ධර්ම නිධාන

Posts Tagged ‘පූජ්‍ය කිරිබත්ගොඩ ඤානානන්ද ස්වාමීන් වහන්සේ

Click here to Read Full screen or Download this Sinhala article in PDF format

චිරාත්කාලයක් පුරා අප සිංහල බෞද්ධ සමාජය හැඩ ගැසුනේ ත්‍රිවිධ ආකාරයකින් ( සම්මුති, සේක, අසේක ) උතුම් වූ අප මහා සංඝරත්නයට සිතිවිලි මාත්‍රයෙන් පවා උපරිම ගෞරවය දැක්වීමටයි. හේතුව නම් අපි භාවිත කරන වචන, සිතිවිලි වලින් එතුමන්ට කරන අගෞරවයන් ඉතා බරපතල අකුසල කර්ම වීමයි. මෙයට පිළියමක් ලෙස ප්‍රඥාවන්ත සැදැහැවත් බෞද්ධයා අප මහා සංඝ රත්නය වෙනුවෙන්ම වෙනම විශේෂණ මාලාවක් භාවිත කිරීමට හුරු වූහ. පූජ්‍ය, පූජ්‍යපාද, අති පූජණීය, පරම පූජණීය යනු මේවායින් කීපයක් පමණි.

සරලව කියන්නේ නම් අප හෙළ භාෂාව ත්‍රිවිධ රත්නයට දිය යුතු ගෞරවය අංශයෙන් දියුණුව මස්තකප්‍රාප්ත වී බොහෝ කල්ය. මොනයම් කැපීපෙනීමේ උත්සාහයක් නිසා එයට කරන යම් වෙනසක් වේ නම් එය හුදෙක් දැනටමත් ඇති භක්තිය ගෞරවය වනසාදැමීමක් වීමට ඉඩ ඇත. බෞද්ධයෝ කිසිවිටෙකත් මෙවන් ජනප්‍රිය රැලි වල ගොදුරු බවට පත්වී සිය සසර වනසා නොගත යුතුයි.

මෙවන් පූර්විකාවක් අපට ලිවීමට සිදුව ඇත්තේ පූජ්‍ය කිරිබත්ගොඩ හිමිපාණන්ගේ අළුත්ම වචන හරඹයක් නිසාය. එතුමාගේ සංස්ථාවේ සියළුම භික්ෂූන් වහන්සේ හැඳින්වීමට මේ උපරිම ගෞරව විශේෂණ යොදා නොගන්න බව ඔබ දුටුවාද? අහම්බයක් හෝ අතපසු වීමක් යැයි අපි මුළින් සිතුවත් සියළුම ප්‍රකාශන වල එම හිමිවරුන් හඳුන්වා දෙන්නේ “පූජ්‍ය” වෙනුවට “පින්වත්” යනුවෙනි.

පින්වත් යන විශේෂණය ගිහි පැවිදි කා වෙනුවෙන් වුවද භාවිත වන ඉහල ගෞරවයක් කිසිසේත් ගම්‍ය නොවන ඉතා සරල විශේෂණයකි. එය අමුතුවෙන් ප්‍රකාශ නොකලද මිනිස් ලොව සුගතියක් බැවින්, මෙලොව හා සියළු සුගති වල ප්‍රතිසන්ධි ගත් සත්වයෝ අනිවාර්‍යයෙන්ම පින්වත් බවද කවුරුත් දන්නා කාරණයකි.

එසේ නම් මිනිස් සමාජයේ ඉහලම ස්ථානයට පත්, අර්හත් ධජය දරණ, අපිට ඇති එකම පින්කෙත වන් අති උතුම් භික්ෂූන් වහන්සේලාට එම විශේෂණය කෙතරම් සුදුසුදැයි ඔබ මදකට සිතා බැළුවාද?

එය කිසිසේත් අපට නම් අනුමත කල නොහැකි විශේෂණයකි. සංඝරත්නයට එරෙහි වචී දුෂ්චරිතයකි. බරපතල පාපයකි. ඔබ අතින් අත්වැරදීමකින් හෝ මේ සරල විශේෂණය ගෞරවණීය භික්ෂූන් වහන්සේ සඳහා භාවිත කර ඇත්නම්, වහාම “කායේන වාචා චිත්තේන …..” ආදී වශයෙන් එන ගාථාව කියා සංඝ රත්නයේ සමාව අයදින්න. ඔබ හඳුනන කිසිකෙනෙක්ට එම පාපය කර ගැනීමට ඉඩ නොතබන්න. සැදැහැවත් බෞද්ධ ජනතාව මේ නුසුදුසු රැල්ලෙන් බේරා ගන්න මේ පණිවිඩය බෙදා හරින්න.

Click here to Read Full screen or Download this Sinhala article in PDF format

 

ඉහල ජාතික සේවයක් කරමින් සිටින http://www.lankacnews.com/ අඩවිය පලකල අගනා ලිපියක් අප වෙත ලැබී තිබේ. එම අඩවියේ සොයාබැලීමේ පහසුකම සපයා නැති බැවින් අපට යොමුව (URL) සොයා ගැනීමේ අපහසුතාවක් ඇතිවිය. කෙසේ නමුත් සියල්ලන් එක්වී කරන සාසන විනාශය ගැන බුදු වදන ඉතා පැහැදිළිව එහි විස්තර කර තිබේ. (එහි සඳහන් කොසොළ් රජු දුටු අපගේ ඉරණම අප අඩවියේ සම්පූර්ණයෙන්  නිරූපණය කර ඇත. ) මෙ එම ලිපියේ පිටපතකි.ශක්ති පමණින් බෙදා හරින්න.

වඩ වඩා විශාල වීම සඳහා පණිවුඩය මත නැවත නැවත Click කරන්න

බුදු පියාණන්ගේ අනාගතය දැකීමේ ඥාණය මොන තරම් අසිරිමත්ද? උන් වහන්සේගේ සර්වඥ බවට තවත් සාධක කුමටද? ධර්ම සංවේගය ඇති අපි හදවතින් හඬා වට්ටවන්නට එය සමත් වී නැතිද? මේ වන විටත් අඩු වැඩි වශයෙන් ප්‍රතිවේධ හා ප්‍රතිපත්ති අන්තර්ධානය සිදු වෙමින් පවතී. හොඳින් විමසා බලන්න. පය්ර්‍ප්ති අනතර්ධානය යටතේ මුලින්ම අභිධර්මය අන්තර්ධාන වන බව බුද්ධ වචනයයි. මෙය එළිපිටම සිදු කරන්නේ කවුද? අන් කිසිවෙකුත් නොව චීවරයක් පවා දරණා පූජ්‍ය කිරිබත්ගොඩ හිමිපාණන් නොවේද? සැදැහැවත් බෞද්ධයා තව දුරටත් මේ සත්‍ය වන, අප හඬවන  බුදු වදන් හමුවේ නිහඬ වෙනවාද? නැතිනම් එම හිමිනම හා කල්ලිය මෙත් සිතින් යුතුව සහමුලින් ප්‍රතික්ෂේප කරනවාද? වහාම සිතා බලා ක්‍රියාත්මක විය යුතුයි නේද?

නොවරදින බුදු වදනට අනුව, යහපත් චේතනාවෙන් ධර්මසංවේගයෙන් යුතුව කරන මේ ප්‍රතික්ෂේපය එකාන්තයෙන්ම මහා ආනිසංස දෙන කුසල් බව අමුතුවෙන් පැහැදිළි කල යුතු නොවේ. බුදුන් වැඩ සිටි කලම ඇතිවූ සංඝ කෝලාහලයක් විසඳීමට බුදු පියාණෝ දුන් අවවාද දිගින් දිගටම එම අසමගි වූ සංඝයා වහන්සේ දෙපිරිස නොපිළිගත් බැවින් උන් වහන්සේ පාරිලෙයිය වනයට තනිවම වැඩම කළහ. එම කාලය තුල පාරිලෙයිය ඇත් රජා පමණක් උන් වහන්සේට අතවැසි වූහ. මෙයින් කලකිරීමට පත් දායකයෝ සංඝයා වහන්සේ සහමුලින් ප්‍රතික්ෂේප කලහ. එය ඉවසා ගැනීමට නොහැකි වූ කල පමණක් සංඝයා වහන්සේ නැවත බුදුන් කල එළඹ සමාව ගෙන සමගියේ පිහිටියහ. බලන්න බුද්ධ ශ්‍රාවකයා සංඝ සාමග්‍රිය වෙනුවෙන් සිය දායකත්වය එදා ලබා දුන් ආකාරය. අතුරුදන් වන සසුන වෙනුවෙන් එම උපකාරය බුදු සසුනට කිරීමට සැදැහැවත් ඔබ අකමැතිද? පැකිලෙනවාද?

පූජනීය හිමිනමක් විසින් ඉරිදා පුවත්පතක පලකල ලිපියකි මේ. එම ලිපියේද ඉහත කල්ලිය ගැන පැහැදිලි ඉඟි ඇතුලත් වේ.

වඩ වඩා විශාල වීම සඳහා පණිවුඩය මත නැවත නැවත Click කරන්න

අද දවසේ සිදුවන රත්නත්‍ර සංහාර ගැන  නිවැරදි අවබෝධයක් සියල්ලෝ මේ පුවත් තුලින් ලබා ගනිත්වා. සසුන 5000 ට 10,000 ක් කල පවතිනසේ අපිට කල හැකි සියල්ල වෙනුවෙන් කැපවීමට සිතට ගනිත්වා!

Click here to Read Full screen or Download this Sinhala article in PDF format

අභිධර්මයේ සඳහන් කල්ප විභාගයට අනුව අප මේ ජීවත් වන්නේ, අනන්තයක් 31 භූමි තල වලින් අප අයත් 31 භූමි තලය සෑදී පවතින කාලය තුලයි. එහි නම සංව්ර්‍ත අසංඛ්‍ය කල්පය වේ. මහා කල්පයක් මෙවන් අසංඛ්‍ය කල්ප 4 කින් යුතු වේ. එම එක් අසංඛ්‍ය කල්පයක් අන්තඃ කල්ප 20ක් දිගු වේ. ඒ අනුව මහා කල්පයක දිග අන්තඃ කල්ප  80 (4X20) කි. සංව්ර්‍ත අසංඛ්‍ය කල්පය තුල අපි මේ ගෙවමින් සිටින්නේ 16 වෙනි අන්තඃ කල්පයයි. සස්ත්‍ර අන්තඃ කල්පය යනුවෙන්ද මෙය නම් කෙරේ. දෙව්ලොව මෙන් කිසි කලෙකත් පරමායුෂ දිග නියතයක් නොවන මිනිස්ලොව ජීවීන් සිය පරමායුෂ දස වර්ෂයට පිරිහෙන තෙක් මේ අන්තඃ කල්පය පවතී.

දල වශයෙන් අපිට මේ ආයුෂ පිරිහීමේ වේගය සොයා ගත හැක. මීට වසර 2600 කට පෙර බුදුන් දවස මිනිස් ලොව පරමායුෂ වසර 100 ක් විය. සිතේ අකුසල් වැඩීම හරහා මේ වනවිට සිය පරමායුෂ වසර 75-74 ක් පමණ දක්වා අඩු කරගැනීමට මිනිසුන් සමත්ව තිබේ.  ඒ අනුව වසර 100 ට එක් අවුරුද්ද බැගින් පරමායුෂ අඩු කර ගන්නා තරමට මිනිසුන් සිත දූෂණය කර ගන්නා බව පෙනේ. මෙම වේගය නියතව පැවතුනහොත්, මිනිස්ලොවෙ පරමායුෂ දස වර්ෂය වීමට සිත දූෂණය කර ගැනීම තුලින් මිනිසා තව අඩුකරගත යුත්තේ වසර 64 පමණි, එයට ගතවන කාලය වසර 64×100 = 6400 කි.  (මේ අනුව ලෝක හෝ සත්ව විනාශය  බටහිරයන් කියන සේ 2012 හෝ ලඟ අනාගතයක දී නොවන බව දත යුතුය).

ඉන් පසු සත්ව විනාශයේ එක් ලකුණක් ලෙස විපත්තිකර “මහා මේඝයක්” ලොවට පතිත වීමට පටන්ගනී. එයට හසුවන හසුවන සියළු සත්වයින් ගේ ඒ වන විටත් දූෂිත සිත තව දුරටත් විකල් වී, දකින දකින පුද්ගලයා කපා කොටා මරා දැමීමට තරම් වියරු වැටී මහා සත්ව විනාශය සිදු වීමට පටන් ගනී.   “මහා මේඝය” ට හසු නොවී සැඟවී දිවි ගලවාගන්නා මිනිස් ලොව  වාසනාවන්ත කීපදෙනෙක් හැර සියල්ලෝ මින් විනාශයට පත්වේ. මේ සත්ව විනාශය සිදුවන එක ආකාරයක් පමණි. අකුසල් මූල තුන වන ලෝභ, ද්වේෂ, මෝහ අතරින් ද්වේෂය ඔස්සේ සිත දූෂණය කරගත් විට සත්ව විනාශය මේ ආකාරයට අවි ආයුධ වලින් සිදු වේ. ලෝභය වැඩුවේ නම් ආහාර හිඟ වී දුර්භික්ෂ වලින් සත්ව විනාශයත්, මෝහය වැඩුවේ නම් ලෙඩ රෝග වසංගත වලින් සත්ව විනාශයත් සිදුවන බව බුද්ධ දේශනාවයි.

වඩ වඩා විශාල වීම සඳහා පත්‍රිකාව මත නැවත නැවත Click කරන්න

මේ විස්තර සියල්ල අප සොයා ගත්තේ අභිධර්මධර අති පූජනීය නා උයනේ අරියධම්ම මාහිමි පාණන්ගේ විචිත්‍ර හා ඝාම්භීර දේශනා වලට පින් සිදු වන්නටය. අභිධර්මය නොදරනතාක් භික්ෂූන් වහන්සේ නමකට විචිත්‍ර ධර්ම කථිකයෙක් විය නොහැකි බව ඇස් පනාපිට පෙනෙන සත්‍යයයි. මේ විස්තර ඔබ හා බෙදා ගත්තේ තවත් කාලීන ව්‍යසනයක් ගැන ඔබ දැනුවත් කිරීමටය.

භික්ෂූන් වහන්සේ තුන් වර්ගයක් මහා සංඝ රත්නයට ඇතුලත් වේ.

1. සම්මුති – හුදෙක් සිවුර පැළදි, ශීලය ගැන වෙහෙස වීමට අවකාශ හෝ ශක්තිය නැති පූජනීය ස්වාමීන් වහන්සේලා
2. සේක – සෝවාන්, සකෘදගාමී, අනාගාමී ආර්‍ය උතුමන් වහන්සේලා
3. අසේක – මහ රහත් උත්තමයන් වහන්සේලා

ඉහත සියළුම භික්ෂූන් වහන්සේලා බුදු පියාණන් වහන්සේගේ පුත්‍ර භාවයට, තමන්ට ශක්ති පමණින් එළබුණු උතුමන් බව ගිහි අප කවුරුත් ප්‍රවේශමෙන් තේරුම් ගත යුතු කාරණයයි. මේ තුන් වර්ගයේ භික්ෂූන්ම සංඝ රත්නයට දිය හැකි උතුම්ම දානාදියට ඉහලින්ම සුදුස්සෝ වෙති.

එනමුත් පුතුන් ලෙස සසුනට ඇතුල් වී ඉන්පසු සිය පියාණන්ට ආඛ්‍යානය (දෝෂාරෝපනය ) කරන භික්ෂූන් වහන්සේ ගැන තත්වය කුමක්ද? මහා කාරුණික, වචනයේ පරිසමාප්ත අර්ථයෙන්ම අමා මෑණී වූ බුදු පියාණන් වහන්සේ එම භික්ෂූන් වහන්සේට පවා සැදැහැවත් ශ්‍රාවකයන් විසින් පරිභව නොකල යුතු බව දේශනා කොට තිබේ. මේ බුද්ධ වචනය අපි ගරු කරන්නෙමු. ලක් බුදු සසුනේ මහත්ම අවාසනාවට පූජනීය කිරිබත්ගොඩ හිමි පාණන් මේ වර්ගයටඇතුලත් වන බව සැකයෙන් තොරවම ඔප්පු කර තිබේ. තමන් වහන්සේ විසින් කරන ලද ධර්ම සංහාර කිසිවකුත් වෙනුවෙන් උන්වහන්සේ මේ දක්වා රත්නත්‍රයෙන් සමාව ගත් බවක් අපි නම් නොදනිමු.

ඒ වෙනුවට සිදුව ඇත්තේ, අභිධර්මය අබුද්ධ දේශිතයැයි කියමින්, ශ්‍රේෂ්ඨ මහරහතන්වහන්සේලාගේ චරිත ඝාතනය කරමින්, තමන් අනුබුදු යැයි අතවැසියන් ලවා කියවාගනිමින්, නිඝංඨ අසපු සසුනට හඳුන්වා දීමෙන් , දෙව්දත් තෙරටත් වඩා දරුණු අන්දමින් තමාට පමණක් වහල් භික්ෂු කල්ලියක් බිහිකරගනිමින් , එම පිරිසෙන් මත්වෙමින්, තමන් ආර්‍ය බව ඉඟි කරමින්, බණ අසන්නන් අඬවමින්, පිරිසිඳු රන් මෙන් නිර්මළ බුදු දහම, ලෝකඩ නොව, මලකන ලෝහයක් බවටම පහත් කිරීමට හැකි සියළු වෙර යොදා ක්‍රියාත්මක වීමයි.

මේ සියල්ලට අමතරව පූජනීය කිරිබත්ගොඩ හිමිපාණන් ශාසන විනාශයටත් පදනම බෞද්ධ මුදල්ම යොදා සකසමින් සිටීම බෞද්ධයාගේ මහාම අවාසනාවයි. තමාගේ බෞද්ධ කල්ලිවාදයේ “අසපු” නම උන්වහන්සේගේ සිතට එන්නට ඇත්තේ හාස්කමකින් වන්නට ඇතැයි අපි කීවෙමු. මේ අපි දක්වන්නේ දෙවන හාස්කමයි. අපගේ පූර්විකාවේ සඳහන්  “මහාමේඝ”ය,  පූජනීය කිරිබත්ගොඩ හිමිඋන්වහන්සේගේ විසින් පතනය කිරීමට පටන්ගෙන තිබේ. ස්වභාවිකව විපත්තිකර මහා මේඝයට වසර 6400 කට කලින් එවන්ම විනාශයක් ශාසනයට කරන උන් වහන්සේගේ මේ සංකල්පනාව සිය බියකරු කර්මය හා නැවතත් ඉතා හොඳින් ගැලපෙන හැටි බලන්න.

සිය අන්ධ අතවැසියන් යොදමින්, දහමින් අහුලාගත් වචන අරුතක් නොමැති ලෙස හෝ යොදමින්, තමන් වහන්සේම පිළිපදින දෙව්දත් වතට පරිභව කරමින්. සිය ශාසන විනාශයේ “මහාමේඝ”ය ශ්‍රාවක අනුකම්පාව දිනා ගැනීම පිණිසද යොදා ගන්නා බව පෙනේ.

අනේ කිරිබත්ගොඩ අපෙ හාමුදුරුවනේ, අති උතුම් රත්නත්‍රයේ නාමයෙන් අපි ඉල්ලා සිටින්නේ තම වැරැද්ද පිළිගෙන, සසුන විනාශ කිරීමට ඔබවහන්සේ යොදන උපක්‍රම සියල්ල නවතා රත්නත්‍රයෙන් සමාව ගෙන නැවත ආයත සංවරයේ පිහිටා පිරිසිඳුව මහණදම් පුරන ලෙසයි. එතෙක් ධර්මචාරී අපි නම් අපගේ ශාස්තෲ අමා මෑණී බුදු පියාණන් දෙසූ ලෙසම ඔබ වහන්සේට හා අනුගාමික භික්ෂූන්ට දුටු කල හුනස්නෙන් නොනැගී සිටීම, පෙර ගමන් නොකිරීම, නොවැඳීම, දන් නොදීම යන මේවායින් අපේ නොසතුට දක්වන්නෙමු. පරිභව නම් නොකරන්නෙමු!

අඩුම තරමින් ඔබ වහන්සේ, ධර්ම රත්නය සංහාරය නොකර සම්මුති භික්ෂූන් වහන්සේ බවට හෝ තම තත්වය උසස් කර ගන්නේනම් අපි නොපැකිලව ඔබ වහන්සේට සියළු ගරු බුහුමන් ලබා දෙන්නෙමු.  එතෙක් අපි ඔබ වහන්සේගේ “මහාමේඝ”යට හසු නොවන සේ පිළිපදින්නෙමු. අසරණ බෞද්ධ ශ්‍රාවකයාටද එයින් ගැලවී පණ බේරාගන්නා ලෙස ශාසනාලයෙන් අවවාද කරන්නෙමු!

Click here to Read Full screen or Download this Sinhala article in PDF format

(The E-Book Link available in this post does not work, download PDF from above link and follow the E-book link in it)

(හඳුනා නොගත් හේතුවක් නිසා  මෙම ලිපියේ E-book  යොමුව අක්‍රීයයි, කරුණාකර ඉහත PDF ගොනුවේ ඇතුලත් E-book යොමුවෙන් පොත ලබා ගන්න. සියල්ලන්ට බෙදා හරින්න.)

බුදු දහමට එරෙහි හිමිවරුන් සහමුලින් ප්‍රතික්ෂේප කිරීම බුදුන් දෙසූ බණයි. එය කිරීමට බෞද්ධයා පැකිලේ නම් අනාගතයට සසුනක් ඉතිරි නොවනු ඇත. තවද එම පසුබෑම නම් බුදු වදනට එරෙහි වීමයි. නිවන් පතන ඔබ බුදු වදනට එරෙහි වීමට කැමතිද?

වසර 2600ක් බුදු සමය සැදැහැවත් බෞද්ධයාගේ ආරක්ෂාවේ පැවතුනද, වර්තමානයේ අති සියුම් උපක්‍රම යොදමින්, සිංහල බෞද්ධයාගේම මුදල් හරහා සාශන විනාශය සිදුකරන චීවර ධාරීන්ද, ගිහි කෝලමුන්ද දිනෙන් දින බලවත් වේ. ඒවා ඉතා හොඳින් හෙළි කරමින් ලියූ  මේ පොතේ, කිරිබත්ගොඩ හිමියෝ විසින් නොමඟ යැවූ අවාසනාවන්ත අසරණයන් නොදත් එතුමාගේ “විශිෂ්ඨත්වය” සවිස්තරව හෙළි වී තිබේ.

පොත ලිවීමෙන් ජාතිය ආගම දෙකම බේරා ගැනීමට උත්සාහ ගත් අති පූජනීය බෙංගමුවේ නාලක හිමිපානන්ට අපගේ උත්තමාංග නමස්කාරය.  බුදු සමය සියළු කඳ පණුවන්ගෙන් බේරා ගැනීමට තව තවත් ශක්තිය බලය ලැබේවා!. මේ පින් බලෙන්ම ඔබ වහන්සේ ප්‍රාර්ථනා බෝධියකින් සුවසේ චතු සත්‍ය අවබෝධ කරත්වා!

සැදැහැවත් සියල්ලෝ, තම තමාගෙන් තමා ඵල ලබනබුදු සමයට විය යුතු සේවය ඉටු කරත්වා! හැකි සියල්ලෝම පොත මිළදී ගෙන සියල්ලන්ටම බෙදාධර්ම දානය කර ගනිත්වා!  ශාසනය කඳ පණුවන්ගෙන් රැක ගැනීමට උපරිමයෙන් උර දෙත්වා!

පහත යොමුවෙන් සම්පූර්ණ පොත බාගත කරගත හැක

බුදු සසුන වනසන කඳ පණුවෝ E-Book

http://www.mediafire.com/?w468lik7e71csoc

Click here to Read Full screen or Download this Sinhala article in PDF format

දුඹුරු පැහැ සිවුරක් පැළඳි පමණින්  වත්, බුද්ධ පුත්‍රයෙක් සේ මවා පෑ පමණින් වත් කිසිවෙකුටත් බුදු දහමේ පරම ගාම්භීරත්වය වන ත්‍රිපිටකයේ අංශුමාත්‍රයකුදු ප්‍රතික්ෂේප කිරීමට බලපත්‍රයක් අමා මෑණී බුදු පියාණන් වහන්සේ විසින් සිය පුත්‍රයන් වහන්සේලාට දී නොමැත. බුද්ධ දේශනය නම් එවන් කුමණ්ත්‍රණකාරී භික්ෂූන් වහන්සේලා බුද්ධ ශ්‍රාවකයන් විසින් ධර්මානුකූලව ප්‍රතික්ෂේප කරමින් සසරේ සිය ආරක්ෂාව සලසාගත යුතු බවයි. පූජ්‍ය කිරිබත්ගොඩ ඤානානන්ද ස්වාමීන් වහන්සේ,  පූජ්‍ය පිටිදූවේ සිරිධම්ම හිමිපාණන් (හෙවත් සෝවාන් වීම පිණිස අපවත් වී  අළුතින් ඉපදුන සිරි සමන්තබද්‍ර ස්වාමින් වහන්සේ ) , තවත් කෝලම්කාර භික්ෂූන් වහන්සේලා මේ කියනලද ප්‍රතික්ෂේප කලයුතු වර්ගයේ අති භයංකාර භික්ෂූන් වහන්සේ නමවල් වන ආකාරය හා විවිධ විද්‍යුත් මාධ්‍ය අප බුදුදහමට කරන විනාශ, කුමණ්ත්‍රන පූජ්‍ය හෑගොඩ විපස්සී හිමිපාණන් කරන විග්‍රහයන් බෞද්ධ අපි සැවොම නරඹා වහාම දැනුවත් විය යුතුම කාලයකි මේ.

වගකිවයුතු, මහානායක ආදී විවිධ තානාන්තර ලැබූ භික්ෂූන් වහන්සේලා කිසිවෙකුවත් කිරීමට නිර්භය නොවන, අදහාගැනීමටත් නොහැකි මහා ධර්ම සංහාර පර්යේෂණ තුලින් සොයා අපිට හෙළි කරන, මෑත කාලයේ සෝම හිමිපාණන් කෙනෙක් මෙන් වූ මේ උතුමානන් වහන්සේට අපට හැකි සියළු උපකාරයන් කරමු. රත්මලාන ධර්ම පර්යේෂණාල වාසී පූජ්‍ය හෑගොඩ විපස්සී හිමිපාණන් සියළු පහසු විහරණයන් සලසා රැක ගනිමු.

ධර්මය විකෘති කිරීම 01  – පූජ්‍ය කිරිබත්ගොඩ ඤානානන්ද ස්වාමීන් වහන්සේගේ නිර්ලජ්ජී ධර්ම සංහාර

ධර්මය විකෘති කිරීම් 02 –   තමාම අනුබුදු යැයි කියාගන්නා, තමන් රහත් ‍යැයි සිතා ගත් පූජ්‍ය කිරිබත්ගොඩ ඤානානන්ද ස්වාමීන් වහන්සේගේ මිහිදු මහ රහතන් වහන්සේ සංහාරය.  නිවන්පුරයේ සිට අද දිනත් පෙම් පත් ලියන නිවන් නොලැබූ අරුම පුදුම රහතන් වහන්සේලා.

http://youtu.be/NCDQdDH7rKs

ධර්මය විකෘති කිරීම් 03 – පූජ්‍ය පිටිදූවේ සිරිධම්ම හිමිපාණන්, තවත් කෝලම්කාර භික්ෂූන් වහන්සේලා, විවිධ විද්‍යුත් මාධ්‍ය අප බුදුදහමට කරන විනාශ, කුමන්ත්‍රණ
 
http://youtu.be/IivjAMxdUHM

Click here to Read Full screen or Download this Sinhala article in PDF format

විශාල වීම සඳහා පින්තූර මත Click කරන්න

ඔබට අවැසි පිරිසිඳු දහමේ ඇති නියම නිවන් රසය නම්, බුදු සසුන,  ධර්මය තුල වැඩ සිටිනා බුදු වරුන් වැනසීමට ඔබ අනුබල නොදෙනවානම්, අපි ඔබෙන් පැහැදිලිවම ධර්ම සංවේගයෙන් යුතුව ඉල්ලීමක් කලෙමු. එනම් බුදුන් දෙසූ ලෙස කරුණා විහරණයෙන් ද යුතුව මහමෙව්නාව ප්‍රතික්ෂෙප කරන්න,  එහි සියළු ප්‍රකාශන කියවීමෙන් වලකින්න. එම වෙබ් අඩවි වලට නොපිවිසෙන්න යන්නයි . මතුපිටින් පිරිසිඳු නමුත් කිලිටි සඟවා ගත් දහමක් අසනවාට වඩා එය නො අසා සිටීම ඔබව මොළ සේදීමෙන් වළකා ලනු ඇත. පිරිසිඳු දහමින් ප්‍රයෝජන ලැබුමට ඔබට වඩා හොඳ අවස්ථාවක් ඉතිරි කර දෙනු ඇත.

එසේ නම් ඔබට පිරිසිඳු දහම ලබා ගත හැකි විකල්පයක්ද අප විසින් සැපයිය යුතුව ඇත. අප විසින් මෙම අඩවියට මුල පිරීමට අවැසි දැනුම සරල සිංහලෙන් ලබා ගත්තේ පහත සපයා ඇති ලැයිස්තුවේ පොත් වහන්සේලා පරිශීලණය කිරීමෙනි. එය ඔබට අපගේ ලිපි වල නොයෙක් තැන සඳහන් පොත් වහන්සේලාගේ නම් හා පිටු අංක වලින් මොනවට පැහැදිළි වන්නට ඇත. එම පොත් සම්බන්ධ විමසීම් සඳහා දුරකථන අංක 3 වන පිටුවේ අග සඳහන් වේ.

පොත් අංක 1 සිට 12

විශාල වීම සඳහා පත්‍රිකාව මත Click කරන්න

පොත් අංක 13 සිට 26

විශාල වීම සඳහා පත්‍රිකාව මත Click කරන්න

අගය කිරීම්

විශාල වීම සඳහා පත්‍රිකාව මත Click කරන්න

දිනෙන් දින බල සම්පන්න වන මහමෙව්නා සුනාමිය හමුවේ, නොසෙල්වෙන පොල් ගසක් සේ එයට මුහුණ දෙමින් සසුනත් බේරා ගනිමින්, සුපිරිසිඳු නිවන් මගෙත් පියමන් කිරීමට ඔබට මෙම පොත් වහන්සේලා ගුරු දේවයන් වහන්සේලා සේ උපකාරී වනු ඇත. හුදෙක් මවා පෑම් හා රඟ පෑම් තුලින් ආර්ය භාවය ඉඟි කරන පංච විධ අන්තරාවෙන් බහුතරයකටම අවාසනාවන්ත ලෙස හසු වී කිසිම මාර්ග ඵලයකට සුදුසුකම් නොලබා සිටින අසරණ පූජ්‍ය කිරිබත්ගොඩ ඤානානන්ද ස්වාමීන් වහන්සේත්, උන් වහන්සේගෙ අමුතුම සංස්කෘතියේත් ගොදුරු නොවීමට ඔබගේ ආරක්ෂාව ධර්ම දැනුම තුලින් මහ පවුරක් සේ ගොඩ නගන්න.

පූජ්‍ය කිරිබත්ගොඩ හිමි, මාර්ග අධිගමයට අන්තරායකර පහත කාරණා සියල්ලට හසු වී ඇති බව කිසිදු සැකයකින් තොරව ඕනෑම අයෙකුට තේරුම් ගත හැක.
2. ක්ලේශාන්තරාය – “අභිධර්මය අබුද්ධ දේශිතයකැ”යි යන මිථ්‍යාදෘෂ්ටිය
4. උපවාද අන්තරාය – අංගුත්තර නිකායේ දුක නිපාතයහි ශ්‍රී සම්බුද්ධ වචනයට අනුව, ඉහත මතය දරන්නා බුදුන්ට දෝෂාරෝපනය කරන්නෙකි.
5. ආඥාව්‍යාතික්‍රමණාන්තරාය – විනය නීති කැඩීම තුළින් ශ්‍රී සම්බුද්ධ ආඥාවට විරුද්ධ වීම. මහමෙව්නාවේ අදායම් ගැන පූජ්‍ය කිරිබත්ගොඩ හිමිගේම වචන අපි කලින් ලිපියක පෙන්වා දුන්නෙමු.

එතුමා යටතේ මාර්ග ඵල ලැබීම හා සුගති ගාමී වීම ගැන කවර නම් කථාද? 2600 සම්බුද්ධත්ව ජයන්තිය ලඟ ලඟ එන මේ දිනවල අපි නියම විචාර බුද්ධියෙන් යුතුව, ශ්‍රී සම්බුදු පියාණන්ට කල හැකි උසස්ම පූජාව, එනම් ධර්මයේ හැසිරීම සඳහා, හංසයා දියෙන් කිරි වෙන් කර ගන්නා සේ, සුපිරිඳු ධර්මය පමණක් පිළිගැනීමට අධිෂ්ඨාන කර ගනිමු.

ඔබට ධර්ම දේශනා ඇසීමේ පහසුකම් ඇතිනම්, අප අඩවිය තුල සපයන අති පූජනීය නාඋයනේ අරියධම්ම හිමි පාණන් ගේ සුමධුර ගාම්භීර ධර්ම දේශනා එකක් වත් අත් නොහැර සවන් දෙන්න. ගීත ශ්‍රවණය තුලින් අපා මාර්ගය විවර කර ගන්නවා වෙනුවට, ධර්ම ශ්‍රවණයෙන් සුගති හෝ පරම ශාන්ත නිවන විවර කර ගන්න. ඔබ වාහන පදවන වා නම් එම සියළු වේලාව ඔබට මේ සඳහා යොදා ගත හැක. නැති නම්, ජංගම දුරකථනය, iPod හෝ මෙම ධර්ම දේශනා ශ්‍රවණය පිණිස යොදා ගත හැක. මෙය ඔබගේ අවසාන සුගති භවයද, නැතිනම් ආරම්භක සුගති භවයද යන්න තීරණය කරන්නේ අන් කවරෙක්වත් නොව ඔබමයි.

නොයෙක් විට අපි ඔය තරම් ධර්මය දන්නේ නැතැයි යනුවෙන් කිසිවිට කීමට සිදු නොවනු ඇත. අභිධර්මයත් ඉගෙනිය හැකි නම්, ගුවන් යානා ඉංජිනේරුවා ගුවන් යානය ගැන දන්නෙ යම් සේද ඒ තරමට ඔබට ඔනෑම ධර්ම ගැටළුවක් තනිව විසඳා ගැනීම දක්වා පවා ගමන් කල හැක. මහාචාර්ය පරම පූජනීය රේරුකානේ චන්දවිමල හිමි ගේ උපමාවකට අනුව, අභිධර්මය නොදැන ධර්මය පිළිබඳ ලබන දැනුම සමාන වන්නේ, ගුවන් යානයක් ඈත අහසේ යනවා දකින ගැමියෙක් ඒ පිළිබඳ ලබා ගන්නා අවබෝධයට සමාන අවබෝධයක් පමණි. ඔබ කැමති ගැමියා වීමටද? නැතිනම් ගුවන් යානා ඉංජිනේරුවා වීමටද? තීරණය ඔබ අතෙයි.

ඔබ මතක තබා ගත යුතු වන්නේ, ඉහත 12, 13 පොත් වලට අමතරව අපගේ රූපමය නිරූපන උපකාරයත් ගන්නේ නම්, එම ඉංජිනේරු උපාධිය ඔබ සිතනා තරම් ලැබීමට අපහසු එකක් නොවන බවයි. එය අපි අත් දැකීමෙන් දනිමු. ඒ නිසා ඔබට විශ්වාසයෙන් කියමු.

Click here to Read Full screen or Download this Sinhala article in PDF format

යම් ප්‍රශ්ණයක් අරබයා, පූජ්‍ය කිරිබත්ගොඩ ඤානානන්ද හිමි විසින් ඉරිදා සිළුමිණට සැපයූ, සුන්දර මාතෘකාවක්ද සහිත මෙම ලිපිය සම්පූර්ණයෙන් කියවන්න.

උතුම් වෙසඟේ මතුවිය යුත්තේ බුදුන් වදාළ ධර්මය නොවේද?

උතුම් වෙසඟේ මතුවිය යුත්තේ බුදුන් වදාළ ධර්මය නොවේද?

විශාල වීම සඳහා පත්‍රිකාව මත Click කරන්න

මේ ඉහත ලිපිය පිළිබඳ අපගේ විග්‍රහයයි:

ලිපියේ පෙර වදන අනුව මෙම ලිපිය පූජ්‍ය කිරිබත්ගොඩ ඤානානන්ද හිමියන් විසින් තම වදනින්ම කල , කිසිදු සංස්කරණයකට ලක් නොවූ එකක් බව පැහැදිලිව සඳහන් වේ. උන් වහන්සේ පවසන පරිදි  500 ක් වූ භික්ෂූන් වහන්සේට නායකත්වය දෙන එතුමා සිය නායකත්වයට සාධාරණයක් මෙම ලිපියෙන් ඉටු කොට ඇතිදැයි යන්න විමසා බැලීමේදී අපිට ඇති වූයේ බලවත්ම සංවේගයකි.

ධර්මයේ චිර ජීවනය පතන අපි, මුලින්ම උන් වහසේගේ ලිපියේ අපි රතු පැහැයෙන් ලකුණු කොට ඇති කොටස ගැන අවධානය යොමු කරමු.  අපි දන්නා පරිදි අති පූජනීය හේන්පිටගෙදර ඤාණසීහ මාහිමිපාණන් අභිධර්මය රැක ගැනීමට උර දුන් ශ්‍රේෂ්ඨ උතුමෙක් විනා එයට විරුද්ධ වූ අයෙක් නොවේ. පරම පූජනීය රේරුකානේ චන්දවිමල මහනාහිමිගේ සම කාලීන උතුමෙකි. ඒ අනුව පූජ්‍ය කිරිබත්ගොඩ හිමි පවසන පරිදි  ඉහත උතුමාගේ  ගේ  පොතක් කියවූ සැනින් අභිධර්මය පිළිබඳ සැක ඇති වීම අදහා ගැනීමටවත් අපහසු, උත්තම පුද්ගල ගර්හාවකි. ගෙවා අවසන් කල නොහැකි පාප කර්මයකි. එම උතුමා ආර්ය තත්වය ලබා අපවත් වී ඇත්නම්, පූජ්‍ය  කිරිබත්ගොඩ ඤානානන්ද හිමි ආර්යෝපවාද කර්මයද කරගෙන නිවන මට එපා යයි කීමක් තරම් ප්‍රභල පාපයකි. කියන ලද පොත කියෙව්වේ පළමුව අඩු තරමින් අභිධර්මය හැදෑරීමේ උත්සාහයක් ගෙන දෝයි යන්න සඳහන් කර නැත. පරම පූජනීය රේරුකානේ චන්දවිමල මහනාහිමි මේ තරම් ප්‍රසිද්ධ නුවූයේ නම්,  පූජ්‍ය  කිරිබත්ගොඩ ඤානානන්ද හිමි ට අභිධර්මය පිළිබඳ සැක,  රේරුකානේ චන්දවිමල මහනාහිමි ආර්ය උතුමාගේ පොත කියවීමෙන්ම ඉපදුන බව පවසනු ඇත. එය අත පුච්චා ගැනීමක් සේ සලකා වැලකුණාදැයි අපිට සැක මතු වන්නේ මෙහිදීය. මහමෙව්නා ශ්‍රාවකයිනී පරම පූජනීය රේරුකානේ චන්දවිමල මහනාහිමි ගැන ඔබගේ ශ්‍රාස්තෲ තුමාගේ අදහස් විමසන්න. කිසිම තැනක පරම පූජනීය රේරුකානේ චන්දවිමල මහනාහිමි උතුමාගේ ශාසන කර්තව්‍ය ගැන අගය කිරීමක් පූජ්‍ය  කිරිබත්ගොඩ ඤානානන්ද හිමි විසින් කරනු අපි  දැක/අසා නැත්තෙමු. එය ගැටළුවක් නේද?

අපගේ වාසනාවකට අති ඝාම්භීර වූ අභිධර්මය රසවත්ව සිංහලෙන් ඉගෙනීමට සියළු පහසුකම් පරම පූජනීය රේරුකානේ චන්දවිමල මහනාහිමි සම්පාදිත පොත් දෙකක් තුලම ඇත, ඒවා ධර්ම ඝවේෂී උතුම් සංඝරත්නය විසින්  අත් පොත් ලෙස භාවිත කිරීම අදත් බහුලව සිදුවේ. අභිධර්මයේ ඉගැන්වීමක ඇති ඕනෑම ගැටළුවකට කෙලින්ම පිළිතුරු එවායේ සොයා ගැන්මට ඇතැයි කීවද එය අතිශෝක්තියක් නොවන තරමට ඒවා පරිපූර්ණ යැයි කිව හැක. මන්ද එම පොත් රචනා කළ පරම පූජනීය රේරුකානේ චන්දවිමල මහනාහිමි උතුමා විසින් ඒ සඳහා සිය ශක්තිය යෙදෙව්වේ පූජ්‍ය කිරිබත්ගොඩ ඤානානන්ද හිමිද නහය ලඟටම එරී ඇති මිත්‍යාදෘෂ්ඨිය නම ගොහොරුවේ එවකට සිටි විශ්ව විද්‍යාල මහාචාර්ය වරුන් ද එරී පණ අදිමින් සිටි කලකය.

තමන් අති පණ්ඩිත යැයි සිතා ගත් සත්‍ය වශයෙන්ම ගැඹුරු දහමක් ධාරණය කර ගැනීමේ නොහැකියාව ඇති විශ්ව විද්‍යාල මහාචාර්ය වරු එම හිරි ඔතප් රහිත යමෙක්ට කල හැකි ඉහලම පාප කර්මය එනම් “අභිධර්මය අබුද්ධ දේශිතයකැ” මිත්‍යාදෘෂ්ඨියට බැස ගත්හ. පිහිටක් පදනමක් නැති එම මිත්‍යාදෘෂ්ඨියට පිළිතුරු දී බිඳ දමා ඇත්තේ අන් කවුරුත් නොව මහාචාර්ය පරම පූජනීය රේරුකානේ චන්දවිමල මහනාහිමි විසින්මය, බලන්න, අභිධර්මයේ මූලික කරුණු පොතේ පිටු ix වලින් පටන් ගන්නා සංඥාපනය. පූජ්‍ය කිරිබත්ගොඩ ඤානානන්ද හිමි සිය බැබලීමට එකම පිහිට කර ගන්නා සූත්‍ර පිටකය ගැන විග්‍රහයක්ද එහි අඩංගු කර ඇත්තේ හරියටම මහමෙව්නාවේ ඔබ වෙනුවෙන්දැයි අපිට පුදුම සිතේ.

මිත්‍යාදෘෂ්ඨියහි බරපතල කම බුදු වදනින්ම සඳහන් වන්නේ අංගුත්තර නිකායේ ඒකක නිපාතයෙහිය, බලන්න.

අංගුත්තර නිකායේ ඒකක නිපාතය

විශාල වීම සඳහා පත්‍රිකාව මත Click කරන්න

එය කලේ කුමකටදැයි අමුතුවෙන් කිව යුතු නොවේ. ඉගෙනීමේ බරෙන් නිදහස් වීමටයි. ඉගෙනීමේ බරෙන් නිදහස් වීමට එය ප්‍රතික්ශේප කල  යුතු නැහැ පූජ්‍ය කිරිබත්ගොඩ ඤානානන්ද අපේ හාමුදුරුවනේ. 42,000 වූ එම ධර්ම ස්කන්ධයට, එම බුදු වරුන්ට වැඩ සිටීමේ අයිතිය සලසා දුන්නේ දෙවෙනි බුදුකෙනෙක් වන් සැරියුත් මහ රහතන් වහන්සේගෙන් පටන්ගෙන ඉතිහාසය පුරා වැඩ උන් නික්ලේෂී රහතන් වහන්සේලායි. ඔබ වහන්සේට එය ඉගෙනීමට අපහසු නම් පසෙකින් තබන්න. එයට එරෙහිව මිත්‍යා මත නොවපුරන්න. එය ඉගෙනීම මහා කාරුණික බුදු පියාණන් කිසිවෙකුට අනිවාර්ය කර නැත. හුදෙක් ඉගෙනීම නිවන් කරා මග කෙටි කර දෙනවා පමණි. ඔබ දුර පාරෙන් යාමට කැමති නිවන අනෙක් අය මතත් බලෙන් පටවන එක කොතරම් පාපයක් දැයි සිතුවාද  පූජ්‍ය කිරිබත්ගොඩ ඤානානන්ද අපෙ හාමුදුරුවනේ?

අහෝ ඛේදයකි, පූජ්‍ය කිරිබත්ගොඩ ඤානානන්ද හිමි සිය ලිපිය අවසානයේ අන් පූජ්‍ය හිමි වරුන්ගේ හිරි ඔතප් ගැන චෝදනා කරන්නේ පවට බිය(හිරි)  හා පවට ලැජ්ජාව(ඔතප්) උන් වහන්සේම අනන්ත වාරයකින් ප්‍රභල ලෙස හා භයංකාර ලෙස “අභිධර්මය අබුද්ධ දේශිතයකැ” මිත්‍යාදෘෂ්ඨිය තුලින් උල්ලංඝනය කර ගෙන ඇති බව නොදැනය. අපි මාතෘකාවේ උන් වහන්සේගෙන් සංවේගයෙන් යුතුව කුමක් නිසා එය කලේදැයි අසා සිටින, ලොව්තුරා බුදු පියාණන්ට දෝෂාරෝපනයද  මෙයම වේ. බලන්න  කලින් ලිපියේ පසු වදන

පූජ්‍ය  කිරිබත්ගොඩ ඤානානන්ද හිමි  අභිධර්ම ඉගැන්වීම වල සැක කරන කාරණා සියල්ල පැහැදිලිව දක්වන ලෙස අපි  උන් වහන්සේගෙන් ගෞරවයෙන් හා ධර්ම සංවේගයෙන් යුතුව ඉල්ලා සිටින්නේ ඒවාට පිළිතුරු සොයා බලා තවමත් මොළ සෝදනයට ලක් නොවූ උන් වහන්සේගේ අනුගාමිකයන් ඇත්නම් ඔවුන්ට ඉදිරිපත් කිරීමටය. බුදුන් දෙසූ ලෙසම විමසා පිළිගන්නන් තවමත් ඉතිරි වී සිටීමට ඉඩ ඇති බැවිනි.

උන් වහන්සේගේ මෙම සිළුමිණ ලිපිය කෙරෙහි පාදක වී ඇත්තේ උන්වහන්සේ ගේ අදහස් හා එකඟ නොවන පූජ්‍ය භික්ෂූන් වහන්සේ හා තවත් ගිහි කීප දෙනෙක් බව පෙනේ. කෙලෙස් සහිත ගිහියෙක් මෙහි සඳහන් වචන භාවිත කලා නම් අපිට තේරුම් ගත හැක. බුදු දහමේ මූලිකම හරය, විශේෂත්වය වන්නේ සතුරාට පවා මෛත්‍රී කිරීමයි. කිරිබත්ගොඩ අප හිමිගේ වචන අනුව පිළිතුරු සපයා ඇත්තේ සාමාන්‍ය සතුරන්ට නොව ගිහි, පැවිදි, ස්ත්‍රී, පුරුෂ සියළු ආකාරයේ පරම සතුරන්ටය. යොදා ඇති විශේෂනයක් පාසා වෛරය, පළිගැනීමේ අකුසල් චේතනාව දිස්වන බව රහසක් නොවේ.  ලිපිය ලියූ කාලය පුරාවට උන් වහන්සේගේ සිත තුල උපන් “දෝමනස්ස සහගත පටිඝ සම්ප්‍රයුක්ත අසංස්කාරික සිත” නම් අකුසල් සිත හා ඇමිණී ඇති චේතනා නම් චෛතිසික ධර්මය එම සිතේ අකුසල් කර්ම බලය බව අභිධර්මයට අනුව දත යුතුය..  එය තනි භික්ෂූන් වහන්සේ කෙනෙක් ගේ දුර්වලතාවක් වූවාට එයින් ශාසන, පුද්ගල හානිය අල්ප වන්නේ එය ආරෝපනය කිරීමට අනුගාමිකයන් නැති නිසයි. නමුත් සිතා බලන්න 500 ක් අනුගාමික භික්ෂූන් වහන්සේ හා සියළු අනුගාමික ගිහියන් මත එම වෛරයම ආරෝපනය වූ විට මොන තරම් ශාසන, පුද්ගල හානියක්ද? අපි ඔබට ඉහත ලිපියෙන් කියා දුන් ද්වේෂ මූල,  සියලු ආකාරයේ සිත් මෙහිදී ජනිත වී හසුවූ සියල්ල සුනාමියකට වඩා අනන්ත ගුණයෙන් දරුණු විනාශයකට ලක් කරයි. විපාක, අනන්ත වූ සසරේ, මතු භවයන්හී නොවැරදීම ගෙවිය යුතුය. එය කර්ම නියාමයයි.

සිතින් සිදුවන ව්‍යාපාද කර්ම පථය, ඉතා පහසුවෙන් පුද්ගලයන් ගොදුරු කර ගන්නා කෙලෙස් ධර්මයකි. එය සිදු වන්නේ හුදෙක් කරුණු 2 ක් සම්පූර්ණ වීමෙනි.

ව්‍යාපාද කර්ම පථය

විශාල වීම සඳහා පණිවුඩය මත Click කරන්න

සිළුමිණ  ලිපිය කියවීමේදී ඔබට දැනුනේ කුමක්ද? පූජ්‍ය කිරිබත්ගොඩ හිමි පානන්, නිකෙලෙස් වීමට සටන් කරන වීර පුරුෂයෙක් මෙන් සතුරාට මෛත්‍රී විහරණය දක්වා එම අපහසු අවස්ථාවේ සසරින් ජය ගන්නා අයුරුද? එසේත් නැතිනම්, අංග සම්පූර්ණව ව්‍යාපාද කර්ම පථය සිදු කරමින් සසරේ අන්ත පරාජිතයෙක් වන අයුරුද? එය විනිශ්චය කිරීමට අපි ඔබට භාර කරමු.  පූජ්‍ය කිරිබත්ගොඩ හිමි පානන් සිය විරුද්ධ මත ධාරී පූජ්‍ය භික්ෂූන් වහන්සේ නෙරපීම පිණිස අසපු තුලදී ගිහි මැර බලය පවා යොදා ගන්නා බවට පැතිරෙන කථා, අපට සම්පූර්ණයෙන් බැහැර කල නොහැක්කේ මෙම කණගාටුදායක පසුබිම තුලය.

අභිධර්මය ප්‍රතික්ෂේප කලත් විනය හා සූත්‍ර පිටක ප්‍රයෝගිකව භාවිත කරන බව දෙසන පූජ්‍ය කිරිබත්ගොඩ ස්වාමීන් වහන්සේ විනය විරෝධී ක්‍රියාවකට  පූජ්‍ය භික්ෂූන් දෙනමක් යොදවන ලද්දේ මොන සිතකින් දැයි අපිට සිතා ගැනීමට වත් නොහැක. උන් වහන්සේ යටතේ පැවිදි වූ  පූජ්‍ය භික්ෂූන් දෙනමට භාවනා අසපු දෙකක් භාර දුන් බවත් ඒවා වලින් ආදායම් ලබන්නටත් නිදහස දුන් බව කියති. මෙය මොන තරම් විනය විරෝධී භික්ෂු විනාශයක්ද ? මූලික වශයෙන් මුදල් භික්ෂූන් වහන්සේට අකැප බව උන් වහන්සේගේ විනය පිටකයේ සඳහන් වී නොමැත්තේ විනය කාලයට සරිලන සේ සකස් කර ගත් නිසාද?.විනයට මුල් තැන දෙන ඕනෑම භාවනා මධ්‍යස්ථානයක මුදල් පරිහරණය ගිහියන් අතින් පමණක් සිදු වන බව ඔබ වහන්සේ අසා ඇතිද කිරිබත්ගොඩ  අපේ හාමුදුරුවනේ? ඒ ඒ අවස්ථාවේ ආමිස දාන, ධර්ම දාන හා අභය දාන සාර්ථක කර ගැනීමට කැමැත්තෙන් සතුටු සිතින් කරන පූජා පමණක් එහිදී දායක මණ්ඩලය විසින් පරිපාලනය වීම සිදුවේ. ඒවා කිසි ලෙසකින්වත් ආදායම් නොවන බව ඔබට පුදුමද කිරිබත්ගොඩ අපේ හාමුදුරුවනේ?

සිළුමිණ ලිපියේ කොල පැහැයෙන් ලකුණු කර ඇති පරිදි , ඔබ වහන්සේ අසපු පිහිටෙව්වේ අසරණ බෞද්ධ මුදල් ආදායම් බවට පත් කිරීමට බව ඔබ වහන්සේගේම වචන අපිට කියන මේ කටුක සත්‍ය පෘතග්ජන අපිට දරා ගන්න අමාරුයි කිරිබත්ගොඩ  අපෙ හාමුදුරුවනේ. භික්ෂූන් මුදල් පරිහණයේ ඇති බියකරු බව, යුගයේ සංඝ පීතෲන් වහන්සේගේ මෙම සාකච්ඡාවේ අපි කාටත් හෙළි කරන්නේ අපි/ඔබ සියල්ල ගැන මෛත්‍රියෙන් කරුණාවෙන්.  සවන් දී සම්‍යක් දෘෂ්ඨියට පැමිණීම පිණිසයි.

Bhikshun vahanseta Mudal kepada STEREO.mp3

එම සිළුමිණ ලිපියේම නිල් පැහැයෙන් ඉරි ගසා පෙන්වා ඇත්තේ කුමක්ද?, පැහැදිලිවම පූජ්‍ය සංඝ රත්නයට දෝෂාරෝපණයයි. කුමණ හේතුවක් නිසා කලත් මෙය  පූජ්‍ය කිරිබත්ගොඩ ඤානානන්ද හිමිව ධර්මානුකූලව වර්ජනය කිරීමට තවත් සුදුසුකමක් බව නොකියාම බැරිය. මන්ද, තුන් පිටකය ඉගෙන නොගත්තත්, විනය පිළිනොපැද්දත් චූදිත භික්ෂූන් වහන්සේලා පූජ්‍ය කිරිබත්ගොඩ හිමි මෙන් ත්‍රී පිටක වල වැඩ සිටිනා බුදු වරුන් අපවත් කිරීමට උපක්‍රම නොයොදනා බැවිනි. කෙලෙස් පක්ෂයෙන්, ඉහත අංගුත්තර නිකායේ ඒකක නිපාතය අනුව පූජ්‍ය කිරිබත්ගොඩ හිමිම මහා සාවද්‍ය ( අතිශය ඝෝර විපාක වලට යටත්) වන බැවිනි.

කිසිම භේදයක් නොමැතිව ඉතිහාසය පුරාවට පැවති පන්සල් සමඟ තරහට මෙන් ථේරවාදයට කිසි සේත් නොගැලපෙන අසපු පිහිටුවමින්, ඒවායේ භික්ෂූත්වයට කිසි සේත් නුසුදුසු පහසුකම් වපුරමින්, සංඝ බේදය ඉතිහාසයේ කිසි කලකත් ලක් බිමේ නොතිබූ තරමට වර්ධනය කලේ වෙන කිසිවෙක් නොවේ පූජ්‍ය කිරිබත්ගොඩ ස්වාමීන් වහන්සේයි. එය ආනන්තරීය පාප කර්මයයි.

නිසි අවබෝධයක් හෝ කළමනාකරණයක් කරණයකින් තොරව කල බුදු රැස් පෙන්වීමේ උත්සාහයකදී, සෝමාවතී පුදබිමේ බෞද්ධයන් තිදෙනෙක් බඩ ගින්දර හා තදබදයේ ප්‍රතිඵල ලෙස දිවි පිදුවේ ඔබ වහන්සේ කෙරේ භක්තිමත් බව නිසාම බව අපි දන්නා නමුත්, ඒ අයට අඩු තරමින්  වාර්ෂික පුණ්‍යානුමෝදනාවක් නොකරන්නේ මන්දැයි අපට ඇති තවත් බලවත් ගැටළුවකි. කිසිවක් සිදු නොවූ අයුරින් එම අසරණයන් අමතක කර දමමින් කටයුතු කිරීම අපට මහා පුදුමයකි. පෙර අපි සිතා සිටියේ පල්ලියේ යාඤා මෙහෙයන් බෞද්ධයන්ට මරු කැඳවන බව පමණි. දැන් දැන් බෞද්ධ පින්කම් පවා බෞද්ධයන්ට මරු කැඳවූ විට සිටින බෞද්ධ  බැතිමතුන් අතලොස්සත් අතුරුදහන් වෙනවා නේද කිරිබත්ගොඩ අපෙ හාමුදුරුවනේ?

පූජ්‍ය කිරිබත්ගොඩ ඤානානන්ද හිමිට ලක් වැසි සැදැහැවත් බෞද්ධ කාගෙ කාගේත් අනුකම්පාව හිමි විය යුත්තේ විපාක වශයෙන් එතුමා ඩැහැ ගැනීමට බලා සිටින අදටත් එකතු කරගන්නා අතිශය බලගතු අකුසල කර්ම නිසායි. අපි කරුණා/මෛත්‍රී විහරණයෙන් මෙම ශාසන ව්‍යසනයේදී ජයගමු!. කළින් පෙන්වා දුන් ලෙසම පූජ්‍ය කිරිබත්ගොඩ හිමි  හා මහමෙව්නාව බුදුන් දෙසූ ලෙස ධර්මානුකූලව සම්පූර්ණයෙන් ප්‍රතික්ශේප කරමු. මෙම භියකරු සුනාමියට නිවැරදිව මුහුණ දී ගැලවෙමු!

මහානුභාව සම්පන්න තිසරණයේ අනන්ත ගුණ බලයෙන් රත්නත්‍රයට එරෙහි පෙනෙන/නොපෙනෙන බාහිර/අභ්‍යන්තර සියළු අපරාධ වැලකේවා!, පන්දහසට දස දහසක් කල් ගෞතම බුද්ධ ශාසනය ඉන්ද්‍ර ඛීලයක් සේ මේ ලක් පොළොවේ පිහිටාවා!

Click here to Read Full screen or Download this Sinhala article in PDF format

මදක් නැවතී සිතා බලන්න. ධර්මයේ රසවත්ම හා නොගැඹුරුම කොටස් අඩංඟු සූත්‍ර පිටකය යම් පූජ්‍ය හිමි නමක් උගෙන, ඉන් පසු සරලව,  එය ඔබට දෙසුවොත් ඔබ කෙතරම් එයට ඇලුම් කරාවිද? එය ධර්මයේ චිර පැවැත්මට මහඟු සේවයක්ම වේ. ඉන්පසු එම පූජ්‍ය හිමි නමම, විශාල ශ්‍රාවක සංඛ්‍යාවක් ගොඩ නගා ගත් පසු, මොනයම් හෝ හේතුවක් නිසා, ධර්මයේ තේරුම් ගැනීමට ලෙහෙසි නොවන, තේරුම් නොගෙන දේශනා කිරීමටද නොහැකි අති ගාම්භීර කොටස වන අභිධර්මය, සම්බුද්ධ දේශනයක් නොවේ යැයි කියමින් ප්‍රතික්ෂේප කලහොත් එවිට තත්වය කුමක්ද?

ධර්මය විමසා පිළිගත යුතු යයි බුදුන් දෙසූ ආකාරය පසෙක ලා, අන්ධ භක්තික ශ්‍රාවකයෝ එය හිස් මුදුනින් පිළිගනු ඇත. අභිධර්මය උගෙන විමසා බලනු වෙනුවට එය සහමුලින් ප්‍රතික්ෂේප කරමින් නොයෙකුත් කාරණා ඉදිරිපත් කරමින් උන් වහන්සේ වෙනුවෙන් පෙනී සිටිනු ඇත.

සුවාසූ දහසක් ධර්ම ස්කන්ධයේ හරි අඩකට සම වන, බුදු පියාණන් වහන්සේ විසින්ම තවත් බුදුවරුන් හතලිස් දෙදහසකට සමාන යැයි උපමා කරන ලද, අති ගාම්භීර වූ, බුදු දහමේ සැබෑ හරය ප්‍රතික්ෂේපය තුලින් වැනසීමට  මුදල්ද පූජා කරනු ඇත. තමාගේ විමුක්තිය සඳහා බුදුන් දෙසූ ලෙස (* මෙම ලිපියේ පසු වදන බලන්න) ධර්මානුකූලව ප්‍රතික්ෂේප කල යුතු පූජ්‍ය හිමි නමක් වෙනුවෙන් හතලිස් දෙදහසක් වූ බුදුවරුන් අපවත් කිරීමට තමාගේ තුන් දොරම යොදනු ඇත. ඉන්පසු මෙම ආනන්තරීය පාප කර්ම කල  සැදැහැවත් උදවිය “අහෝ මහා කුසලයක් කර ගත්තෙමු” යනුවෙන් සතුටු වෙනු ඇත.

ඉහත දැක්වෙන්නේ හුදු ප්‍රබන්ධයක්ද? කිසි සේත් නැත. එය අද එලෙසින්ම සිදුවෙමින් පවතී. අභිධර්ම පිටකය ප්‍රතික්ෂේප කල පළමු වැන්නා තමා නොවේ යයි ප්‍රසිද්ධ පුවත්පත් වලට ප්‍රකාශ නිකුත් කරමින් අතිශය ජනප්‍රිය දේශක පූජ්‍ය කිරිබත්ගොඩ ඤානානන්ද ස්වාමීන් වහන්සේ මහමෙව්නා අසපු, නොයෙක් ධර්ම ප්‍රකාශන, ධර්ම දේශනා සියල්ල හරහා බෞද්ධ ශ්‍රාවක සියල්ලගේ ඇස් , සිය සූත්‍ර පිටක දැනුම හා නොයෙක් ක්‍රම උපායන් යොදා වසා ලමින්, දන්නා ධර්මය අධික මිල ගනන් වලට වෙන්දේසි කරමින්, ආධාර රැස් කරමින් මෙම සුනාමි රැල්ලේ නොපෙනෙන බලවේගය ගොඩ නගමින් යයි. එම සුනාමිය, බෞද්ධයාගේ මුදලින්ම සසුන ඇතුලතින් වැනසීම සඳහා කල දීරිඝ කාලීන අන්‍යාගම් සැලැස්මක් යයි පසුව හෙළි වුවද අපි පුදුම නොවන්නේ, ලක් බිම, ලොවට පිරිසිඳු බුදු දහම බෙද බෙදා දීමට ඇති  එකම රට බැවිනි. මුළු ඉතිහාසය පුරාම එය වනසා දැමීමට මාන බලන්නෝ කුමන ක්‍රමයකින් හෝ සිය අදහස් මුදුන් පමුණුවා ගැනීමට පසුබට නොවන බැවිනි.

අපගේ පෞරාණික පිළිගැනීම ගමයි, පන්සලයි, වැවයි දාගැබයි යන්නයි. එය කිසි සේත් ගමයි, අසපුවයි, වැවයි දාගැබයි විය නොහැක්කේ අසපු යන වචනය බෞද්ධ ඉතිහාසයේ කොතැනකවත් බුද්ධ පුත්‍රයන් වහන්සේලා වැඩ උන් තැන් යයි සඳහන් නොවීම නිසයි. කෙසේ නමුන්, නිඝන්ටයන්, තීර්ථකයන් ආදී නොයෙක් මිසදිටුවන් නම් අසපු අශ්‍රිතව සිටි බව ධර්මයේ නොයෙක් තැන සඳන් වේ. තමාගේ අති බියකරු කර්ම වලට සුදුසු නමක්  පූජ්‍ය කිරිබත්ගොඩ ඤානානන්ද ස්වාමීන් වහන්සේට සිය ස්ථාන වලට යෙදීමට සිත් වීම සමහර විට හාස්කමකින් වූවාදැයි අපි නොදනිමු.

අවාසනාවන්ත ලෙස මෙම මහමෙව්නා ධර්මය තුල බොහෝ විට ඇත්තේ සම්ප්‍රප්ප්‍රලාප සාගරයක් මැද පිරිසිඳු නමුත් ඉතා ස්වල්ප වූ තථාගත ධර්මයකි. අභිධර්මය ප්‍රතිෂේපිත බැවින් එහි ගැඹුරද, විචිත්‍රත්වයද  ඉතාම අල්පය. හරියටම ගොම කළයක් මතට දැමූ කිරි බිඳක් මෙනි. අසන්නා එම සම්ප්‍රප්ප්‍රලාප සාගරයේ ගිලුන විට කියූ ස්වල්ප නොගැඹුරු ධර්මය මහ මෙරක් මෙන් හැඟීමට පුළුවන. වසර ගණනක් එම ධර්මය ශ්‍රවණය කල සැදැහැවත් මහමෙව්නා ශ්‍රාවකයෙක් වුවත්, තමා කිසි දෙයක් දන්නවාදැයි සැකය අවසානයේ ඔවුනටම ඇති වන්නේ මේ හේතුව නිසාය.

යමෙක්ට ඇඬීමට නම් අනිවාර්යයෙන් ඉපදිය යුතු ද්වේෂ මූල නමින් අකුසල් සිත් වර්ගයක් ඇත. මේ යටතේ සිත් දෙකක් සඳහන් වන අතර ඒවා පොදුවේ, දෝමනස්ස සහගත පටිඝ සම්ප්‍රයුක්ත සිත් යැයි අභිධර්මයේ සඳහන් වේ. එම සිත් දෙකෙන් එකක් අසංස්කාරික (තමාම) ලෙසද, අනික සසංස්කාරිකද(පෙළඹීමේන්) ලෙස බෙදා ඇත්තේ පිළිවෙලින් තමා තුලින්ම හෝ පිටස්තරයෙකුගේ පෙළඹීමේන් යන ආකාර දෙකින් එකකින් පමණක් මේවා උපදින බැවිනි. මේවා උපදින ප්‍රධාන කර්ම පථ 7 සමඟ ඇති නිරූපණය බලන්න.

ද්වේෂ මූල සිත් වල චෛතසික සම්ප්‍රයෝග

විශාල වීම සඳහා පින්තූර මත Click කරන්න

මෙය කියවන ඔබ ජීවිතයේ අනේක වාරයක් විවිධ හේතූන් මත හඬා ඇතුවාට කිසිම සැකයක් නැත. එබැවින් ඔබගේ එම අත්දැකීමම අභිධර්මයේ උගැන්වීම් වල ඇති නිරවද්‍ය බව ඝාම්භීර බව අවබෝධය පිණිස යොදා ගත හැක. බර වචන සියල්ල ඉවත් කර, හැකිතරම් සරලව අපි ඔබට ඉහත සිත් වලට චෛතසික කීපයක් පමණක් ඇමිනෙන හැටි පවසන්නෙමු.

චෛතිසික සියල්ල 52 කි. එයින් විරිය යනු එකකි. මෙම විරිය පවා ඉහත ඕනෑම අකුසල සිතක ඇමිණී ඇත. නමුත් එය මෙහි සඳහන් නොවන කුසල සිතක තරම් ප්‍රභලව නොවේ.

“කෙලෙස් සහිත සත්වයා හට අකුශලය මිහිරිය, ඔහුගේ සිත අකුශල පක්ෂයේ පවත්නා කල්හී සැඩ පහරට අනුව ගඟේ පහලට පහළට යාත්‍රා කරන ඔරුවක් මෙන් අකුශල පක්ෂයේපහසුවෙන්ම ඉදිරියට යන්නේය. අමාරුව නම් එහි ඉදිරියට යැවීම නොව නැවැත්වීමය. එබැවින් අකුශල ක්‍රියා සිදු කිරීමට බලවත් විරියක් උවමනා නැත” [උපුටා ගැනීම, පි‍ටුව 77, අභිධර්මයේ මූලික කරුණු (දොලොස් වන මුද්‍රණය)- රේරුකානේ චන්දවිමල මහනාහිමි]

ඉහත සිත් දෙකෙන් තමාම උපදවාගන්නා අසංස්කාරික සිතේ එය තරමක් වැඩිපුර බලයකින්ද, පෙළඹීමෙන් උපදින සසංස්කාරික සිතේ “තෙත් මැටි පිඩක් සේ දුබලව” [උපුටා ගැනීම, පි‍ටුව 97, අභිධර්මයේ මූලික කරුණු (දොලොස් වන මුද්‍රණය)- රේරුකානේ චන්දවිමල මහනාහිමි ] ද ඇමිණී ඇත

ථිනය හා මිද්ධය තවත් චෛතසික දෙකකි, විරියට විරුද්ධ ස්වභාව වන සිතේ හා චෛතසික යන්ගේ අලස බව මෙයින් සිදු කෙරේ. ථිනමිද්ධය ලෙස තනි වචනයෙන්ද හැඳින්වේ. පෙළඹීමෙන් උපදින සසංස්කාරික සිතේ පමණක් ඇමිණෙන මෙම චෛතසික දෙක, ඇමිණිය යුතුම කියා නියමයක්ද නැත. පෙළඹීම නිසා හඬන්නා ට අඩුවෙන් හෝ නොමැතිවද, නොහඬන්නාට වැඩියෙන්ද, පෙළඹීම අතර නිදන්නාට උපරිමයෙන්ද මේවා ඇති බව තේරුම් ගත හැක.

ඉහත විස්තරය ඔබගේම අත්දැකීම සමඟ ගලපා බලන්න. සර්වඤ්ඤ වූ බුදු පියාණන්ටම හැර අන් කවරෙක්ට නම් එවන් සියුම් වූ අති සංකීර්ණ දහමක් දෙසිය හැකිද?

වර්ණ නිරූපන ආධාරයෙන් අභිධර්මය වැඩිදුරටත් ඉගෙනීමට කැමැත්තො මෙම ලිපියෙන් පටන්ගෙන බලත්වා.

අකුසල් සිත් ඉපදීමේ විපාක කෙදිනක හෝ සතර අපායේදී ගෙවීමට සූදානම් වී මේවා උපදවා ගත යුතුය. එය පැහැදිලිවම ද්වේශ නම් කෙලෙස් මූලය නිසයි.  ධර්ම දේශනයක් සවන් දීම කුසල් රැස් කිරීමක් මිස කිසිසේත් අකුසල් රැස් කිරීමක් නොවේ. එනමුත් පූජ්‍ය කිරිබත්ගොඩ ඤානානන්ද ස්වාමීන් වහන්සේගේ ධර්ම දේශනා වලදී අසන්නට ලැබෙන, ධර්ම දේශනයකට කිසිසේත් නුසුදුසු හැඟීම්බර කථා ඉහත සිත් පරම්පරා බැගින් අසන්නන්ට උපදවා ලයි. සසංස්කාරිකව(පෙළඹීමේන්) ඇති වන බැවින් එම සිත හරියටම “දෝමනස්ස සහගත පටිඝ සම්ප්‍රයුක්ත සසංස්කාරික සිත” වේ. අසන්නන් මහ හඬින් හඬමින් අකුසල් රැස් කර ගනියි. පූජ්‍ය  කිරිබත්ගොඩ ඤානානන්ද ස්වාමීන් වන්සේගේ ධර්ම දේශන හැරුනු විට වෙන කිසිම දහම් දෙසුමක අපි එම අවාසනාවන්ත තත්වය නුදුටුවෙමු.

මෙම මහමෙව්නා ව්‍යසන ගැන පූජනීය හෑගොඩ විපස්සී හිමියන් සිය වටිනා කාලය යොදා සොයා ගත් කරුණු ස්වල්පයක් පමණක් පහත ලිපියේ අඩංඟු වේ. මෙම ශාසන කර්තව්‍ය වෙනුවෙන්, එම උතුමාණන්ට අපගේ නමස්කාරය

අද ලක්දිව බහුතරයක් උගත් ත්‍රිපිටකධාරී අති පූජනීය භික්ෂු පරපුර මේ ව්‍යසනයේදී නිහඬ වීමද අපට තේරුම් ගත හැක. උන් වහන්සේලා හඬ නැගුවේ නම් එය සංඝ බේදයක් සේ බහුතරයක් දෙනා අර්ථ දක්වනු ඇත. එය සසුනට යහපතකට වඩා අයහපතක් කරනු ඇත. ධර්ම සංවේගය ඇති අපිට කිසි සේත්, මෙම බියකරු සුනාමිය එනු දකිමින් නිහඬ විය නොහැක. පිරිසිඳු බුදු දහම අගයන එකා දෙන්නා හෝ ගලවාගෙන තව එක් දිනක් හෝ වැඩිපුර ධර්මය රැක දීමට අපි ක්‍රියා කරන්නෙමු. ඔබටත් මෙම මහමෙව්නා ව්‍යසන පිළිබඳ ලිපි ඇති නම්, ථේරවාදයේ , බුදු සසුනේ අනාගතය වෙනුවෙන් dharmachareepirisa@gmail.com හරහා ඒවා පළ කර ගන්න. මෙම ලිපිය සියල්ලන්ට බෙදා හරින්න, පූජනීය හෑගොඩ විපස්සී හිමියන්ට කල හැකි උපකාර ඇත්නම් කර, එම උතුමා දිරි ගන්වන්න. වර්ථමාන තර්ජන වලින් එම පැවිදි උතුමා ආරක්ෂා කර ගන්න. තම තමාගේ විමුක්තිය සඳහා බුදුන් දෙසූ ලෙස (* මෙම ලිපියේ පසු වදන බලන්න) ධර්මානුකූලව පූජ්‍ය කිරිබත්ගොඩ ඤානානන්ද ස්වාමීන් වන්සේ හා මහමෙව්නා අසපු මෛත්‍රී සහගත සිතින් ප්‍රතික්ෂේප කරන්න. එහි සියළු ප්‍රකාශන කියවීමෙන් වලකින්න. එම වෙබ් අඩවි වලට නොපිවිසෙන්න. කිලිටි සඟවා ගත් දහමක් අසනවාට වඩා එය නො අසා සිටීම ඔබව මොළ සේදීමෙන් වළකා ලනු ඇත. පිරිසිඳු දහමින් ප්‍රයෝජන ලැබුමට ඔබට වඩා හොඳ අවස්ථාවක් ඉතිරි කර දෙනු ඇත. දැනට සිදු වූ සාශන විනාශයන් ගැන ඔබට වෛර සිත් උපදීනම්, පූජ්‍ය කිරිබත්ගොඩ ඤානානන්ද ස්වාමීන් වන්සේ හා අනුගාමික පිරිස අරමුණු කොට මෙත් වඩන්න. ත්‍රීපිටකධාරී ඝාම්භීර සංඝ පීතෲන් වහන්සේලා පෙන්වා දෙන නිවැරදි ධර්ම මාර්ගයේ පමණක්, අසන්නාවූ දෙසුමෙන් දෙසුම නුවන වඩා ගනිමින් නිවැරදිව ප්‍රතිපත්ති පුරමින් සුවසේ නිවන් කරා පිය මනින්න.

~~~~~~~පසු වදන~~~~~~~

උපාසකයන් විසින් වර්ජනය කළ යුතු  (අප්‍රසාදය දැක්විය යුතු ) යැයි  බුදුන් වහන්සේ විසින්ම අනුදැන වදාල භික්ෂූන් වහන්සේලා විශේෂයක්ද සිටී   එම භික්ෂූන් වහන්සේලා පහත පරිදි හඳුනා ගත හැක.

එම භික්ෂූන් වහන්සේලා ගිහියන්ට අලාභ කිරීමට උත්සාහ කරන්නාවූද, ගිහියන්ට අනර්ථ කිරීමට උත්සාහ කරන්නාවූද, ගිහියන්ට ආක්‍රෝශ පරිභව කරන්නා වූද, ගිහියන් ගිහියන් හා බිඳවන්නාවූද, බුදුන්ගේ අගුණ කියන්නා වූද, ධර්මයේ අගුණ කියන්නා වූද, සංඝයාගේ අගුණ කියන්නාවූද, හැසිරීමට නුසුදුසු තැන්වල දක්නා ලැබෙන්නා වූද අය වශයෙන් දක්වා ඇත.(බලන්න, පරම පූජනීය රේරුකානේ චන්දවිමල මහ නාහිමි සම්පාදිත “බෞද්ධයාගේ අත්පොත, 39 පිටුව ). මෙහිදී අප්‍රසාදය දැක්වීම යනු ඒ භිෂූන්ට ගර්හා කිරීම නොව, දුටු කල හුනස්නෙන් නොනැගී සිටීම, පෙර ගමන් නොකිරීම, නොවැඳීම, දන් නොදීම යන මේවායින් තමාගේ නොසතුට දක්වීමයි.

ඉහත වර්ජනය කිරීමට සුදුසු යැයි හඳුනා ගැනීමේ කාරණා වලින් පූජ්‍ය  කිරිබත්ගොඩ ඤානානන්ද ස්වාමීන් වන්සේ පහත කාරණා කීපයම යටතේ සුදුසු කම් දක්වයි

1. ගිහියන්ට මුළු සසරටම බලපාන සේ අලාභ කිරීමට හා අනර්ථ කිරීමට උත්සාහ කිරීම. පහත දැක්වෙන්නේඉන් කීපයක් පමණි :
හරියට නොදැන කමටහන් දීමෙන් ඒවා පිළිපැදීමෙන් සිහි විකල් වූ පැවිදි, ගිහි තරුණ ජීවිත ගණන සුලු පටු නොවේ. තම දරුවාට ඉගෙනීම අවසන් කර පැවිද්ද ගැන සිතන ලෙස අවවාද කරන දෙමව් පියන්, මාරයාගේ දූතයන් සේ උගන්වන්නේද පූජ්‍ය කිරිබත්ගොඩ ඤානානන්ද ස්වාමීන් වන්සේ පමණි. හින්දි නිලියන් වැනි කාන්තාවන්ද, කාන්තාවන්ට නුසුදුසු යැයි බුද්ධ දේශිත භාවනා ඉරියව්ද පිට කවරවල යොදන්නේ පූජ්‍ය කිරිබත්ගොඩ ඤානානන්ද ස්වාමීන් වහන්සේ පමණි. මහාචාර්‍ය අති පූජනීය රේරුකානේ චන්දවිමල පැවිදි උතුමාණන්ගේ වටිනා දහම් පොත් බැලීමට තහනම් යැයි ලේබල් යොදා තැන්පත් කර ඇත්තේ මෙම අසපු වල පමණි. මම යන වචනය ඉතාම අධික ලෙස යොදා ගනිමින්, දේශනය පුරා මමත්වය වර්ධනය කරමින් අසන්නන් හඬමින් අකුසල් රැස් කරන ධර්ම දේශනා පවත්වන්නේ පූජ්‍ය කිරිබත්ගොඩ ඤානානන්ද ස්වාමීන් වන්සේම පමණි.

2. ලොව්තුරා බුදු පියාණන් වහන්සේට දෝෂාරෝපණය කිරීම : අංගුත්තර නිකායේ දුක නිපාතයට අනුව, පූජ්‍ය  කිරිබත්ගොඩ ඤානානන්ද ස්වාමීන් වන්සේ බුද්ධ දේශිත අභිධර්මය එසේ නොවේ යයි කීම, බුදුන් වහන්සේට කල දෝෂාරෝපණයක් සේ දත යුතුය.

අංගුත්තර නිකායේ දුක නිපාතය

විශාල වීම සඳහා පත්‍රිකාව මත Click කරන්න

අනුගාමිකයන්ට අමතරව එයින් තමාට කර ගන්නා හානිය ප්‍රමාණ කිරීමට නොහැකි තරම විශාල වේ. නොලැබූ ධ්‍යාන ලැබී යන්නෙ නෑ, නොලැබූ විපස්සනා ලැබෙන්නෙ නෑ, නොලැබූ මාර්ග ඵල ලැබෙන්නෙ නෑ. මේ බුදු සසුනේදී පිහිටක් නෑ, මතු සසරේ බුදුවරු දහසක් පහල වුනත් ඒ ඇත්තන්ට පිහිටක් නෑ, මේ මිථ්‍යා ධර්මයක් බිහි කිරීම නිසා, මිථ්‍යා ධර්මයක් ලොවට බෙදා දීම නිසා.

~~~~~~~සැ. යු.~~~~~~~
පූජ්‍ය කිරිබත්ගොඩ ඤානානන්ද ස්වාමීන් වන්සේ හා අනුගාමික පිරිස හා මහමෙව්නාවේ සම්පූර්ණ ක්‍රියාකාරීත්වයත් පිළිබඳ අපට වෛරයක් නැත. අපි ඔබගෙන්ද ලිපිය අවසානයේ ඉල්ලා ඇති පරිදි උත්සාහ කරන්නේ දිනෙන් දින දළු ලා වැඩෙන මෙම ව්‍යසන සම්බන්ධව උපේක්ෂා සහගත වීමටයි. කෙසේ නමුත් ඔබට මෙම ලිපියේ සිරස්තලය කියවූ මොහොතේ පටන් සිතේ වෛරය බුර බුරා නගී නම් එය ව්‍යාපාද කර්ම පථයයි. උපදින සිත ඉහත හැඬීමේදී උපන් ,සිතට වඩා බලවත් වූ “දෝමනස්ස සහගත පටිඝ සම්ප්‍රයුක්ත අසංස්කාරික සිත” නම් අකුසල් සිතයි.  නිරූපනයේ රතු වලාවක් යොදා ඇත්තේ ඒ නිසයි. ඔබට මෙම ලිපියේ කරුණු ගැන විරෝධතා ඇත්නම් කරුණාකර මෙහි ඇති ඕනෑම කරුණක් අසත්‍ය යයි සාධක සහිතව දක්වන්න. හුදෙක් හැඟීම් වලට වහල් වී දක්වන ප්‍රතිචාර ධර්මානුකූල වීමේ සම්භාවිතාව නොගිනිය හැකි තරම් කුඩා බව සිහි තබා ගන්න. සැක ඇති ධර්ම කරුණු සියල්ල විමසා බලා, වඩා ගත් නුවන සමඟ යොමු කරන ඔබගේ විරෝධතාවයන්(ඇත්නම්) ලිපියට ප්‍රතිචාර ලෙස දැක්වීමේ පහසුකම අප සපයා ඇත්තෙමු.


lankeeya sithuwili

Install Sinhala Unicode to fully view this site

පරම පූජනීය රේරුකානේ චන්දවිමල ස්වාමීන් වහන්සේ

පරම පූජනීය රේරුකානේ චන්දවිමල ස්වාමීන් වහන්සේ

වඩ වඩා විශාල වීම සඳහා පින්තූරය මත නැවත නැවත Click කරන්න. උපරිම ලෙස විශාල වූ පසු බාගත (Download) කරන්න.

අති පූජනීය නා උයනේ අරියධම්ම ස්වාමීන් වහන්සේ

අති පූජනීය නා උයනේ අරියධම්ම ස්වාමීන් වහන්සේ

වඩ වඩා විශාල වීම සඳහා පින්තූරය මත නැවත නැවත Click කරන්න. උපරිම ලෙස විශාල වූ පසු බාගත (Download) කරන්න.

Join 671 other followers

පටුන

අනුක්‍රමණිකාව

28 බුදු වරුන් Personality Building අංගුත්තර නිකාය චතුස්ස නිපාතය අංගුත්තර නිකායේ ඒකක නිපාතය අංගුත්තර නිකායේ දුක නිපාතය අකප්පිය දස මාංශය අට මහා කුසල් අතීතයේ සුරාපානයෙන් නැසුනෝ අදහාගැනීමටත් නොහැකි මහා ධර්ම සංහාර අන්තරාභව මිථ්‍යාව අභිධර්මය අභිධර්මය ඉගෙනීමේ හා නැතිවීමේ වෙනස අෂ්ට දුෂ්ඨක්ෂණය ආදීනව 6 ක් ඇති මද්‍ය පානය ආහාර ප්‍රත්‍යවේක්ෂා වාක්‍ය ආහාර වර්ග 4 උතුරු සළුව භාවිතාව උපාසකයන් විසින් වර්ජනය කළ යුතු භික්ෂූන් වහන්සේලා එකොළොස් මෙත්තානිසංස එදිනෙදා ජීවිතයේ උපරිම ධර්මයක් උකහා ගැනීමෙ පහසු ක්‍රම කුමන්ත්‍රණ කොසොල් රජු දුටු සිහින 16 කෝලම්කාර භික්ෂූන් වහන්සේලා ගිහි-පැවිදි ශීලය ජවන් සිත් 7 හි විපාක බලය ත්‍රිකෝටික පාරිශුද්ධ මාංශය ත්‍රිවිධ සත්ත්ව විනාශය තිසරණය තෙමගුලේ සිංහ නාද ථේරවාද සම්ප්‍රදාය අනතුරේ දස අකුසල් කර්ම පථ දස වැදෑරුම් දුක්ඛයෝ ද්වේෂ මූල සිත් වල චෛතසික සම්ප්‍රයෝග දිවා රෑ පිං වැඩෙන පිංකම් දුක නිපාතය ධනය පිරිහෙන කරුණු 6 ධාතුමනසිකාර භාවනා විද්‍යුත් පොත නමස්කාරය නරකාදී සතර අපා නව අරහාදී බුදුගුණ නිර්වාන වර්ණනාව පංච බුද්ධ කෘත්‍ය ප්‍රාර්ථනා වාක්‍ය පාප මිත්‍ර ආශ්‍රයේ ආදීනව පුත්‍ර මාංශ උපමාව පූජ්‍ය කිරිබත්ගොඩ ඤානානන්ද ස්වාමීන් වහන්සේ පූජ්‍ය පිටිදූවේ සිරිධම්ම හිමිපාණන් පෞර්ෂ වර්ධනය බැලිය යුතුම පොත් වහන්සේලා බුද්ධ නීති බුදුන්ගේ බල ක්ෂේත්‍ර බුදු වීම බෝධි සත්වයන්ගේ අධිෂ්ඨාන බලයෙන් මෙම කප පුරා පවතින ප්‍රාතිහාර්ය සතර බෞද්ධයෙක් සංවේගය පහළ කර ගත යුතු ස්ථාන සතර භික්ෂුවකගේ සතරවිධ පරිභෝග මහමෙව්නා බෝධි ඥාන සභා ව්‍යවස්ථා මාලාව මහමෙව්නා සුනාමිය මහා සුපින ජාතක නිරූපනය මෛත්‍රී බුදු රජුන් යහපත් නොවන සතර දෙනා රතන සූත්‍ර දේශනාවෙ අනුහස් රත්නත්‍රය සමා කර ගැනීම ලස්සන වීමේ රහස ලොවට සුරාව පහල වූ හැටි ව්‍යාපාද කර්ම පථය විචිකිච්ඡා චෛතිසිකය හා එහි සම්ප්‍රයෝග සතර පොහොය සතර සංග්‍රහ වස්තු සත්පුරුෂයා හඳුනාගත හැකි ලක්ෂණ සප්ත ව්‍රත පද සැට නමක් සිවුරු හැර ගිය අග්ගික්ඛන්ධොපම දේශනාව සිව් පස ප්‍රත්‍යවේක්ෂාව සිව් බඹ විහරණ සුඛ-දුක විඳීම අනුව ස්ථාන සතර සුවාසූ දහසක් ධර්ම ස්කන්ධය හෙවත් බුදුවරු 84000

පසුගිය ධර්ම දාන

නවතම ප්‍රතිචාර

ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
ධර්මචාරී පිරිස දිගටම වඳ වෙමුද? එකම විසඳුමට සහ… පිළිබඳ
Ramalie දිගටම වඳ වෙමුද? එකම විසඳුමට සහ… පිළිබඳ
kalum දිගටම වඳ වෙමුද? එකම විසඳුමට සහ… පිළිබඳ
Dinuka Jayasinghe Ar… දිගටම වඳ වෙමුද? එකම විසඳුමට සහ… පිළිබඳ
Ramalie මේ අර්ථයෙන් බැලූ කල, වැළිකෙළිය… පිළිබඳ
Amila Chathuranga (@… මේ අර්ථයෙන් බැලූ කල, වැළිකෙළිය… පිළිබඳ
nawadakmakapelahara සිවුරක් තුල සැඟවුණ අළුගෝසුවා… පිළිබඳ
ජයන්ත චන්ද්‍රසිරි කල… බුදු සසුනේ පිහිටක් අවැසි නම්,… පිළිබඳ
ජයන්ත චන්ද්‍රසිරි කල… සකස්කොට දන්දීමේ පිනෙන් උපන්, ජ… පිළිබඳ
ධර්මචාරී පිරිස බොදුනුවාගේ මුදුන්මල්කඩ වන දළදා… පිළිබඳ
Samantha බොදුනුවාගේ මුදුන්මල්කඩ වන දළදා… පිළිබඳ
බොදුනුවාගේ මුදුන්මල්… දුර්දාන්ත ඉස්ලාම් යක්ෂයා විසින… පිළිබඳ
Niranjan Karunathila… අනේ අපෙ හාමුදුරුවනේ මේ ටික ලෝක… පිළිබඳ

ජනප්‍රියම ලිපි

ප්‍රවර්ග වලාව

MP3 ධර්ම දේශනා (බෙදා හරින්න) අස්‌ගිරි මහ නාහිමි පූජ්‍ය උඩුගම ශ්‍රී බුද්ධරක්‌ත අසිරිමත් බුද්ධ චරිතය ඉස්ලාමිකයා හෙවත් අද බෞද්ධයාගේ පරම සතුරා කාලීන ලිපි ගාථා රත්නයෝ දැඩිසේ ප්‍රතික්ෂේප කලයුතු පිරිස් දූෂකයන් වහන්සේලා දි. මු. ජයරත්න දිවි හිමියෙන් ප්‍රතික්ෂේප කලයුතු පාපී අබෞද්ධයෝ ධර්ම පත්‍රිකා (බෙදා හරින්න) ධර්මසංවේගයෙන් යුතුව නුසුදුසු භික්ෂූන් ප්‍රතික්ෂේපය නම් නොකල ජාතික වීරවරයෝ නිරූපන නොකල යුතු පව්කම් පින්කම් පිරිත් සජ්ඣායනා පිරිසිඳු ධර්ම පොත් පූජණීය ගලගොඩඅත්තේ ඤණසාර හිමි පූජ්‍ය අම්පිටියේ සුමනරතන හිමි පූජ්‍ය කිරිබත්ගොඩ ඥානානන්ද හිමි බොදුනුවා විසින් බලගැන්වියයුතු සංවිධාන බොදුබල සේනා බොදුබල සේනා පූජණීය හිමිවරු මුස්ලිම් ලබ්ධිකයන් සියල්ල රට දැය සමය කෙරේ හැඟීමක් නැති හිමිවරු වන්දනීය අති උතුම් මහා සංඝ රත්නය විද්‍යුත් පොත් (E-Books) විරෝධය පෑයුතු බොදු විරෝධී පවිටු ක්‍රියා සසුන නැසීමේ සිංහල අබෞද්ධ කුමණ්ත්‍රණ සසුනේ වත්මන් ඉරණම

තවම ප්‍රයෝජන ලැබුවේ

  • 448,905 ක් පමණයි

දස දෙසින් සදහම් රසයට එක්වන්නෝ

%d bloggers like this: