කම් පිරිත් සජ්ඣායනා පිරිසිඳු ධර්ම පොත් පූජණීය ගලගොඩඅත්තේ ඤණසාර හිමි පූජ්‍ය අම්පිටියේ සුමනරතන හිමි පූජ්‍ය කිරිබත්ගොඩ ඥානානන්ද හිමි බොදුනුවා විසින් බලගැන්වියයුතු සංවිධාන බොදුබල සේනා බොදුබල සේනා පූජණීය හිමිවරු මුස්ලිම් ලබ්ධිකයන් සියල්ල රට දැය සමය කෙරේ හැඟීමක් නැති හිමිවරු වන්දනීය අති උතුම් මහා සංඝ රත්නය විද්‍යුත් පොත් (E-Books) විරෝධය පෑයුතු බොදු විරෝධී පවිටු ක්‍රියා සසුන නැසීමේ සිංහල අබෞද්ධ කුමණ්ත්‍රණ සසුනේ වත්මන් ඉරණම

තවම ප්‍රයෝජන ලැබුවේ

  • 447,670 ක් පමණයි

දස දෙසින් සදහම් රසයට එක්වන්නෝ

%d bloggers like this: