අප රටේ සිංහල ජනගහන අර්බුදයේ බරපතල කම වගකිවයුතු සියළු පාර්ශවයන් විසින් නොසලකා හරින්නේ හරියටම විය යුත්තක් සිදු වෙමින් පවත්නා ගානටය. 2013 වසරේදී අති පූජණීය මැදගොඩ අභයතිස්ස ස්වාමීන් වහන්සේ දිවයින පුවතක් මගින් මෙහි අති භයංකාර භාවය පෙන්වා දෙන ලදි. පහත දැක්වෙන්නේ එම ලිපියයි. ඉතා දීර්ඝ නොවෙන එය මුලුමනින් කියවා බලන්න

බරපතළ ප්‍රශ්නයකට මුහුණ පා තියෙන
සිංහල ජාතිය මේ රටේ වඳවෙන ජාතියක්‌ වෙලා
පූජ්‍ය මැදගොඩ අභයතිස්‌ස නාහිමි

මාතර – චන්ද්‍රදාස කොඩිතුවක්‌කු

බරපතළ ප්‍රශ්නයකට සිංහල ජාතිය මුහුණ පා තිබෙන යුගයක්‌ තවත් වසර තිහක්‌ හතළිහක්‌ යන කොට ඔබට එය තේරෙයි. සිංහල ජාතිය මේ රටේ වඳවෙන ජාතියක්‌ බවට පත්වෙලා තිබෙනවා යෑයි ශ්‍රී ජයවර්ධනපුර විශ්වවිද්‍යාලයේ ජ්‍යෙෂ්ඨ කථිකාචාර්ය හා පැපිලියාන සුනේත්‍රාදේවි පිරිවෙනේ පරිවෙනාධිපති පූජ්‍ය මැදගොඩ අභයතිස්‌ස නාහිමි මාතරදී පැවැසූහ.

මාතර සමාධි ප්‍රජා සංවර්ධන පදනමේ දහතුන් වැනි ශිෂ්‍ය කණ්‌ඩායමේ සිසුන් දහසක්‌ වෙනුවෙන් සහතික පත්‍ර ප්‍රදානය කිරීමේ උත්සවය අමතමිනි. මාතර දිස්‌ත්‍රික්‌ පාර්ලිමේන්තු මන්ත්‍රී බුද්ධික පතිරණ මහතාගේ ආරාධනාවෙන් උන්වහන්සේ මෙම උත්සවයට සහභාගී වූහ.

උන්වහන්සේ මෙසේද කීහ.

මේ කතාව කිව්වට සමහරු කියයි මම ජාතිවාදී කතාවක්‌ කරනවා කියලා. එහෙම නැහැ. මම කියන ගාන හදලා බලන්න සිංහල මිනිස්‌සු තව කොපමණ කාලයක්‌ද මේ රටේ ජීවත් වෙන්නේ කියලා.

මෙම වතාවේ ජන සංගණනය එක්‌ක ගත්තාම අපට දැක ගන්නට ලැබුණා සිංහල මිනිස්‌සු එක්‌කෝටි තිස්‌ ලක්‍ෂයක්‌ මේ රටේ ඉන්නවා කියලා. එක්‌කෝටි තිස්‌ ලක්‍ෂයෙන් සියයට හැටක්‌ ඒ කියන්නේ ලක්‍ෂ 80 ක්‌ ඉන්නේ වයස අවුරුදු 40 පැනපු අය. කාන්තාවෝ ගත්තොත් දරුවන් නහදන සහ නොහැදෙන අය ලෝක ධර්මතාවය මත තව වසර 40 ක්‌ ඇතුළත ලක්‍ෂ 80 ක්‌ මියයා යුතුයි. ඉතුරුවන්නේ ලක්‍ෂ පනහයි. මෙම ලක්‍ෂ පනහ අතරේ සිටින අවුරුදු 39 කෙනෙක්‌ට තවත් වසර 40 කින් අවුරුදු හැත්තෑනවයක්‌ වෙනවා. මෙම ලක්‍ෂ පනහෙන් භාගයක්‌ ඉන්නේ පිරිමි කියලා හිතුවොත් කාන්තාවන් ඉන්නේ ලක්‍ෂ 25 යි. ඒ ලක්‍ෂ විසිපහෙනුත් ලක්‍ෂ පහක්‌ විතර මේ වන විට වඳ සැත්කම් කරගෙන. රටේ නීතිය මත වයස අවුරුදු 26 ක්‌ ඉහළ විවාහක කාන්තාවන්ට එල්. ආර්. ටී. සැත්කම කරන්න පුලුවන්. ඒ කියන්නේ ලක්‍ෂ විස්‌සයි කාන්තාවන් ඉන්නේ.

ලක්‍ෂ අටක්‌ දරුවන් හදන්න පුලුවන් කියන යථාර්ථයක්‌ එක්‌ක හෙට දවසේ ලක්‍ෂ අසූවක්‌ මැරෙනකොට ලක්‍ෂ පනහක්‌ නාකිවෙලා ඉන්න කොට එක්‌කෙනා දරුමල්ලන් පස්‌දෙනා ගානේ හැදුවත් ලක්‍ෂ හතළිහයි හදන්න පුලුවන් වන්නේ. ඒ කියන්නේ මියගිය ලක්‍ෂ අසූවෙනුත් භාගයයි උපදින්නේ. මේ නිසා සිංහල ජාතියට ඉදිරියේදී විශාල ප්‍රශ්නයකට මුහුණ දෙන්න වෙනවා. මෙය වහාම තේරුම්ගත යුතුයි.

src: http://www.divaina.com/2013/05/30/news28.html

1977 න් පසු මුස්ලිම් ලේ නෑකම් සහිතව ජනපති වූ ජේ. ආර්. ජයවර්ධන නම් පාලකයා මේ හෙළ බොදු රටේ චීවරයට ඇති පිළිගැනීම වහා නැසිය යුතුය යන ආකල්පයෙන් ක්‍රියා කල අයෙකි. අදටත් පවතින විනය වර්ධන නම් පවිටු ගිහි පැවිදි එකමුතුව ඔහුගේ සංකල්පයකි. ආරම්භයේදී ගිහියන් විසින් පූජණීය භික්ෂූන් වහන්සේගේ ශීලයේ අඩු පාඩු සොයමින් ගැරහීමත් ඒවා ප්‍රසිද්ධ කිරීමත් යහමින් සිදුවිය. උපසපන් භික්ෂූන් වහන්සේට කෝටියක් සංවර ශීලය රැක ගැනීමට නොහැකි වූයේ නම් විපාක එන්නේ එතුමන්ටය. පංච ශීලයවත් නොරකින, සසුනට ඇතුලත් නොවූ ගිහියන්ට පැවිදි උතුමන් ශීලය සඳහා විවේචනය කිරීම කොතරම් සුදුසුද යන්න පැහැදිලි කරගත යුතු කාරණයකි.

සසුනේ අවසානය වසර පන්දහසකින් සිදුවන බව ප්‍රකටය. එවක් වනවිට භික්ෂූන් වහන්සේ කෙසේද යත් ගිහියන්ගෙන් වෙන්කොට හැඳිනීමට පළදින්නේ අතේ කහ නූලක් පමණි. දරු පවුල් රකින රැකියා කරන නමුත් සම්මුති මහා සංඝරත්නයට එතුමන් ඇතුලත් බව ඔබ දැන සිටියාද? බුදුන් වහන්සේගේ ශ්‍රී මුඛ දේශණයට අනුව, එම කසාකණ්ඨක භික්ෂූන් වහන්සේ නමකට සැදැහැ සිතින් දෙන දානයත්, බුදුන් දවස අගසව් සැරියුත් මහ රහතන් වහන්සේට දෙන දානයත් එකම ඵල එකම ආනිසංශ වේ. භික්ෂූන් වහන්සේ සසුන අවසන් වනතෙක්ම උපාසක උපාසිකාවන්ට පින්කෙත වන්නේ මේ අයුරිනි. වෙන කිසිම දානයකින් එවන් ආනිසංස නොලැබෙන බව නොකිව මනාය.

සසුන විනය රැකීම අතින් පිරිහීම බුදුන් විසින් පවා දුටු සත්‍යයකි. බුදු දහම හා සසුන වැනසීමට කුමන්ත්‍රණ කරන්නවුන්ට එය ආවුධයක් කර ගැනීමට බොදුනුවන් කිසිසේත් ඉඩ නොදිය යුතුය. කෙසේ නමුත් විනය රකින්නන් සේ රඟ පාමින් බුද්ධ ධම්ම සංඝ යන රත්නත්‍රයට වින කරන අසපු ගාමී කල්ලි (රටපුරා මහමෙව්නා හා බෙල්ලන්තොට හන්දියේ සමන්තභද්‍ර) බිහිවන විට ඒවාට එරෙහිවීමට නම් සිව්වනක් පිරිස නොපැකිලව ඉදිරිපත් විය යුතු බව අපි නොයෙක් වර පෙන්වා දුන්නෙමු.

මීට අමතරව හෙළයාගේ ජාති මාමක්ත්වයට හේතු සොය බැලූ එම පාලකයා ,වීර හෙළ ඉතිහාසයේ ශ්‍රේෂ්ඨ නරපතියන් හේතුව බව දැක, ඉතිහාසය මුළුමනින්ම වලලා දැමීම පිණිස පාසැල් විෂය ධාරාවෙන් එය ඉවත් කරන ලදි. වීර දුටු ගැමුණු රජු ගේ ශ්‍රේෂ්ඨත්වය විශේෂයෙන් සඟවා දමන ලදි.

ඡේ. ආර්. ජයවර්ධනගේ විවෘත ආර්ථික යුගය තුල රටේ සිටි වඩාත්ම ජනප්‍රිය බෞද්ධ භික්‍ෂුව පමණක්‌ නොව වඩාත්ම ජනප්‍රිය චරිතය වූයේද අති පූජණීය පානදුරේ අරියධම්ම ස්වාමීන් වහන්සේය. උන්වහන්සේ පිළිබඳවත් උන්වහන්සේගේ බෝධි පූජා පිංකම් පිළිබඳවත් ප්‍රවෘත්ති කිසි විටෙකත් පුවත්පත්වල පළ නොකරන ලදී. ගුවන් විදුලියෙන් හෝ රූපවාහිනියෙන් ප්‍රචාරය නොකරන ලදී. කියවන්න එම ශ්‍රේෂ්ඨ චරිතයේ වීරකම් හා අභිරහස් අපවත් වීම .

http://www.divaina.com/2016/05/22/feature01.html
“නහී වේරේන වේරානි” ආදි වශයෙන් තම දිළිසීම උදෙසා බෞද්ධ ඉගන්වීම් ලොවටම කියාපාමින් ඡේ. ආර්. ජයවර්ධන නම් මුස්ලිම් එකාධිපතියා බුදු දහමට කළගුණ සැලකූවේ ඒ අයුරිනි.

එම පාලකයා හෙළයට කල හානි එය පමණක් නොවේ. කෙස් පැලෙන තර්ක ඉදිරිපත් කරමින් මේ රටේ ජන පදනම විකෘති කිරීමට අඩිතාලම දැම්මේද ඔහුමය. මැදපෙරදිග රටවල් ලොවම ඉස්ලාම් කිරීමේ සිහිනයෙන් මත්ව පවුල් සැලසුම් සිය ආගමිකයන්ට තහනම් කිරීමත් අනෙක් ආගම් හා ජාතීන්ට තම වියදමින් නොමිළේ කරදීමත් එකල ආරම්භ කල ජාත්‍යන්තර කුමන්ත්‍රණයකි. තම මැදපෙරදිග නෑසියන්ගේ එම කුමණ්ත්‍රණයේ මෙරට හවුල්කරු වූයේ ජේ. ආර්. ජයවර්ධන නම් පාලකයායි. “පුංචි පවුල රත්තරං!” යන්න ඔහුගේ හෙළය නැසීමේ ව්‍යාපාරයයි. අද වනවිට අප එහි ගොදුරක් වී හමාර බව ඉහත අති පූජණීය මැදගොඩ අභයතිස්ස ස්වාමීන් වහන්සේ ගේ ලිපියෙන් මොනවට පැහැදිළි නොවන්නේද?

කල මෝඩකම් මොනවා වුවත්, ලිඳේ වැටුනු මිනිහා ළිං කටින්ම ගොඩ විය යුතුය. වර්ථමානයේ විවාහ දිවියට පත්වන සිංහල යුවලවල් අතර දරු උපත් ඉතා විරල බවට පත්වී ඇත. ඒ අතරම ආර්ථික අපහසුකම් ඇති පවුල් අතර සමහර අවස්ථාවල දරුවන් 7 පවා දැකීමටද ඇත. මෙසේ ජාතියට සිංහල බොදු දරුවන් පුදන පවුල් ජාතියක් වශයෙන් එක්ව අප රැකිය යුතුය. ඔවුනට උපරිමයෙන් අත දී දිරිමත් කල යුතුය. දරුවන් රහිත යුවලවල් මෙය තමාගේ විශේෂ වගකීමක් කරගත යුතු වන්නේ තමාට කල නොහැකි වූ ජාතික සේවය එම පවුල් විසින් ඉටු කරන බැවිනි. හෙළ ජාතිය වඳ වූ දාට කිසිවෙකුගේ ජීවිතය සුන්දර නොවනු ඇත. කර්කෂ ඉස්ලාම් නීති මනුෂ්‍යත්වය සහමුලින් අකාමකා මිහිමත අපාය මනුලොව බිහි කරනු ඇත. එම ගෝත්‍රිකවාදයේ වර්ථමාන නිදසුන් ISIS ම්ලේච්ඡත්වය තුලින් අප දකිනවා නොවේද? බොදු දහමේ කරුණාවෙන්ම රැකෙමින් එය අගය කරනවා වෙනුවට අපගේ පූජණීය උතුමන් මරාගෙන මැරීමට උවමනාව ඇත්තේ ඉස්ලාම් ආගමිකයන්ට පමණි. එම ගෝත්‍රිකයන් මහියන්ංගනයේදී බෞද්ධ කොඩි පිළිස්සුවේ ගෙරි මස් නොකෑම පිළිබඳ බණට එරෙහිවය. මාධ්‍ය වාරණ තුලින් ජනතාවෙන් වසන්කල එම අපරාධ මේ ලිපියෙන් හෙළිවන අයුරු බලන්න. ඉස්ලාම් වටපිටාවේ අපි කෙසේ නම් විසිය යුතු වෙයිද?

http://www.divaina.com/2016/07/08/news26.html

එමනිසා සැදැහැවත් බෞද්ධ ඔබගේ නොමසුරු මාසික ආධාරය මෙම ජාතික කර්තව්‍ය සාර්ථක කර ගැනීමට හැකි පමණින් දායක කරන්න. රු 10, 20 වේවා 500, 1000 වේවා පස්වී දිරි දරු අඩවියේ සඳහන් ගිණුමට බැර කිරීමෙන් උපරිම ආත්ම තෘප්තියක් ලැබෙන සාසන මාමක ව්‍යාපාරයක හවුල් කරුවකු වන්න. වඳ වීම ආරම්භ වී ඇති අපගේ සිංහල ජාතිය වෙනුවෙන් ඔබගේ යුතුකම් කොටස ඉටු කරන්න. ඔවුන්ගේ වෙබ් අඩවියට පිවිසෙන්න, දැනටම ප්‍රතිලාභ ලබන පවුල් බලා සිත් පහදවා ගන්න.

facebook අඩවිය

http://pasawi.com/index.html
https://www.facebook.com/PASAWI/

වැළි සෙල්ලමේ යෙදී සිටින කුඩා දරුවන් සමූහයක් කිසිවෙකුට සිතා ගැනිමට අපහසු අවස්ථාවක් නොවේ. අප බොහෝ දෙනෙක් කුඩා කල වැළි සෙල්ලම් කර තිබීමට පිළිවන, නැතිනම් අඩු තරමින් එය කරන ආකාරය රූපවාහිනියෙන් දැක ඇතිවාට කිසිදු සැකයක් නැත.

හිස් පොල්කටු රැසක් පිළිවෙළකට තබා ඒවා සියල්ලට වැළි පුරවා මේක බත්, මේක පරිප්පු, මේක මැල්ලුම්, මේක අල යනාදී වශයෙන් දරුවන් සියල්ල යම් සම්මුතියකට එළැඹේ. මදකට සිතා බලමු, තමාත් මේ අයුරින්ම සෙල්ලම් කලා නේද යන්න අමතක වූ තරමක් වැඩිහිටි දරුවෙක් මෙය දෙස බලා, මේ නම් මොන තරම් මෝඩ සෙල්ලමක්ද සිතමින් අනේ අපොයි ඔතන මොන බත් ද? මොන මාලු ද? ඔක්කොම වැලිනේ කියා විහිළු කලේ නම් තත්වය කුමක්ද?

ආශාවෙන් වැලි සෙල්ලම් කල දරුවන් ඉතාම කෝපයට පත්වනු ඇත. හැකිනම් සියල්ල එක් වී වැඩිහිටි දරුවාට පහර දීමට සූදානම් වනු ඇත, නැතිනම් කෑ ගසා වැඩිහිටි දරුවා එළවා දමනු ඇත. එසේත් නැතිනම් ඒ සඳහා මව්පියන්ගේ උදව් ඉල්ලා සිටිනු ඇත. කිසිවක් කරගත නොහැකි නම් හඬා වැටෙනු ඇත.

දැන් අපි මේ තත්වය අපිට ආදේශ කර බලමු. එවිට විද්‍යාඥ වරුන්, මහාචාර්‍ය වරුන් , ආචාර්‍ය වරුන්, දොස්තරවරුන් , ඉංජිනේරුවරුන් ආදී එකී මෙකී නොකී සියළු ගිහි සමාජයේ සියලුම දෙනා මේ කුඩා දරුවන්ගේ තත්වයේම සිටින්නන් මිස අන් කිසිවෙක් නොවෙන බව වැටහෙනු ඇත. අපගේ උපමාවේ සිටි වැඩිහිටි දරුවා ලොව ඇත්ත ඇති සැටියෙන් දකින ආර්‍ය මාර්ගයේ ගමන් කරන විදර්ශනා ඥාන ලාභී උතුමෙක් ට සමාන වෙන බවත් වැටහෙනු ඇත. අරුමයකි …ඒ කෙසේද?

මොනතරම් ලෞකික දැනුම් සම්භාර ලැබුවත් විදර්ශනා ඥාන රහිත අපි ලෝකයේ පරමාර්ථ හෙවත් සැබැවින්ම ඇති කිසිම දෙයක් ඇති හැටියෙන් නොදකින්නෝය. ඇස ගැටෙන සමහර චලනය වන වස්තු අපට සත්තුය, පුද්ගලයෝය, මමය, නුඹය, නෝනාය, මහත්තයාය, රාළහාමිය, අප්පුහාමිය. හරියටම පොල්කටු වලට පිරවූ එකම වැලි වලට බත්ය, පරිප්පුය, මැල්ලුම්ය, අලය කියා කිවාක් සේය.

නමුත් වැලි වැලි ලෙසම දැක්ක වැඩිහිටි දරුවා මෙන්, විදර්ශනා ඥාන ලාභී උතුමා එම විවිධ නම් ලත් වස්තු සියල්ලම දකින්නේ හුදෙක් නාම හා රූප පරම්පරා වල පැවැත්මක් ලෙස පමණි. එම උතුමාට සත්තුය, පුද්ගලයෝය, මමය, නුඹය, නෝනාය, මහත්තයාය, රාළහාමිය, අප්පුහාමිය යනු හුදෙක් නාම පද සමූහයක් පමණි. මෝහාන්ධකාරයෙන් වැසුනු මුලු ලොවක් මුලා කරන සම්මුතීන් පමණි.

විදර්ශනා ඥාන ලාභී වීමේන් තමාටම ප්‍රත්‍යක්ෂ වශයෙන් දැකිය හැකි, එසේ නොහැකිනම් කියවා තේරුම්ගත හැකි පරමාර්ථ ධර්ම 82ක් අපි කලින් පැහැදිළි කර ඇත්තෙමු. එයින් නිවන හැර අන් සියල්ල නාම -රූප ධර්ම වශයෙන් ලොව එහි වෙසෙන ජීවීන් හා අනන්ත විශ්වය ලෙස අපේ නෙත ගැටේ. පරම පූජණීය රේරුකානේ චන්දවිමල මාහිමි සම්පාදිත විදර්ශනා භාවනා ක්‍රමය නම් පොත් වහන්සේ තුල අන්තර්ගත නාම-රූප මිශ්‍රක භාවනා ක්‍රමය පිටු අංක 87 – 88 හී දැකිය හැක. එහි ඇතුලත් අනෙකුත් භාවනා වාක්‍ය පහත සඳහන් වේ, ඇත්ත ඇති සැටියෙන් දැකිමට කැමති, විදර්ශනා ඥාන ලාභී වී නිවන් දැකීමේ උවමනාවෙන් ආර්ය මාර්ගයේ ගමන් කරන බොදු ඔබත් නාම යනු සිත ලෙසත්, රූප යනු කය ලෙසත් සරලව යොදා මේවායේ තේරුම් සලකා බලන්න.

• බදාම, ගඩොල්, ලී, උළු එක්තරා ආකාරයකට සිටි කල්හී ගෙයය යන සම්මුතිය ඇති වන්නා සෙම නාම-රූප ඇති කල්හීසත්ව, පුද්ගල, ආත්ම, මමය, නුඹය, නෝනාය, මහත්තයාය, රාළහාමිය, අප්පුහාමිය ආදී නොයෙකුත් සම්මුතීන් පවත්නාහ.
• නාමය පමණක් ඇතිවිට (අරූප තලයේ බ්‍රහ්මයන් මෙන්) චලනය කිරීමට ශරීරයක් නොමැති බැවින් ගමනාදී සකල ක්‍රියා නොකල හැකිය. රූපය හෙවත් සිරුර පමණක් ඇතිවිට (අසංඥසත්ත තලයේ බ්‍රහ්මයන් මෙන්) ක්‍රියා සිදු කිරීමේ චේතනා බලය ඇති කරන සිතක් නැති බැවින් ගමනාදී සකල ක්‍රියා නොකල හැකිය.

• මිනිසුන් විසින් සාගරයේ නෞකාව මෙහෙයවන්නා සේම නාමය විසින් රූප කය මෙහෙයවන්නේය. නෞකාවේ ආධාරයෙන් මිනිසුන් සයුර තරණය කරන්නා සේම රූප කය ආධාරයෙන් නාමය පවත්නේය.

• රූපය නිසා නාමයත්, නාමය නිසා රූපයත් පවත්නෝය. එකිනෙකට හේත්තු කරන ලද්දා වූ දර මිටි දෙකකින් එකක් ඇද වැටුන කලිහී, අනික ඉබේම ඇද වැටෙන්නා සේම, නාම රූප දෙකින් එකක් වැටුණ කලිහී අනික ඉබේම වැටෙන්නේය.

• නාම රූප කිසිවකින් එකකටවත් ඉපදීමට හෝ පැවැත්මට ශක්තියන් නැත. ඒවා අන්‍ය ධර්මයන්ගේ බලයෙන්ම ඉපිද, අන්‍ය ධර්මයන්ගේ බලයෙන්ම පවත්නාහ. (හේතු ප්‍රත්‍යයන් යනු එම අන්‍ය ධර්මයෝය ). හේතු ප්‍රත්‍යයන් මත යැපෙන්නා වූ නාම රූපයෝ අති දුර්වලයෝය.

මෙම ලිපියේ ඇතුලත් පින්තූර සියල්ලට අදාල වාක්‍ය කටපාඩම් කර නිතර නිතර මෙනෙහි කරන්න. රාත්‍රී නින්දට පෙර එක් වරක් කර බලන්න. කිසිදු සිහිනයක් නොදුටු ජීවිතයේ ඔබගේ සුවදායකම පළමු නින්ද අත් දකිනු ඇත.  බොදු භාවනා වල ප්‍රතිලාභ අත් දැකීම තුලින් අගය කරන තවත් එක් බොදුනුවෙක් ඔබ තුලින් බිහි වනු ඇත. සොය සොය භාවනා කරන නිවන ප්‍රායෝගිකවම සොයන තවත් බොදු උතුමෙක් බවට ඔබත් පත් වනු ඇත.

බෝම්බ පහරවල් මැද යළි ඉදිවුන
මඩකලපුව මංගලාරාමය

හමා එන සිහිල් මඳ සුළඟට මඩකලපුව බෝ සමිඳුන්ගේ බෝපත් සෙමින් සැලෙන්නට වුහ. දායකයන් නැති පංසලේ දායකයන්ගේ අඩුව පුරවමින් වන්දනාවේ පැමිණි බැතිමතුන් පිරිසක්‌ බෝ සමිඳුන් වැඳ පුදා ගනිමින් සිටින ලදී. පරිසරයේ නිහඬ බව බිඳිමින් සාධූ නාදය දසත පැතිරෙන්නට වුහ.

මහා දුක්‌ ගැහැට සමුදායක්‌ විඳගනිමින් එදා කොටින්ගේ පොරෝ පහරට සහ බෝම්බ පහරට නතුව විනාශ වු බෝ සමිඳුන් මෙදා මහා අභිමානයෙන් නැගී සිටින්නට වුහ. බෝම්බ පහරවල් නිසා මහා විනාශයක්‌ සිදුවූ බුද්ධ මන්දිරයද දුටුවන්ගේ නෙත් සිත් පහන් කරමින් නැවතත් නිමවී ඇත්තේ තව දුරටත් මඩකලපුවේ බෞද්ධ උරුමය සනිටුහන් කරළමිනි.

එදා සිත්පිත් නැති තිරිසන් කොටි ත්‍රස්‌තයෝ නැගෙනහිර මඩකලපුව පළාතේ වෙහෙර විහාර ඇතුළු ආගමික සිද්ධස්‌ථාන බෝම්බ ගසමින් ගිනි තියමින් විනාශ කරද්දී මඩකලපුව නගර මධ්‍යයේ පිහිටා තිබුණු එකම බෞද්ධ සිද්ධස්‌ථානය වන මංගලාරාමයේ බෝ සමිඳුන්ද කපා කොටා දැමුහ. බුද්ධ ප්‍රතිමා වහන්සේ සහ ආවාස ගෙය ඇතුළු මුළු විහාරස්‌ථානයම බෝම්බ ගසා විනාශ කර ගිනි තැබුහ. 1921 සිට දඹගස්‌ආරේ සුමේධාලංකාර හිමියන් ඇතුළු මහා ස`ගරුවන මෙම විහරස්‌ථානය ආරම්භ කරමින් ඇති කළ ශාසනික මෙහෙවර උන්වහන්සේගෙන් පසුවත් මෙම පින් බිමේ සිටි මහා ස`ගරුවන නොපිරිහෙලා ඉටු කරද්දී මේ ආකාරයෙන් මෙම පුදබිම කොටි විසින් මුළුමනින්ම විනාශ කර දමන්නට වුහ.

මඩකලපුවෙහි එදා තිස්‌ දහසකට අධික සිංහල ජනයා දමිළ, මුස්‌ලිම් ජනයා සමගින් සාමකාමි අයුරින් වාසය කළහ. මරණයට, ම`ගුලට සහභාගි වෙමින් එදා ජාති බේදයෙන් තොරව සහජීවනයෙන් ඔවුන් කටයුතු කරන්නට විය. නමුත් කොටි ඒ සියල්ල වෙනස්‌ කරන්නට විය.

එදා වෙනදා මෙන් මඩකලපුව රාත්‍රී අන්ධකාරයෙන් වැසී යන්නට වුහ. ගොදුරු සොයා පියමන් කරන ව්‍යාඝයෝ රැළක්‌ මෙන් අඳුර මැදින් මඩකලපුව නගරයට බට ත්‍රස්‌තයෝ සාහසික ප්‍රහාරයක්‌ මඩකලපුව නගරයෙන් අරඹන්නාහ. තැන් තැන්හි බෝම්බ පහරට වෙඩි උණ්‌ඩයට සහ කොටින්ගේ මුව හත් කඩු පහරට ලක්‌ව කෙසෙල් කඳන් මෙන් සිංහලයෝ ඇද වැටෙන්නට වුවෝය. නගරයෙන් ඇරඹි ප්‍රහාරය අළුයම වන විට ජයන්තිපුර, විජයපුර ආදී ගම්මාන දක්‌වා පැතිර ගොස්‌ මරණ භයින් ත්‍රස්‌තවූ සිංහලයන් සොය සොයා ඝාතනය කරන්නට වුහ. පසුදාට රැය පහන් වෙද්දී පෙති පෙති කැපී ගිය උණ්‌ඩයෙන් සිදුරුව ගිය සහ බෝම්බ පහරට නතුව මිය ගිය සියයකට අධික සිංහල පිරිසකගෙන් ගලා ගිය රුධිර ගං`ගාවෙන් මුළු මඩකලපුවම තෙත්වී රත් පැහැයට හැරී තිබුණි. අවසානයේ සියලු සිංහලයන් තමන් සන්තකයේ තිබු සබ්බ සකල මනාව අත් හැර දමා පණ බේරා මඩකලපුව අතහැර යන්නට වුහ. සිසුන් 2000 කට අධික පිරිසක්‌ අකුරු කළ මඩකලපුව සිංහල විද්‍යාලය එනිසා වැසී යන්නට විය.

මේ ආකාරයෙන් අතීතයේ රජ දවස සිට පැවැති මඩකලපුව සිහළ උරුමය ගිලිහී යන්නට වුහ. හතර වටින් නැගෙන බෝම්බ වෙඩි හඬ මැද මරණය පෙනි පෙනී රට වෙනුවෙන් අභීතව සටන් වදින රණවිරුවන් හට චිත්ත ශක්‌තිය ලබා ගන්නට මඩකලපුවේ මලක්‌ පුදන්නට බුදුන් වඳින්නට තැනක්‌ නොමැති වන්නට වුහ. එම නිසා රණවිරුවෝ තැන් තැන්හි කඳවුරු වල කුඩා බුදු පිළිම වහන්සේලා තැන්පත් කරමින් කුඩා බුදු මැදුරු සාදා වැඳුම් පිදුම් කරන්නට විය.

රණවිරුවන්ට ශක්‌තියක්‌ වීම සඳහා කොටින්ගේ බෝම්බ පහරින් විනාශව ගිය මඩකලපුව මංගලාරාමයට 94 වසරේ පැමිණෙන අම්පිටියේ සුමනරතන හිමියන් එතැන් පටන් මංගලාරාමය නැවත ගොඩනගන්නට උත්සාහ කරන්නට වුවේය. දන් වේලක්‌ දෙන්නට එකදු සිංහල බෞද්ධයෙක්‌ නැත. විහාරස්‌ථානය ගොඩනගන්නට දායක සභාවක්‌ නැත. නමුත් ත්‍රිවිධ හමුදාවේ සහ පොලීසියේ රණවිරුවන්ගේ සහයෙන් නැවත ටිකෙන් ටික පංසල ගොඩ නංවන්නට වුහ. කන් බිහිරි කරවන වෙඩි හඬ මැද සැප විඳිනවා වෙනුවට දුකම විඳිමින් යළි මංගලාරාමය ගොඩනගන්නට ඇප කැප වෙන්නට වූවේය. වෙනත් කලබල නැති ප්‍රදේශයකට ගොස්‌ සැපසේ හිඳින්නට කොතෙකුත් අවස්‌ථාවක්‌ තිබුණද රණවිරුවන්ට ශක්‌තියක්‌ වීම සඳහා මඩකලපුව මංගලාරාමයේ වැඩවාසය කරන්නට විය.

යුද්ධයේ ගිනි දැල් මැද ඇතැම් රණවිරුවෝ උන්වහන්සේගේ දෑත මතම රට වෙනුවෙන් ජීවිතය පූජා කරන්නට වූයේ කොටි ත්‍රස්‌තවාදීන්ගේ ගොදුරක්‌ බවට පත් වෙමිනි. ඉන් නොනැවතුන කොටි ත්‍රස්‌තවාදීන්ගේ දැඩි තර්ජනයට ලක්‌වූ උන් වහන්සේ ඇතැම් අවස්‌ථාවල ත්‍රස්‌තවාදීන් විසින් පැහැර ගෙන යන්නට වූහ. දින ගණනාවක්‌ කොටින්ගේ අත් අඩංගුවේ පත් වන්නට වුහ. ඒත් සුමනරතන හිමි මඩකලපුව අත් නොහරින ලදී.

යුද්ධය නිමාවුන පසු මඩකලපුවට අයත් කෙවිලියාමඩුව, සිප්පිමඩුව කොස්‌ගොල්ල වැනි ගම්මානවල යළිත් ජනයා පදිංචි වන්නට වූහ. ඒත් එම ජනතාවට ගෙවන්න සිදුවූයේ කරුමයකි. කිසිම බළධාරියෙක්‌ එම ජනතාව ගැන සොයා බලන්නට නොවුණි. එම නිසා සමෘද්ධි සහනාධාරය, ඡන්ද දැමීමේ අයිතිය, ග්‍රාමසේවා වාර්තාවක්‌, ආදායම් සහතිකයක්‌ වත් ඔවුනට ලබා ගන්නට නොහැකි වුණි. ඒ සඳහා ඇතැම් විට උද්ඝෝෂණයන් පවා කරන්නට ඔවුනට සිදුවිය. ඒ සියල්ල වෙනුවෙන් පෙනී සිටියේ සුමනරතන හිමියන්ය. හෙළ බිම සංවිධානය ඇතුළු පරිත්‍යාගශීලීන්ගේ ආධාර උපකාර මත කෙවිලියාමඩුව වැනි ගම්මාන වල අහිංසක වැසියන්ට නිවාස තනාදී ජීවිතය ගොඩ නගන්නට සුමනරතන හිමියන් කටයුතු කරන්නට වූවේය.

යුද්ධය නිමාවී ඊළාම් සිහිනය සැබෑ කරගන්නට වෙර දරන ද්‍රවිඩ සන්ධානයේ හිතවාදීන් ඇතුළු පිරිස්‌වල උද්ඝෝෂණවල ප්‍රතිපලයක්‌ ලෙස අධිකරණය මඩකලපුව පොලිස්‌ බල ප්‍රදේශයේ බුදු පිළිම තබන්නට තහනම් කළාපයක්‌ කරන්නට විය. තැන් තැන්හි තිබුණ බුදු පිළිම වහන්සේලාගේ සිරස්‌ කුඩුව යන්නට වූහ. ගැටලුව පොලිසිවලට යද්දී ඇ`ග බේරා ගැනීම සඳහා ඒවා අධිකරණය වෙතට පොලිසිය විසින් යොමු කරන ලදී. මේ සියල්ලට එරෙහි වීමේ ප්‍රතිපලයක්‌ ලෙස අවසානයේදී සුමනරතන හිමියන්ට මඩකලපුව දිස්‌ත්‍රික්‌කය පුරා අධිකරණවල නඩු 44 ක්‌ වැටෙන්නට විය. ඒ සියල්ලටම හේතුව සිංහලකම හා බුදුදහම වෙනුවෙන් පෙනී සිටින්නට සහ අහිංසක සිංහල ජනයා රැකගන්නට ගොසිනි. අහිංසකයින්ගේ බඩගින්නට අහරක්‌ දෙන්නට ගිය නිසාවෙනි. එම නිසා අන්තවාදී දෙමළ සහ මුස්‌ලිම් පිරිස්‌ගේ සහ ඒවාට ගැතිව කටයුතු කරන ඇතැම් රාජ්‍ය නිලධාරීන්ගේ කෙනහිලි කම්වලට උන්වහන්සේ නිරන්තරයෙන් ලක්‌වන ලදී.

1921 සෑදු බුද්ධ මන්දිරය ත්‍රස්‌තවාදී ප්‍රහාර මත විනාශවී යැම නිසා නිසි ප්‍රතිසංස්‌කරණයක්‌ කිරීම පසුගිය ජනවාරි මස අරඹන්නට විය. රුපියල් එක්‌ කෝටි විසි ලක්‌ෂයක වියදමක්‌ දරා දෙස්‌ විදෙස්‌ සිටින ලාංකීය බෞද්ධ ජනයාගේ ආධාර උපකාරයෙන් එය මේ වන විට නිමා වෙමින් පවතී. මඩකලපුව නගරයේ සිංහල පදිංචිකරුවන් නැත. එම නිසා පංසලට දායකයින්ද නැත. දායකයින් නැති පංසලක රටපුරා පැමිණෙන බොදු බැතිමතුන්ගේ වන්දනා මානයට ලක්‌ වන මඩකලපුව එකම බොදු පුදබිම මංගලාරාම විහරස්‌ථානයයි.

මේ මඩකලපුව සිංහල බොදු උරුමය වෙනුවෙන් නිරන්තරයෙන් පෙනී සිටින අම්පිටියේ සුමනරතන හිමියන්ගේ අදහසයි.

එදා මඩකලපුව මරණයේ දේශයක්‌ වෙලා තිබුණේ. මෙහෙට අයෙක්‌ එනවා තබා එන්න හිතන්නත් බය යුගයක්‌ තිබුණේ. හිටපු ජනාධිපතිතුමාට පින් සිදු වන්නට මේ රටට නිදහස ලැබුනා. එහෙම උනේ නැත්නම් මොනවා වෙයිද කියලා හිතා ගන්නත් බැහැ. ප්‍රභාකරන් නොමැති වුවත් අදටද ද්‍රවිඩ සන්ධානය ඇතුළු කොටි හිතවාදීන් ඊළාම් සිහිනය ජය ගන්න කටයුතු කරමින් සිටිනවා. අපට පෙනෙන විදිහට මේ පෙඩරල් හරහා ඊළාම් රාජ්‍ය හරහා යන වැඩපිළිවෙලකුයි සකස්‌ වෙමින් තිබෙන්නේ. එක රටක්‌ ලෙස මේ රටේ සිංහල, දමිළ, මුස්‌ලිම් ජනයා සමගියෙන් ජීවත් වුනා. අනාගතයේදීත් මේ තත්වය මෙසේ පැවතිය යුතුයි. ඊළාම් රාජ්‍යයකටත් උතුරු නැගෙනහිර ඒකාබද්ධ කරනවාටත් අප විරුද්ධයි. අපි තමයි දෙමළ. මුස්‌ලිම් ජනයා සමග මෙහි වාසය කරන්නේ. සමගිය ඇතිවිය යුත්තේ කෙසේදැයි කියා අපට වැටහීමක්‌ තිබෙනවා. අවබෝධයක්‌ තිබෙනවා. නමුත් කිසිම බළධාරියෙක්‌ වගකිවයුත්තෙක්‌ ප්‍රායෝගික ලෙස ජාතික සමගිය සඳහා කළ යුත්තේ කුමක්‌දැයි ඒ පිළිබඳව අපෙන් එක වචනයක්‌ හෝ විමසා නැහැ.

මා වත්මන් නැගෙනහිර තත්වය පිළිsබඳව මාදුළුවාවේ සෝභිත හිමියන් ගෙන් හෝ ඒ වෙනුවෙන් කථා කරන ඕනෑම අයෙකුගෙන් කුමන හෝ මාධ්‍යකින් ඒ වෙනුවෙන් සංවාදයකට එන්නයි ඇරයුම් කරනවා. අපියි දන්නේ නැගෙනහිර තත්ත්වය පිළිබඳව, අද මඩකලපුව දිස්‌ත්‍රික්‌කයේ වෙසෙන සිංහලයෙකුට මහා මැතිවරණයකට, පළාත් සභාවකට, එහෙම නැත්නම් ප්‍රාදේශීය සභාවකට ඉදිරිපන් වන සිංහල අපේක්‌ෂකයෙකුට ඡන්දය දාන්න විදිහක්‌ නැහැ. ඒ සිංහල අපේක්‌ෂකයෙකු ඉදිරිපත් නොවීම නිසා. මේ ආකාරයෙන් මම දුක්‌ ගැහැට බොහොමයක්‌ විඳලා තමයි මඩකලපුව විහාරස්‌ථානය රැක ගත්තේ. මේ ආකාරයෙන් විනාශ කළ බුද්ධ මන්දිරය නැවත ප්‍රතිසංස්‌කරණය කරන්න මම පුදුමාකාර වෙහෙසක්‌ දැරුවා. ඒ සඳහා උදව් උපකාර කළ සියලු දෙනාටම ස්‌තුතිය පුද කරනවා.

අද මංගලාරාමයට එන්න ලැබෙන්නේ යුද්ධය අවසන් කරලා නිදහස ලැබුණ නිසා. අසීමානයෙන් සැම දෙනාටම ජීවත් වෙන්න ලැබුණා නිදහස රැකගෙන අනාගතයේ දිගු කාලයක්‌ ඒ අභිමානය තියාගන්න, රැක ගන්න බුද්ධිමත්ව සහ වගකීමෙන් අප සැම දෙනා ක්‍රියා කළ යුතුයි. එසේ නොවුනහොත් එහි ප්‍රතිවිපාකය අප සැම දෙනාටම විඳින්නට සිදුවෙනවා. කෙසේ නමුත් අපේ රණ විරුවෝ ඇස්‌ ඉස්‌ මස්‌ ලේ පුජා කර ලබා ගත් නිදහස පෙඩරල් රාජ්‍යයකට පාවා දුන්නොත් අප එදා මෙන් අදත් රට වෙනුවෙන් ඊට එරෙහිව ක්‍රියාත්මක වෙනවා. යෑයිද සුමනරතන හිමියෝ පවසා සිටියහ.

මඩකලපුව ඇතුළු නැගෙනහිර සිද්ධස්‌ථානයන් රැසක්‌ වියරු කොටින් විනාශ කර ඇත. මඩකලපුවේ සිංහල ජනයා පන්නා දමා මංගලාරාමයත් මුළුමනින්ම වියරුකොටින් විනාශ කරන්නට වූහ. මෙලෙසින් නැවතත් සුමනරතන හිමියන් විසින් ගොඩ නැගුවේ ඒ අපේ උරුමයයි. එය එසේ නොවුනි නම් අදටද අභිමානයෙන් විරාජමාන වන මඩකලපුව දාගැබ් වහන්සේ ඇතුඵ මංගලාරාම පුද බිම බිමට සමතලා වී අහස උසට වෙනත් ගොඩනැඟිලිවලින් පිරී ගොස්‌ මංගලාරාමය තිබූ තැනක්‌ද සොයා ගත නොහැකි වනු ඇත.

සුසන්ත අමරබන්දු

http://www.divaina.com/2015/08/16/feature06.html

රට එක්සේසත් කල මේ පින්බිමේ උදාරම නරපතියා වන දුටුගැමුණු මහ රජාණන් වහන්සේගේ ගේ අති සාර්ථක රාජ්‍ය පාලනයේ රහස වූයේ එතුමාගේ පුරෝහිත මණ්ඩලය සිසාරා වැඩහුන් අසේක වූ මහරහත් උතුමන්ය. ඡන්ද-ද්වේෂ-භය-මෝහ යන සතර අගතියෙන්ම පරතෙරට පත් මෙතෙක් දේශපාලනයේ යෙදුනු රට උලා කෑ සියළු  ගිහි/පැවිදි පවිටුන් මෙන් නොව, අතට පත් නිවන පසෙක තබා කුළුදුලේ දේශපාලනයට  වඩින ජාතික කැක්කුම ඇති  බොදු ජන පෙරමුණ සම්මුති භික්ෂුවද දේශපාලන වශයෙන් අනාථ අසරණ බොදු අප හට මහා භාග්‍යයකි. රට දැය සමය රැකීමේ නාග රාජ සංකේතයෙන් අරාජික රටේ බොදු අප වෙනුවෙන් ඉදිරිපත් වන මේ උතුමන් සියල්ල ඉහළම ඡන්දයෙන් තෝරා ගනිමු. ඒ වෙනුවෙන් කැපවී සියල්ලන් දැනුවත් කරමු. ඉහලම පුටුවල වැජඹෙන නින්දිත දේශපාලුවන් නිවැරදි කර රට සුළු ජාතික අන්තවාදීන්ගෙන් බේරා ගැනීමට අපේ යුතුකම අඩු නැතිවම ඉටු කරමු.

බොදු බල සේනා සංවිධානයේ මහ ලේකම් ගලබොඩඅත්තේ ඥානසාර හිමියන්ද මෙවර මහ මැතිවරණයට බොදු ජන පෙරමුණෙන් තරග වදින අතර උන්වහන්සේ ඇතුළු භික්ෂුන් වහන්සේ 16 නමක් එම පෙරමුණෙන් පළමුවරට ඡන්ද සටනට පැමිණ සිටිති.

බොදු ජන පෙරමුණේ කොළඹ ලැයිස්තුවෙන් හිමිවරුන් තිදෙනෙකු ඉදිරිපත්ව සිටින අතර කොළඹ කණ්ඩායම් නායක ලෙස පූජ්‍ය විතාරන්දෙණියේ නන්ද හිමියන්ද කළුතර කණ්ඩායම් නායක ලෙස පූජ්‍ය ගලගොඩඅත්තේ ඥානසාර හිමියන් සහ ගම්පහ කණ්ඩායම් නායක ලෙස ඩිලන්ත විතානගේ මහතා නාමයෝජනා ලබාදී ඇත.

එම භික්ෂුන් වහන්සේ අතර පසුගිය ජනාධිපතිවරණයේදී මෛත්‍රිපාල සිරිසේන මහතාගේ මැතිවරණ ව්‍යාපාරයේ කටයුතු කළ බැඳිවැව දියසේන හිමියෝද වෙති.

තමාව වැනසූ දෙමළ ඉස්ලාම් ඡන්ද වලට කෙළ පෙරමින්, බොදු බල සේනාවට අභූත චෝදනා කරමින් සිංහල බෞද්ධ ඡන්ද සමඟ මහින්දත් ඔහුගේ කල්ලියත් පාපන්දු ගැසුවේ මෙලෙසයි

http://www.divaina.com/2015/04/29/news29.html

දේශපාලන පක්‍ෂයක්‌ බිහිකොට ඉදිරි මැතිවරණයකදී තරග කරනවා
සිංහල බෞද්ධකම දේශපාලන පාපන්දුවක්‌ කිරීමට මින් මතුවට ඉඩ තබන්නේ නැහැ
– ගලගොඩඅත්තේ ඥනසාර හිමි

සිරිමන්ත රත්නසේකර

සිංහල බෞද්ධකම දේශපාලන පාපන්දුවක්‌ කිරීමට මින් මතුවට ඉඩ නොතබන බව බොදුබල සේනා සංවිධානයේ මහ ලේකම් රාජකීය පණ්‌ඩිත ගලගොඩඅත්තේ ඥනසාර හිමියෝ අවධාරණය කරති.

ආධ්‍යාත්මික හා සෞඛ්‍යමය වශයෙන් පිරිහී ඇති සිංහල බෞද්ධකම අනිවාර්යයෙන්ම නිරෝගී කිරීමට තම සංවිධානය කටයුතු කරන බවත් ඒ හිමියෝ පැවැසූහ.

ගලගොඩඅත්තේ ඥනසාර හිමියෝ ඊයේ (28 වැනිදා) එම අදහස්‌ පළ කළේ කිරුළපන බෝධි බෞද්ධ මන්දිරයේ පැවැති මාධ්‍ය හමුවකදී අදහස්‌ දක්‌වමිනි.

බොදුබල සේනා සංවිධානය තමාගේ ජනාධිපතිවරණ පරාජයට හේතුවක්‌ වූ බවට හිටපු ජනාධිපති මහින්ද රාජපක්‍ෂ මහතා ප්‍රංශ පුවත් සේවයට කළ ප්‍රකාශයක්‌ සම්බන්ධයෙන් එම සංවිධානයේ මතය පැහැදිලි කිරීම සඳහා එම මාධ්‍ය හමුව කැඳවා තිබිණි.

මෙහිදී වැඩිදුරටත් අදහස්‌ දැක්‌වූ ගලගොඩඅත්තේ ඥනසාර හිමියෝ මෙසේද පැවැසූහ.

මහින්ද රාජපක්‍ෂ මහතාගේ ජයග්‍රහණය වෙනුවෙන් නිදිවර්ජිතව අනේකවිධ කම්කටොළු විඳිමින් කළ අපරිමිත කැප කිරීමට මෙවැනි ආකාරයෙන් කෘත ගුණ සැලකීම ගැන අප ඒ මහතාට ස්‌තුතිවන්ත වෙනවා.

නමුත් අපට ඒ ගැන කියන්න තියෙන්නේ ඉල්ලන් කාගෙන පැරදිලත්, සියල්ල අනාගෙන නැවත නැවතත් වැරදි මාර්ගයේම යන එක ගැන අපට බොහෝම කනගාටුයි කියලයි. අපට අහන්න ඇත්තේ අවුරුදු දෙකකට කලින් විසුරුවා හැරලා ලක්‍ෂ 18 ක්‌ ඡන්ද අඩු කරගෙන ඉල්ලන්කෑවේ ඇයි කියලයි.

අපගේ රජ පෙළපතේ මහසෙන් කියලා උද්ධච්ඡ රජ කෙනෙක්‌ සිටියා. ඔහු ඇමැතිවරුන්ගේ උපදේශකයන්ගේ කිසිවක්‌ ඇහුම්කන් දුන්නේ නැහැ. නමුත් ඉන්දියාවෙන් පැමිණි සංඝමිත්‍ර නම් ඔත්තුකරුවෙක්‌ව ඔහු විශ්වාස කළා. අනතුරුව ඔහුගේ ළඟම සෙනවියා මහසෙන්ට එරෙහිව යුද ප්‍රකාශ කළ පසුයි ඔහු ඇත්ත තේරුම් ගත්තේ. මහින්ද මහත්තයා මහසෙන් රජු වගේ ඇත්ත තේරුම් ගත්තේ නැහැ. පසුගිය ජනාධිපතිවරණයෙන් සිදුවූයේ එයයි.

මොන අඩුපාඩු තිබුණත් යුද්ධය අවසන් කළ නායකයා නිසයි අප ඔහුට සහාය දුන්නේ. අපට සහය නොදී ජාමේ බේරාගෙන ඉන්න තිබුණා. එහෙම කළානම් අප කුමන්ත්‍රණ කළා කියා මෙහෙම නෙමෙයි කියන්නේ. අපේ පන්සල්වලට බෝම්බත් ගසාවි.

මහින්ද රාජපක්‍ෂ මහතා ගැන දැන්නම් අපට මෙලෝ හැඟීමක්‌ නැහැ. ඔහු කළ ප්‍රකාශයෙන් අප කම්පා වන්නේ නැහැ. පෙරට වඩා අප ශක්‌තිමත්ව කටයුතු කරනවා. අප අපගේ අරමුණින් කිසිසේත් බැහැර වන්නේ නැහැ. මා ඉතා වගකීමෙන් කියන්නේ බලාපොරොත්තු දල්වාගෙන අප දෙස බලාගෙන සිටි මිනිසුන්ට එයින් මිදෙන්න එපා කියලයි. සිංහල බෞද්ධ ශුද්ධ අයිතියක්‌ ඇති දේශපාලන පක්‍ෂයක්‌ අප බිහිකරනවා.

එහිදී දේශපාලන පක්‍ෂ නායකයකු වෙලා නුදුරේදීම අප ඉදිරියට පැමිණෙනවා. මීළඟ මහ මැතිවරණයට හෝ ඉදිරි මැතිවරණයේදී අප එම දේශපාලන පක්‍ෂයෙන් තරග කරනවා.

සුදු ඇන්දට, පන්සල් ගියාට ඒ අය මතවාදීව සිංහල බෞද්ධකම තුළ නැත්නම් ඔවුන්ගෙන් රටට ආගමට ඇති වැඩක්‌ නැහැ. දේශපාලනඥයන් සිතාගෙන ඉන්නේ සිංහල කමයි බෞද්ධකමයි පාපන්දුවක්‌ කියලා. එය ඉදිරියට දමා මැතිවරණ ජයග්‍රහණය කර අන්තිමට ඔවුන් එයට පයින් පහර දෙනවා. ඒ සියලු අයට අප කියන්නේ සිංහල බෞද්ධකම පාපන්දුවක්‌ කර නොගන්නා ලෙසයි.

මෙහිදී බොදුබල සේනා සංවිධානයේ ප්‍රධාන විධායක නිලධාරී ආචාර්ය ඩිලන්ත විතාන මහතාද අදහස්‌ දැක්‌වීය. මෙම අවස්‌ථාවට බොදුබල සේනා සංවිධානයේ ජාතික සංවිධායක විතාරන්දෙණියේ නන්ද හිමි ඇතුළු භික්‍ෂූන් වහන්සේලා පිරිසක්‌ එක්‌වූහ.

වහපාලනය මගින් රට සුළුජාතික අන්තවාදයට ඇදගෙන ගිය මෛත්‍රී ජනපතිත් ඔහුගේ නිවට කල්ලියත්. සිංහලයාට ජාතිය පිළිකුල් කිරීමට බල කරන ගමන්, දෙමළ ඊලමට, මුස්ලිම් කලාප වලට වරදාන දෙන එජාපයත්, හෙළ උරුමයත්, හැටදහසක් හෙළ තරුණ ජීවිත දේශපාලනය තුලින් රටට අහිමි කර, ජනගහන අර්බුදයක් මවා අද සියල්ල අමතකව දේශපාලනයේ යෙදෙන ජවිපෙත් යන මේ සියල්ල හෙළ බොදුනුවාගේ පරම සතුරන් පමණි. උන්ට දෙන ඡන්ද රට දැය සමය තුනටම කරන ලොකුම විනාශයයි. හෙළ බොදුනුවන්  වශයෙන් අපට විකල්ප බොහෝ  නැත. ඇත්තේ එකකි. බොදු බල සේනා විසින් ඇරඹූ බොදු ජන පෙරමුණ පමණි.

සිංහල ජාතියත් බෞද්ධ උරුමයත් රැකගන්න
බොදුජන පෙරමුණ මැතිවරණයට එනවා
ගලගොඩඅත්තේ ඥනසාර හිමි

සිරිමන්ත රත්නසේකර, කළුතර සමූහ – විජයසිරි විද්‍යාසේකර

සිංහල ජාතියේ සහ බෞද්ධාගමේ උරුමය ආරක්‍ෂාකර ගැනීම වෙනුවෙන් බොදුජන පෙරමුණ මෙවර මහ මැතිවරණයට ඉදිරිපත් වන බව එම පෙරමුණේ කළුතර දිස්‌ත්‍රික්‌ කණ්‌ඩායම් නායක රාජකීය පණ්‌ඩිත ගලගොඩඅත්තේ ඥනසාර හිමියන් ඊයේ (13 වැනිදා) සඳහන් කළහ.

රට, දැය, සමය ආරක්‍ෂා කිරීම වෙනුවෙන් තම පෙරමුණ වටා එක්‌වන්නැයි සමස්‌ථ ජනතාවට ආරාධනා කරන බවත් ඒ හිමියෝ කියා සිටියහ.

වර්තමානයේදී රට පාලනය කරනුයේ ජාතික වශයෙන් දුර්වල පිරිසක්‌ බවත් රට ජාතික වශයෙන් හා දේශපාලන වශයෙන් දැඩි ලෙස අස්‌ථාවර වී ඇති බවට එහිදී චෝදනා කළහ.

මෙම තත්ත්වයෙන් රට මුදාගැනීමට බොදුජන පෙරමුණ කළුතර, කොළඹ ගම්පහ ඇතුළු මැතිවරණ දිස්‌ත්‍රික්‌ක දාහතකට තරග කරන බවත් ජනතාව තම පෙරමුණ සමග දැඩි ලෙස එක්‌වෙමින් සිටින බවත් පැවසූහ. කළුතර දිස්‌ත්‍රික්‌ ලේකම් කාර්යාලය වෙත ඊයේ (13 වැනිදා) බොදුජන පෙරමුණේ නාමයෝජනා භාරදීමෙන් පසු කළුතර බෝධිය ඉදිරිපිට පැවැත්වූ අධිෂ්ඨාන පූජාවෙන් අනතුරුව මාධ්‍ය අමතමින් ඥනසාර හිමියෝ මෙම අදහස්‌ පළ කළහ.

ගිළිහෙන අයිතීන් රැක ගැනීමට බින්දුවේ සිට ඇරඹීමට මහ ජාතියට අද සිදුව ඇත්තේ කල්ලතෝනි පිරිස් පාලන බලය ගෙන බොදුනුවා පාගා පොඩි කරමින් සිටිනා බැවිනි. දෙමළ පක්ෂ සිය මන්ත්‍රී හිස් ගෙඩි යොදා ඊළමට පාර කපයි. ඉස්ලාම් අතවාදීන් සිය මන්ත්‍රී හිස්ගෙඩි යොදා ෂාරියා ලංකාවකට ගමන් කරයි. ජාතික හැඟීමක් නැති පෙන්දන් පෙරමුනේ තබාහන්නා බොදුනුවා පාපන්දුවක් මෙන් හතර අතට විසිවේ. දෙමළුන් සේම, මරක්කලයින් සේම අපිත් අපේ නායකයෙත් දැන්වත් තනාගනිමු. මහින්ද හා කල්ලිය එක හෙලා එපා කියමු. මෛත්‍රී හා නිවටයන් පිළිකුලෙන් බැහැර කරමු. බොදුනුවාගේ පරම හතුරන් වන එජාපය හා නව වහපාලන පිල්ලිය කෙළ පිඩක් මෙන් ඉවත් කරමු. පදනමක් ඉතිහාසයක් නැති බංකොලොත් ජවිපෙට පයින් ගසමු. හෙළ බොදු අපේ ඡන්ද බොදු ජන පෙරමුණටම පමණක් දෙමු!

රටේ අන්තයටම කොන් කර ඇති මේ පින්බිමේ ඉතිහාසය ගොඩ නැගූ හෙළ බොදු අපි අපේ රජෙක් අද පටන් තනමු!

ලක් ඉතිහාසයේ ප්‍රථම වරට භික්ෂු සංහතියටම මහා කළු පැල්ලමක් සසුනේ තවත් කඳ පණුවෙක් විසින් එක් කරන ලදි. ඒ පොළොව කම්පා වන තරමේ හද ගැස්මක් බොදුනුවෙකුට ඇතිකරවිය හැකි මේ පුවත නිසාය.

සිවුරු හැර අලුගෝසු වැඩේ කරන්න සමිත හිමි සූදානම්

ගාල්ල – ලලිත් චාමින්ද සහ එස්‌. කේ. කළුආරච්චි

යාපනයේ කයිට්‌ස්‌ දූපත්වලදී සමූහ දූෂණය කොට ඝාතනය කරනු ලැබූ පාසල් සිසුවියගේ ඝාතකයන්ට අධිකරණය මගින් මරණ දඬුවම් ලබාදුනහොත් සිවුරු හැරලා අළුගෝසුවා කාර්ය කිරීමට තමන් සූදානම් බැව් දකුණු පළාත් සභාවේ සන්ධානයේ මන්ත්‍රී බද්දේගම සමිත හිමියන් ඊයේ (07 දා) දකුණු පළාත් සභා රැස්‌වීමේදී පැවසූහ.

පළාත් සභාවේ ප්‍රතිපත්ති ප්‍රකාශය පිළිබඳ විවාදයට එක්‌වෙමින් සමිත හිමියෝ මෙසේ ද පැවසූහ.

දරුවන් වෙනුවෙන් මා අළුගෝසුවාගේ කාර්ය භාරය කරලා හිත හදාගෙන සිවුරු හැරලා වනගත වෙලා භාවනා කරනවා. මා භික්‍ෂුවක්‌. කාටවත් වෛර කරන්නේ නැහැ. අපේ රටේ එල්ලුම්ගහ දැන් ක්‍රියාත්මක වන්නේ නැහැ. එල්ලුම් ගහට අළුගෝසුවන් තෝරාගත්තත් ඔවුන් රාජකාරිය කරන්න කැමැති නැහැ. ඉවත්වෙලා යනවා. නමුත් යාපනයේ කයිට්‌ස්‌ දූපත්වලදී සමූහ දූෂණයට ලක්‌කොට ඝාතනය කරනු ලැබූ වින්ද්‍යා දැරියගේ ඝාතකයන්ට අධිකරණයෙන් මරණ දඬුවම නියම වුවහොත් දරුවන්ගේ නාමයෙන් මා අළුගෝසුවාගේ කාර්ය කරනවා.

අධිකරණයෙන් ඒ තීන්දුව ලැබුණහොත් සහතික වශයෙන්ම මා ඒ කාර්ය කරනවා. ඒ සඳහා මට අවසර ලබාදෙන්න. ඊට පස්‌සේ මගේ ජීවිතය නැති වුවත් කමක්‌ නැහැ. ජනාධිපති මෛත්‍රීපාල සිරිසේන මහතා යාපනයට ගිහිල්ලා එම දැරියගේ ඥතීන්ට ප්‍රකාශ කළා විශේෂ අධිකරණයක්‌ මගින් මේ නඩුව අහනවා කියලා. ඒ ගැන ජනාධිපතිතුමාට ප්‍රශංසා කරනවා යෑයි ද සමිත හිමියෝ පැවසූහ.

සභාපති කේ. ඒ. සෝමවංශ මහතාගේ ප්‍රධානත්වයෙන් දකුණු පළාත් සභා රැස්‌වීම ගාල්ල කලේගානේ පිහිටි පළාත් සභා ශ්‍රවණාගාරයේදී පැවැත්විණි.

http://www.divaina.com/2015/07/08/news22.html

කාටවත් වෛර නොකරන බව පවසන මෙහිමිනම අළුගෝසු වැඩය කිරීමට යෑම සහමුලින් පරස්පර තත්වයකි. කිසිදා ගැලපිය නොහැකි, ප්‍රතිවිරුද්ධ අන්ත දෙකක් සමානයි කීම වැනි සහගහන මුසාවකි. ඒ කෙසේදැයි අප අභිධර්මානුකූලව විමසා බලමු.

බුදු සසුනේ සිව්වනක් පිරිසට නිවන් කරා යන ගමනේ නැතිවම බැරි කුසල චෛතිසිකයකි “සම්මා කම්මන්ත”. මෙය අප විසින් කලින් ලිපියකින් පැහැදිළි කල පරමාර්ථ ධර්ම 82න් විශාලම කොටස වන  දෙපණස් චෛතිසික නිරූපන තුල බොදු අපිට වැදගත්ම එකකි.

මිනිසෙක්ට කල හැකි  පව්කාර කම් දහයක් ඇත. සිතෙන් පව්කම් තුනක්, කයින් පව්කම් තුනක් හා වචනයෙන් පව්කම් හතරක් ලෙසිනි . මෙයින් කයින් කරන පව්කම් 3 : සතුන් මැරීම (අළුගෝසු කම ඇතුළුව )- සොරකම් කිරීම – පරදාර සේවනය යන තුනයි. එය වැලකීමේ බලය ඇති චෛතිසිකය “සම්මා කම්මන්ත” නම ඇති අතර, කිසිවිටෙක ඉහත පව්කම් කරන සිතක් හා නොබැඳෙ. කුසල් සිත් වුවද හැම එකේම නැති හෙයින්, උත්සාහයෙන් උපදවාගතයුතු හෙයින් “අසාධාරණ ශෝභන” ලෙසින් වර්ග කර ඇත.

ඉහත පව්කාරකම් 10න් කිසිවක් ඒ ඒ පව්කාරකම් කිරීමේ චේතනා බලයෙන් තොරව ඉටු නොවේ.

උපමාවකින් කියන්නේ නම් මොන තරම් බලසම්පන්න යන්ත්‍රයක් වුවද ඉන්ධන රහිතව ක්‍රියා නොකරනවා මෙනි. බැකෝ යන්ත්‍රයකට “ඉන්ධන” නොමැතිනම් “නියමුවෙක්” ඇතත්, කැලෑ වැනසීම නම් විනාශය කල නොහැක. එබැවින් “ඉන්ධන” ඈත් කර තැබීම විනාශය වැළකීමට උපකාරී වේ. මේ ආකාරයටම “සම්මා කම්මන්ත” තුලින් අපි පව්කාර කම් සමඟ මිශ්‍රවන “චේතනා” ඈත්කර තබා ගන්නේ නම් අපි විසින් පව්කම් (පව්+කර්ම) සිදු නොවේ. එබැවින් එම “චේතනා” බලයට “කර්මය” කියාද කියයි. “චේතනාහං භික්ඛවේ කම්මං වදාමි” යනුවෙන් බුදුන් වහන්සේ දේශනා කලේ ඇයිදැයි ඔබට දැන් වැටහෙනවා ඇත.
අප කලින් සඳහන් කල “සම්මා කම්මන්ත” දෙපනස් චෛතිසික වල එකක් වූවා සේම මෙම “චේතනා” යන්න තවත් චෛතිසිකයකි. එබැවින් මේ වනවිට අපි පනස් දෙකක් වන මුළු ප්‍රමාණයෙන් චෛතිසික දෙකක් ගැන සැකෙවින් අප අසා ඇත්තෙමු.

සිත රහිතව අපේ සිරුර දර කඩක් හා සමාන බව මූලික සත්‍යයකි. මියගිය විට මේ බව අපිට දැකිය හැක. සිතක් රහිතව කිසිදු ක්‍රියාවක් සිදුකල නොහැකි වන්නේ සෑම ක්‍රියාවක්ම සිත නම් නියමුවා විසින් කරවන බැවිනි.මෙසේ සිත විසින් අපේ සිරුර නියමුවෙක් මෙන් මෙහෙයවීමේදී, එම සිතේ සහයට ඒ හා ඉපදීමට ඉඩ ඇති සහයකයන් 52ක් ඇත. චෛතිසික කියා කීවේ මේවාටය. තේරුම් ගත යුත්තේ මේ 52කම කිසිදා කිසිම සිතකට එකවර සම්බන්ධ නොවන බවයි. එය පංච නියාම ධර්ම වලින් එකක් වන චිත්ත නියාමයේ මූලික කරුණකි.

බැකෝ උදාහරණය ගත් විට, එහි නියමු අසුනේ සිට ක්‍රියාකරවන්නා “සිත” යයි ගන්න. එහි පාලක පැනලයේ ඇති සංකීර්ණ පාලක යතුරු ලීවර සියල්ල මේ සහායකයින්ගෙන් කොටසක් යැයි සිතන්න. මොනයම් හෝ වැඩක් යන්ත්‍රයෙන් කිරීමට නම් “ඉන්ධන” සහිතව එය පණ ගන්වා තිබිය යුතුය. එය උපමාකල හැක්කේ සර්ව චිත්ත සාධාරණ චෛතිසික 7ටය. චිත්ත නියාමයෙන් සිදුවන මේවා 7න් තොර සිතක් ලොව ජීවත්වන කිසිවෙකුටත් නූපදී. අප විස්තර කිරීමට පෙරම එම සර්ව චිත්ත සාධාරණ චෛතිසික 7න් එකක් ඔබ දැන් ඉන්ධන උපමාව තුලින් හඳුනාගත්තා නොවේද?

ඔබ සැක කල ලෙසම “චේතනා” නම් ඉන්ධන ඉන් එකකි. තවත් තම තමාට නියමිත සහයන් නිරන්තරයෙන් සියළු සිත්වලට ලබාදෙමින් ඒකාන්තයෙන් උපදින චෛතිසික 6ක් ඇත. අතිශය රසවත්, ඔබේ මනස පුළුල් කරවන එම කාරණා පිළිබඳ විස්තර ඔබට , පරම පූජණීය රේනුකානේ චන්දවිමල මාහිමි සම්පාදිත අභිධර්ම මාර්ගය පොතේ 74 සිට 77 දක්වා පිටුවලින් කියවා තේරුම් ගත හැක. මෙහි නොයොදන්නේ මාතෘකාවෙන් පිට නොයාමටය.

චෛතිසික 52න් ඉහත 7 ඉවත් වූ විට 45ක් ඉතිරි වේ. එම 45 ද චිත්ත නියාමයට අනුව එකවර කිසිම සිතකට සම්බන්ධ විය නොහැක. චෛතිසික 52නිරූපන ඔබ බලන්නේ නම් ඉතා පැහැදිළිව ඒවා වර්ග කර ඇත්තේ විවිධ සිත් සමඟ එවා සම්බන්ධවීම/නොවීම අනුවය.

වඩ වඩා විශාල වීම සඳහා පත්‍රිකාව මත නැවත නැවත Click කරන්න

ඒ අනුව ඉතිරි 45න් 25ක්ම ශෝභන රාශිය වන අතර, චිත්ත නියාමයට අනුව ඒවා කුසල් සිත් වෙනුවෙන්ම පමණක් වෙන්වී ඇත. අදෝස හෙවත් අවෛරය= මෛත්‍රිය ද මේ අතර ඇත.

සමිත නම් චීවරධාරියා කිසිවෙකුට වෛර නොකරනවා යයි කියන්නේ ඔහුට මේ අදෝස චෛතිසිකය ඇති බවය. එය කුසල් සිත් වලට පමණක් වෙන් වූ දෙයකි.

කෙසේ වුවත් 45-25 = 20ක් වූ ඉතිරි චෛතිසික විවිධ කාණ්ඩ වලට බෙදෙයි, ඉන් අකුශල රාශියට අයත් 14 ද කිසිවිට කුසල් සිත් හා නොබැඳේ. දෝස හෙවත් වෛරය ද මේ අතර ඇත.

සමිත නම් චීවරධාරියා මොන නිදහසට කාරණාවක් පෙන්වා හෝ අළුගෝසුවා වීමට නම්, ඔහු උපදවාගත යුතු සිතට ප්‍රාණඝාත චේතනාව තිබිය යුතුමය. ප්‍රාණඝාතය සම්පූර්ණ වීමට ඉටුවිය යුතු කාරණා පහ තුල මෙය මනාව පෙන්වා ඇත.

1. පණ ඇති සතකු වීම – විද්‍යා ඝාතනයේ සැකකරුවෝ
2. පණ ඇති සතකු බව දැන ගැනීම – ඔවුන් තවම සිර දඬුවම් ලබන බව
3. මරණු කැමති සිත – සමිතගේ අළුගෝසු චේතනාව
4. මරන්නට උපක්‍රම කිරීම – ජනාධිපති ලවා විශේෂ අධිකරණ තීන්දුව ගෙන සිවුරු හැර අළුගෝසුවා වීම
5. එම උපක්‍රමයෙන් මැරීම – තවම සිදුවී නොමැත

අළුගෝසු චේතනාව ඉපදෙන්නේ අකුසල සිතකම පමණි. විනෝදයට සතෙක් දඩයම් කලත්, අශ්වරේස් ආදිය අතරතුර අබාධ වන අශ්වයින් වෙඩි තබා මැරීමද, අකුසල ප්‍රීතිය නම් ප්‍රකීර්ණක චෛතිසිකයද එක්ව සත්වයාගේ ජීවිතය හා ද්වේෂයෙන්, වෛරයෙන් (දෝස චෛතිසිකයෙන් ) කාරණා සියල්ල සම්පූර්ණ වී අකුසල සිතකින්ම පමණක් සිදුවේ. කිසිවිට අදෝස චෛතිසිකයෙන්=මෛත්‍රියෙන් එය කලා යයි කියන්නේ නම්, බුදු වරයෙක්ට හෝ වෙනස් කල නොහැකි චිත්ත නියාමය තමන් වෙනස් කලා කීවා හා සමානය.
රාමසාන් නම් උපවාසය අවසන් කර තව දින කීපයකින් එලඹෙන ලක් පොලොව අසරණ එළු, කුකුල්, හරක් ආදී සතුන් මිලියන ගණනකගේ රතු ලේ ධාරාවන්ගෙන් තෙත් කරවන දීපව්‍යාප්ත හජ් සත්ව ඝාතනයට ඉස්ලාමිකයන් සතුන් මරන්නේද මේ බොරුව සමාජගත කරමින් බැවින් අපගේ මේ තේරුම් කිරීම කාගේත් ඇස් ඇරවීමට ඉතා ප්‍රයෝජනවත් බව අපි සිතමු.

හජ් සත්ව ඝාතන පින්කමක් සේ දක්වා හුවමාරු වූ මේ ලිපිය බලන්න

ඔබත් සාසන හිතකාමී නම් බද්දේගම සමිත වන්, දේශපාලන වාසි සොයමින් සසුන අතුලතින් වනසන කඳ පණුවන් දුටුවිට අසුනෙන් නැගී නොසිටින්න, වන්දනා නොකරන්න, කිසිදු පිරිකරක්, දනක් පිළිගන්වා ඔහුගේ පව් වලට සම්මාදම් නොවන්න. අතුරලියේ රතන, මාදුළුවාවේ සෝභිත ආදී ජාති/ආගම්/දේශ ද්‍රෝහී හිමිවරුන් සේම බද්දේගම සමිත පිළිකුලෙන් බැහැර කිරීමට කල හැකි සියල්ල කරන්න.

විවිධ දේශපාලකයන්ට දේශපාලනය කරන්න එපාය, තවත් අයට ඉඩ දෙන්නය කියමින් නුහුරටම දේශපාලන අනුශාසනා කරන මහ නායක හිමිවරුනි, තම සසුන තුල හිඳිමින් එය වනසන මෙවන් චීවරධාරීන් ගැන ඔබවහන්සේලා කිසිම ශබ්ධයක් නොනගන්නේ දහම කුමක්දැයි නොදන්නා නිසාද? නැතිනම් තමාගේ න්‍යායපත්‍රයට ඔවුන් වැඩ කරන නිසාද? තිස්තුන් කෝටියක් දෙවිවරුනී, ලක්බිම බුදු සසුනට ඔබගේ රැකවරණය පමණි.

නිවනට විරුද්ධ නොවන සුන්දර බොදු ගීත රාශියක් මේ දහම් දිවයිනේ බිහිවූ බව අපි හොඳින් දනිමු. සමහරක් බොදු ගීත වෙළඳ වටිනාකම නිසාම මිසදිටු ආගමිකයෙක් අතින් ගැයුනද ඒවායේ පද රචනය කිසිසේත් බොදු විරෝධී නොවීය. අර්ථය ඉතා උසස් විය. පද රචනා බොහෝමයක් පූජණිය හිමිවරයෙක් අතින් සිදුවූ බැවින් අදටත් ඒවායේ අගය කියා නිමකල නොහැක. ඒවා නිසා අල්-හාජ් නම් සත්ව ඝාතක ඉස්ලාම් ගායකයාට අනවශ්‍ය වටිනාකම් නොලැබිය යුතු නමුත් ඔහු ගැයූ ගීත ප්‍රතික්ෂේප නොකල යුතු ඒවා බව රහසක් නොවේ.

අප මේ අර්ථය පිරික්සීමට, පෙන්වා දීමට යන්නේ එවන් ව්‍යාපාරික මිසදිටුවෙක් ගැයූ ගීතයක් නොවේ. බෞද්ධ ලෙස හඳුනාගත් අධම ගායකයෙක් හා පද රචකයෙක් එක්ව සිදුකල, ආනන්තරීය පාප කර්මයක් සේ බල සම්පන්න අන්ත නිවන් විරෝධී, සාසන විරෝධී ගීතයක එකවර නොපෙනෙන ඇතුලාන්තයයි.

එහි ප්‍රයෝගකාරී, නොමඟ යවන සුළු අර්ථය අද වනවිට අඩු වෙමින් යන භික්ෂු සාසනය ඒකාන්තයෙන්ම එක් හේතුවක් සපයන බව අපගේ තේරුම් ගැනීමයි. ඒ මන්ද යත් මේ ගීතයේ වැරදි සහගත අර්ථය නිසා මුළාවන කිසිම මවකට/පියෙකුට තම පුතනුවන් සසුනට පිදීමට සිත නොනැමෙන සේ එය නිර්මාණය වී හෝ කර හෝ ඇති බව අපට පෙනී යන නිසාය.

සතර කේන්දරය පාලු වීම, අනාගත ගිහි ජීවිතය අසාර්ථක වීමක් සේ දැක දරුවෙක් සසුනට ඇතුල් කලත්, වෙන මොනයම් හේතුවක් නිසා දරුවෙක් සසුන්ගත කලත් එය කිසිසේත් අහම්බයක් නොවන්නේය. ගිහි ජීවිතය නම් පව් සාගරයේ කිමිදෙමින් එය උසස් යැයි සිතා බහුතරය කෙසේ සිතුවත්, කුමන හේතුවකට හෝ සසුන්ගත වීම තරම් දුර්ලභ වාසනාවක් හිමි වන්නේ පෙරුම් පිරූ උතුමන්ට පමණි. පෙර භවයක් භවයක් පසා නිවැරදිව මහණ දම් පුරමින් එය සක්විති රජ සැපටත් වඩා උතුම් සේ අත්දැකීමෙන් දකින උතුමන් නිවන් දකින තෙක් මතු භවයේත් මහණ දම් පිරීමටම ප්‍රාර්ථනා කරති. මිනිස් ලොව ප්‍රතිසන්ධි ගන්නා එවන් පින් ඇති උතුමන්ට වයස්ගත කාලයේ නොව ඉතා කුඩා කාලයේම සසුන්ගත වීමට වටපිටාව ඉබේම සකස් වේ.

බුදු දහමේ සඳහන් ආකාරයට ධර්ම අවබෝධයට කුඩාම වයස සත් හැවිරිදි වයසය. බුදු හිමි වැඩසිටි කල, ධර්මාවබෝධයේ පරතෙරට පත් සත් හැවිරිදි රහතන් වහන්සේලා ඕනෑ තරම් වැඩ සිටි බව සඳහන් වේ. සසුන්ගත සාමණේර හිමියන් ප්‍රමාද විහරණයෙන් ක්‍රමාණුකූලව ඉවත් කිරීම ගුරු ස්වාමීන් වහන්සේලා අතින් සිදුවන පින්කමකි. ප්‍රමාද විහරණය යනු ගිහි අපි කවුරු කවුරුත් ගැලවීමක් නොමැති සේ ඇලී අති ජීවන රටාවයි.

සම්බුද්ධ දේශණය අනුව කොපමණකින් ප්‍රමාද විහරණය සිදු වේද යන්න ද අපි තේරුම් ගත යූතු වෙමූ. “මහණෙනි, චක්ෂූකද්‍රියයෙහි අසංවරව වෙසෙන්නහූගේ සිත චක්ෂූර්විඥෙය රූපයන්හි කෙලෙසූන්ගෙන් තෙත් කරනූ ලැබේ. කෙලෙසූන්ගෙන් තෙත් වූ සිත් ඇති ඔහූට ප්‍රමෝදය නොවේ. ප්‍රමෝදය නැති කල්හි පී්‍රතිය නොවේ. පී්‍රතිය නැති කල්හිි පස්සද්ධිය නොවේ. පස්සද්ධිය නැති කල්හි දුක සේ වෙසෙයි. දුක් ඇතියහූගේ සිත එකඟ නොවෙයි. එකඟ නොවූ සිතෙහි සමථ විදර්ශනා දහම් පහළ නොවීමෙන් ප්‍රමාදවිහාරී යන සංඛ්‍යාවට යෙයි” මේ අයූරින් ආයතන සයට ම අදාළව දත යූතුය.

බොදු ගීතයක් සාමනේර හිමි නමකගේ හෝ මානසිකත්වය නිරූපණය කරයි නම්, උන් වහන්සේලා ගිහි ජීවිතයට වඩා කෙතරම් වෙනස් දිවි පෙවෙතක් ඇති අය දැයි අඩු තරමින් හදාරා එය කල යුතුය. කිසිදු දහම් පදනමක් නැති ගිහියෙක්, දහමේ සඳහන් යෙදුමක් දෙකක් වැරදියට ගීතයකට ඇතුල් කර, සිතින් කසාවතක් දරා , හරි!… මට හිතෙන විධිය ස්වාමීන් වහන්සේට යොදා ගීතය ලියමි යැයි සිතා කරන ලද යුගයේ අති දැවැන්තම පාපකර්මයක් ගීත රචකයා විසින් කර ඇති බව පෙනේ. එය හරියැයි සිතා පූජණීය සසුන්ගත උතුමන් ගැන අවප්‍රමාණයෙන්, අනුකම්පාවෙන් සිතීමට ශ්‍රාවකයා පෙලඹවීමෙන්, ගීතය සමාජගත කල ගායකයාද සිය නිවන සදහටම වනසා ගත් බව කර්ම ඵල අදහන අපි විශ්වාස කරන්නෙමු.
එම ගීතයේ පද මේ ආකාරයෙන් ඇත, අපගේ පැහැදිළි කිරීම් පද පේළි යටින් යොදා ඇත

බෝ මළුවේ මල් සුවඳක පැටලී
අම්මා පෙව් කිරි සුවඳ ගලා එන්නේ
සුපුරුදු උණුහුමකට සිත ඈදී
ගේ දොර සෙල්ලම් පිටිය මතක් වෙන්නේ
දං බෝවිටියා කැලේ මැදින්
එන්න හිතයි නුඹ ලඟට සැනින්…
පොඩි ස්වාමීන් වහන්සේ කෙනෙක්ගේ සංකල්පනාවක් සේ අඟවා ගීතය ආරම්භ වන්නේ මල් සුවඳින් පිරි බෝමළුවේ වැඩසිටිමින් නිදැල්ලේ යන්නට ඉඩ සැලසූ සිතේ මනසට අරමුණු වන කිරි සුවඳ ,මනසට අරමුණු වන ස්පර්ශය හා අනෙක් අරමුණු සියල්ලට ලෝභ වන-එනම් ප්‍රමාද විහරණයෙන් යුතු, එක පේලියට නූපන් අකුසල් උපදවා ගන්නා – එනම් මිච්ඡා වායාම සහිත, පරම ශාන්ත නිවනට උපකාරී කමටහන් එකක්වත් අසා නැති හිමිනමක් ඇත්නම් ඒ තමා බව ලොවට කියා පෑමෙනි.
එතෙර කරන්නම් සතර වරිගයම
සංසාරේ යන මේ ගමනේ..
චුට්ටක් සෙල්ලම් කරලා එන්නද
පුරුදු යහළුවන් හා සැනිනේ…
එහෙම ගියත් ඒ අය පොඩි සාධු
කියා කියන විට වැද වැටිලා..
කොහොම අම්මේ ඔට්ටු දුවන්නේ
වෙල් ඉපනැල්ලේ පැන නටලා…

පණ මෙන් ආදරය කරන තම දරුවෙක් සසුන්ගත කිරීමේ කුසලානිසංසය සතර වරිගයම නිවන් දැක්කවීමට දායක වන තරමේ මහේශාඛ්‍ය කුසළයක් බව දහමේ සඳහන් කියමන සාමණේර හිමිගේ අදහසක් ලෙස අනුකම්පාව උපදවාගැනීමට කල සමච්චලයක් සේ මේ පවිටු ගීතයට දෙවරක්ම ඇතුල් කර ඇත. ඉන්පසු අයාලේ යන සිත තව තවත් අයාලේ යවන්නේ සෙල්ලමටත්, පරණ යහළුවන්ටත් වැල නොකැඩී ලෝභ සිත් උපදවා ගන්නා පව පෙන්වමිනි.

මෙහිදී විමසා බැලීමට වටින කාරණය වන්නේ දකින විට වැඳ වැටීමෙන් ස්වාමීන් වහන්සේලා ට දිය යුතු ගෞරවය සමවයස් මිතුරන්ට තේරෙයි නම් තමා දරණ කසාවතේ ගෞරවය, උතුම් බව, වෙනස වටහා ගැනීමට මේ හිමිනම මෙතරම්ම අපොහොසත් විය හැකිද යන්නයි.

බෝ මළුවේ මල්….

භවයෙන් භවයේ පෙරුම් පුරා මම
බවුන් වඩා උපදින වාරේ..
දිනයක මතුදා හතර වරිගයම
එතෙර කරන්නම් සංසාරේ…
ඉන්පසු ඇවිදින් අම්මේ ඔබ ලඟ
ඉන්නම් කිරි සුව‍‍ඳේ එතිලා…
කොහොමද අම්මේ එහෙම කරන්නේ
අම්මත්… සසරින්… එතෙර වෙලා….

පොඩි හිමිනමගේ අවබෝධයේ පරස්පර තාවය මේ පද පේලි වලින් හෙළි නොවේද? බවයෙන් බවය බවුන් වඩන තෙක් නිවන් නොලැබෙන බව තේරුම් ගැනීමට තරම් මේ හිමි නම මුහුකුරා ඇති නම්, ගීතය පුරා තමා ලෝභ උපදවන චක්කු , ශ්‍රෝත, ඝ්‍රාණ, ජිව්හා, කාය , මන යන ආයතන හයට එන අරමුණු වල නිස්සාර බව තේරුම් ගැනීමට උන් වහන්සේ අපොහොසත් වන්නේ කෙසේද?

තවද අයෙක් මියගිය පමණින් සසරින් එතෙර වූවා ‍යැයි කීම සහමුලින් වැරදි සහගතය. සතර මාර්ග ඵල අවබෝධය තුලින්ම පමණක් සසරින් එතෙර වීම සිදුවේ. අයෙක් ගේ මාර්ග ඵල ලාභී බව ප්‍රත්‍යක්ෂ ලෙස කිව හැක්කේ බුදු වරයෙක්ට පමණි. ප්‍රමාද විහරණයෙන් යුතුව බුදු උපදෙස් වලට පවා පිටුපාන මේ හිමිනම තම මව මාර්ගල ලාභීව මියගිය බව නොකියා කියන්නේ ඇය සසරින් එතෙර බව නොපැකිලව කීමෙනි. එය මොන තරම් දහම් විරෝධී මුසාවක්ද?

ගායනය : සනන් නන්දසිරි
පද රචනය : ප්‍රියානන්ද විජේසුන්දර
සංගීතය : සනත් නන්දසිරි

සසුනේ අවාසනාවකට අදටත් මේ ගීතය අනෙක් උතුම් බොදු ගීත සමඟ හරි හරියට වාදනය කරනු ඇසීමට තරම් අප දහමින් පිරිහී ඇත. වාදනය වන වාරයක් පාසා සාමණේර සසුනට මරු පහර දෙන මේ දුර්දාන්ත, පවිටු, අමන ගීතය සහමුලින් ප්‍රතික්ෂේප කිරීමට බොදුනුවන් සියල්ලට නුවන පහල වේවා!